SINU64
Ɔlaa Ɔpɛ Diɛta Ni Kanyu
Dawid onu. Kuɔta ni sinutuotɛ.
1O Yaa, nu mi sɛlɔ, di obe wɔ kɔka ɔlaa nii nitika fɔ ni;fũ mi nkpa fakyeko lo nii afunaa kamɛ.2Wofasa mi di bakpiletɛ kanwumbe nwu kamɛ,di sikpile bablatɛ kpinwu kudu nwu kamɛ.3Bɛɛlɔɔfɔ sɛkplalomii lɛma fɛle mpamiibɔɔtɛ kafɔɔ sɛlaa lɛma fɛle akplɔ yakayaka.4Mantaa otii wɔ ninambla ni okpile mankyeko nwofakɔ lɛma;mantaa di difua kamɛ, manan-yɛkɛ nii.5Mankpee bawo osie di sikpile ole sisuku suoto,mankakatɛ di mmle babawofasa ni sikũ lɛma;mambuɛ alɛ, "Owe nimanya ma?"6Mambu sikpile ole mambuɛ alɛ,"Butoodiki kɔkpaa biene!"Nwaako otii disibu ku otu kamɛ lekyofo.7Kafɔɔ Yaa mataa ma ku akplɔ;nfanwu babataa ma mantɛ kaasɔ nɛ.8Abamunikĩisa sɛkplalomii lɛma simu ankpee maanta ma kafɔɔ man-wɔɔ;batii ba bamuu nimanya ma ni matũkunsa asi lɛma mamma.9Batii bamuu mayɛkɛ;babayie Yaa sɛkpɛ nwu lɛkyamambu sĩ disi di nle ɛɛbla ni suoto.10Ta batininitɛ banya suoto lɛyɔɔ di Saate nwu kamɛbaataniko nwɔ kafɔɔ;ta batii ba bamuu niɛbla ni tinini di situ lɛma kamɛ batansa nwɔ!The Seed Company