SINU63
Yaa Owolaa Nwaa
Dawid onu. Di obe wɔ aawɛ ni di Yuda Ɔfaafuu.
1O Yaa, afɔ ninle Yaa nii,kowolaa fɔ osie kanya;otukɔnsɔ nkle ɔkla nii di suoto lɛfɔ,suoto nii kowolaa fɔ,di kasɔ kosole ku kasɔ ka nintookpi nidi lɛba le di ntu nnaa nii.2Ntɔɔnya fɔ di kakleklekɔ nwu kamɛlɛnya osie lɛfɔ ku lɛkpa lɛfɔ.3Diekye lɛbɔmbɔ lɛfɔ nlɛ dilenke nkpa,anyasibi nii madiki fɔ kɔlɛɛ.4Matansa fɔ di obe wɔ lɛnya nkpe ni nkpa,di leyooto lɛfɔ kamɛ matakatɛsa nnɛɛ nii katoo.5Ɔkla nii mamiɛ ku alesaa ya niɛtɛ alɛ ni nwaa;ku sinu ɔsa anyasibi, kanya nii matansa fɔ.6Nnyuma fɔ di atensaa nii suoto;mbu fɔ disi kakyɛ kamuu.7Diekye afɔ ninle kyakaakotɛ nii,nsa sinu di afoko lɛfɔ oyududu kalɔ.8Ɔkla nii nka fɔ di suoto;koletanɛɛ lɛfɔ lemufũ mi kuklee.9Babawɔɔsa batii ba nikomiɛ ni nkpa nii ɔlaalaasa;babasoo mansifi kasɔ nwu kakyofokɔ.10Babayɔ ma manta kapamiimankple alesaa manta lepoo kamɛ baweewee.11Kafɔɔ ɔka manya suoto lɛyɔɔ di Yaa kamɛ;batii ba bamuu niɛka ni ntam di Yaa leyooto kamɛ matansa nwɔ,di obe wɔ babamaasa ni balaatɛ nnya.The Seed Company