𐴔𐴡𐴃𐴞24
𐴁𐴝𐴘𐴃𐴟𐴓𐴢-𐴔𐴟𐴑𐴝𐴊𐴧𐴡𐴏𐴢 𐴊𐴡𐴥𐴚𐴐𐴡 𐴀𐴡𐴥𐴖𐴝𐴌 𐴀𐴝𐴒𐴟𐴕 𐴈𐴡𐴃𐴝𐴤
1𐴀𐴞𐴏𐴝𐴤 𐴁𐴝𐴘𐴃𐴟𐴓𐴢-𐴔𐴟𐴑𐴝𐴊𐴧𐴡𐴏𐴡𐴃𐴧𐴟 𐴕𐴠𐴦𐴓𐴞 𐴎𐴝𐴦𐴌𐴒𐴡𐴥𐴘, 𐴇𐴠𐴥𐴣𐴃𐴧𐴠 𐴀𐴞𐴥𐴁𐴝𐴌 𐴐𐴝𐴥𐴌𐴞𐴃𐴧𐴟𐴕 𐴀𐴞𐴥𐴁𐴝𐴌 𐴇𐴝𐴣𐴏𐴠 𐴀𐴝𐴙𐴐𐴧𐴠𐴥, 𐴀𐴞𐴥𐴁𐴝𐴌𐴠 𐴁𐴝𐴘𐴃𐴟𐴓𐴢-𐴔𐴟𐴑𐴝𐴊𐴧𐴡𐴏𐴡𐴌 𐴁𐴞𐴓𐴧𐴞𐴥𐴚 𐴀𐴡𐴥𐴑𐴧𐴡𐴓𐴢 𐴊𐴝𐴈𐴝𐴤𐴘 𐴁𐴡𐴓𐴧𐴝.2𐴀𐴞𐴥𐴁𐴝𐴘𐴠 𐴀𐴞𐴥𐴃𐴝𐴌𐴝𐴌𐴠 𐴎𐴟𐴖𐴝𐴁𐴠 𐴈𐴡𐴀𐴌 𐴊𐴠, ”𐴃𐴟𐴣𐴀𐴝𐴥𐴌𐴝 𐴀𐴞𐴀𐴕 𐴁𐴠𐴒𐴧𐴟𐴥𐴕 𐴊𐴠𐴑𐴡𐴥𐴌 𐴕𐴠𐴥؟ 𐴀𐴝𐴀𐴛 𐴃𐴟𐴣𐴀𐴝𐴥𐴌𐴝𐴌𐴠 𐴏𐴡𐴥𐴘𐴧𐴞 𐴈𐴡𐴀𐴙𐴌, 𐴀𐴠𐴍𐴠𐴥 𐴀𐴠𐴒𐴧𐴗𐴝𐴤 𐴉𐴝𐴃𐴧𐴡𐴥𐴌𐴡𐴌 𐴖𐴡𐴌𐴠 𐴀𐴝𐴌 𐴀𐴠𐴒𐴧𐴗𐴝𐴤 𐴉𐴝𐴃𐴧𐴡𐴥𐴌 𐴕𐴡 𐴃𐴝𐴥𐴑𐴞𐴁𐴡, 𐴇𐴞𐴥𐴀𐴕 𐴉𐴡𐴃𐴧𐴞𐴥 𐴀𐴠𐴑𐴒𐴗𐴝𐴥𐴌𐴠 𐴉𐴠𐴥𐴓𐴝𐴘𐴊𐴞𐴘𐴝 𐴎𐴝𐴘𐴁𐴡.“𐴑𐴞𐴘𐴝𐴔𐴡𐴃𐴡𐴌 𐴀𐴝𐴓𐴝𐴔𐴡𐴃𐴢 𐴀𐴡𐴥𐴑𐴧𐴡𐴓𐴢
3𐴀𐴞𐴏𐴝𐴤 𐴎𐴝𐴘𐴃𐴟𐴕 𐴉𐴝𐴀𐴌𐴡𐴌 𐴖𐴡𐴌𐴠 𐴁𐴡𐴘𐴍𐴝𐴤 𐴀𐴝𐴐𐴧𐴞𐴥𐴓𐴢 𐴊𐴠 𐴀𐴡𐴑𐴃𐴡𐴥𐴃𐴢, 𐴐𐴝𐴥𐴌𐴞𐴃𐴧𐴟𐴕𐴠 𐴀𐴞𐴥𐴁𐴝𐴌 𐴇𐴝𐴣𐴏𐴠 𐴀𐴝𐴙𐴊𐴧𐴡𐴕𐴠 𐴀𐴝𐴀𐴘𐴢 𐴈𐴡𐴀𐴌 𐴊𐴠, ”𐴀𐴝𐴣𐴀𐴌𐴝𐴌𐴠 𐴈𐴡𐴀𐴕𐴝, 𐴇𐴞𐴥𐴀𐴕 𐴇𐴡𐴣𐴃𐴧𐴠𐴥 𐴀𐴡𐴥𐴘𐴁𐴡 𐴊𐴠𐴥؟ 𐴃𐴟𐴀𐴛 𐴀𐴝𐴘𐴁𐴝𐴤𐴌 𐴀𐴠𐴊𐴧𐴠 𐴊𐴟𐴕𐴞𐴘𐴝𐴘 𐴀𐴝𐴇𐴠𐴥𐴌𐴞 𐴀𐴡𐴥𐴘𐴁𐴝𐴌 𐴀𐴝𐴓𐴝𐴔𐴡𐴃𐴢 𐴑𐴞𐴦 𐴀𐴡𐴥𐴘𐴁𐴡؟“4𐴀𐴞𐴏𐴝𐴤𐴘𐴠 𐴀𐴞𐴥𐴃𐴝𐴌𐴝𐴌𐴠 𐴎𐴟𐴖𐴝𐴁𐴠 𐴈𐴡𐴀𐴌 𐴊𐴠, ”𐴏𐴝𐴘𐴧𐴡𐴥, 𐴇𐴡𐴕𐴡𐴤𐴑𐴞𐴘𐴠 𐴎𐴠𐴕 𐴃𐴟𐴣𐴀𐴝𐴥𐴌𐴝𐴌𐴠 𐴒𐴡𐴓𐴧𐴡𐴃𐴡𐴃𐴢 𐴕𐴡 𐴓𐴡𐴘𐴎𐴝.5𐴑𐴞𐴘𐴡𐴥𐴓𐴧𐴝-𐴈𐴡𐴘𐴓𐴠𐴥 𐴁𐴡𐴀𐴗𐴃𐴢 𐴎𐴡𐴕𐴠 𐴀𐴝𐴣𐴀𐴌 𐴕𐴝𐴔𐴠 𐴀𐴝𐴀𐴘𐴢 𐴈𐴡𐴘𐴁𐴡𐴤 𐴊𐴠, ’𐴀𐴝𐴀𐴛 𐴀𐴡𐴥𐴘𐴓𐴝𐴔 𐴊𐴠 𐴔𐴡𐴀𐴏𐴞𐴤,‘ 𐴀𐴞𐴥𐴃𐴝𐴌𐴝 𐴁𐴡𐴀𐴗𐴃𐴢 𐴎𐴡𐴕𐴡𐴌𐴠 𐴒𐴡𐴓𐴧𐴡𐴃𐴡𐴃𐴢 𐴓𐴡𐴘𐴎𐴝𐴘𐴁𐴡𐴥𐴘.6𐴃𐴟𐴣𐴀𐴝𐴥𐴌𐴝 𐴓𐴝𐴌𐴝𐴥𐴙𐴌 𐴀𐴝𐴁𐴝𐴏𐴢 𐴀𐴠𐴊𐴧𐴠 𐴓𐴝𐴌𐴝𐴥𐴙𐴌 𐴈𐴡𐴥𐴁𐴡𐴌𐴝-𐴈𐴡𐴥𐴁𐴡𐴌𐴞 𐴀𐴡𐴥𐴑𐴧𐴡𐴓𐴢 𐴉𐴟𐴥𐴕𐴞𐴁𐴝; 𐴇𐴡𐴥𐴁𐴡𐴌𐴡𐴊𐴧𐴝𐴌, 𐴕𐴡 𐴋𐴡𐴦𐴌𐴝𐴘𐴁𐴝𐴥, 𐴑𐴞𐴘𐴡𐴥𐴓𐴧𐴝-𐴈𐴡𐴘𐴓𐴠𐴥 𐴇𐴞𐴥𐴀𐴕 𐴀𐴡𐴥𐴖𐴝𐴌 𐴎𐴡𐴌𐴟𐴌, 𐴔𐴡𐴕𐴃𐴡𐴌 𐴇𐴞𐴥𐴘𐴝𐴓𐴝 𐴘𐴡𐴥 𐴀𐴝𐴇𐴠𐴥𐴌𐴡𐴃𐴢 𐴀𐴡𐴥𐴘𐴁𐴡 𐴊𐴠 𐴕𐴡.7𐴀𐴠𐴑 𐴑𐴡𐴗𐴔𐴠 𐴀𐴝𐴌𐴀𐴠𐴑 𐴑𐴡𐴗𐴔𐴡𐴌 𐴀𐴟𐴓𐴋𐴝 𐴀𐴠𐴊𐴧𐴠 𐴀𐴠𐴑 𐴌𐴝𐴙𐴅𐴧𐴡𐴘𐴠 𐴀𐴝𐴌𐴀𐴠𐴑 𐴌𐴝𐴙𐴅𐴧𐴡𐴌 𐴀𐴟𐴓𐴋𐴝 𐴃𐴞𐴥𐴘𐴝𐴘𐴁𐴡, 𐴀𐴝𐴦𐴌 𐴎𐴝𐴒𐴝-𐴎𐴝𐴒𐴝 𐴌𐴝𐴄𐴢 𐴀𐴡𐴥𐴑𐴧𐴡𐴓𐴢 𐴀𐴠𐴊𐴧𐴠 𐴁𐴟𐴥𐴏𐴝𐴓𐴢 𐴀𐴡𐴥𐴑𐴧𐴡𐴓𐴢 𐴀𐴡𐴥𐴘𐴁𐴡.8𐴓𐴠𐴑𐴞𐴕 𐴇𐴞𐴥𐴀𐴕 𐴁𐴠𐴒𐴧𐴟𐴥𐴕 𐴀𐴡𐴥𐴙𐴓𐴊𐴠 𐴏𐴞𐴌𐴞𐴥𐴉𐴢, 𐴉𐴟𐴖𐴝 𐴇𐴝𐴥𐴓𐴝𐴏𐴢 𐴀𐴡𐴥𐴘𐴁𐴝𐴌 𐴐𐴟𐴥𐴌𐴟𐴌 𐴊𐴟𐴑 𐴀𐴡𐴥𐴑𐴧𐴡𐴓𐴡𐴌 𐴋𐴡𐴥𐴙𐴓𐴧𐴝.9”𐴇𐴠𐴥𐴣𐴃𐴧𐴠 𐴔𐴝𐴙𐴕𐴐𐴠𐴥 𐴃𐴟𐴣𐴀𐴝𐴥𐴌𐴝𐴌𐴠 𐴃𐴡𐴑𐴡𐴓𐴞𐴉𐴢 𐴊𐴞 𐴁𐴡𐴓𐴧𐴝 𐴊𐴡𐴥𐴌𐴞𐴊𐴞𐴁𐴡, 𐴀𐴝𐴦𐴌 𐴃𐴟𐴣𐴀𐴝𐴥𐴌𐴝𐴌𐴠 𐴔𐴝𐴌𐴞𐴉𐴠𐴥𐴓𐴝𐴘𐴁𐴡; 𐴀𐴝𐴣𐴀𐴌 𐴓𐴧𐴝 𐴁𐴡𐴓𐴞 𐴃𐴟𐴣𐴀𐴝𐴥𐴌𐴝𐴌𐴠 𐴃𐴝𐴔𐴝𐴥𐴔 𐴑𐴡𐴗𐴔 𐴀𐴡𐴥𐴑𐴧𐴡𐴓𐴠 𐴕𐴝𐴉𐴡𐴥𐴌𐴡𐴃𐴢 𐴒𐴡𐴌𐴞𐴥𐴁𐴡.10𐴇𐴠𐴥𐴣𐴃𐴧𐴠 𐴁𐴡𐴀𐴗𐴃𐴢 𐴎𐴡𐴕 𐴀𐴞𐴔𐴝𐴕𐴡𐴃𐴧𐴟 𐴉𐴞𐴏𐴧𐴝𐴥 𐴔𐴝𐴌𐴞𐴁𐴡𐴥; 𐴀𐴞𐴥𐴃𐴝𐴌𐴝 𐴀𐴠𐴎𐴧𐴡𐴕𐴡𐴌𐴠 𐴀𐴠𐴎𐴧𐴡𐴕𐴠 𐴊𐴡𐴥𐴌𐴞𐴊𐴞𐴁𐴡, 𐴀𐴠𐴊𐴧𐴠 𐴀𐴠𐴎𐴧𐴡𐴕𐴡𐴌𐴠 𐴀𐴠𐴎𐴧𐴡𐴕𐴠 𐴕𐴝𐴉𐴡𐴥𐴌𐴡𐴃𐴢 𐴒𐴡𐴌𐴞𐴥𐴁𐴡.11𐴀𐴝𐴦𐴌 𐴁𐴡𐴀𐴗𐴃𐴢 𐴔𐴞𐴏𐴝𐴥 𐴕𐴡𐴁𐴞 𐴀𐴡𐴥𐴑𐴧𐴡𐴓𐴢 𐴀𐴟𐴍𐴞𐴤, 𐴁𐴡𐴀𐴗𐴃𐴢 𐴎𐴡𐴕𐴡𐴌𐴠 𐴒𐴡𐴓𐴧𐴡𐴃𐴡𐴃𐴢 𐴓𐴡𐴘𐴎𐴝𐴘𐴁𐴡𐴥𐴘.12𐴁𐴠𐴊𐴞𐴕𐴞 𐴀𐴡𐴥𐴑𐴧𐴡𐴓𐴢 𐴁𐴝𐴌𐴞𐴥𐴎𐴝𐴘𐴁𐴡𐴘 𐴊𐴠 𐴇𐴠𐴥𐴃𐴡𐴓𐴧𐴝, 𐴁𐴠𐴦𐴐𐴢 𐴔𐴝𐴙𐴕𐴐𐴡𐴥𐴌 𐴔𐴟𐴇𐴝𐴥𐴁𐴧𐴡𐴃𐴢 𐴈𐴡𐴔𐴞 𐴎𐴝𐴘𐴁𐴡𐴘.13𐴔𐴡𐴕𐴃𐴡𐴌 𐴎𐴠𐴦𐴕𐴞𐴑𐴞 𐴀𐴝𐴇𐴠𐴥𐴌𐴞 𐴉𐴡𐴙𐴅𐴧𐴡𐴕𐴃𐴡 𐴁𐴡𐴌𐴊𐴝𐴐𐴢 𐴒𐴡𐴌𐴞𐴥 𐴃𐴝𐴥𐴑𐴞𐴁𐴡, 𐴀𐴞𐴥𐴃𐴠 𐴁𐴠 𐴕𐴠𐴅𐴝𐴃𐴢 𐴉𐴝𐴘𐴁𐴡.14𐴀𐴝𐴦𐴌 𐴃𐴝𐴔𐴝𐴥𐴔 𐴑𐴡𐴗𐴔 𐴀𐴡𐴥𐴑𐴧𐴡𐴓𐴡𐴌 𐴇𐴝𐴣𐴏𐴠 𐴒𐴡𐴁𐴝𐴤 𐴀𐴡𐴥 𐴉𐴝𐴥𐴕 𐴀𐴝𐴏𐴔𐴝𐴕𐴞 𐴌𐴝𐴙𐴅𐴧𐴡𐴌 𐴑𐴟𐴥𐴐𐴈𐴡𐴥𐴁𐴡𐴌 𐴉𐴟𐴌𐴝 𐴊𐴟𐴕𐴞𐴘𐴝𐴙𐴃𐴢 𐴃𐴡𐴁𐴡𐴓𐴞𐴑 𐴒𐴡𐴌𐴝𐴥 𐴎𐴝𐴘𐴁𐴡, 𐴃𐴡𐴥𐴘 𐴁𐴝𐴦𐴊𐴠 𐴁𐴠 𐴀𐴝𐴇𐴠𐴥𐴌𐴡𐴃𐴢 𐴀𐴝𐴘𐴁𐴡𐴤.𐴋𐴡𐴣𐴀𐴌 𐴔𐴡𐴏𐴞𐴁𐴡𐴃𐴢
15”𐴋𐴝𐴥𐴕𐴞𐴘𐴠𐴓𐴢 𐴕𐴡𐴁𐴞𐴌 𐴊𐴟𐴖𐴝𐴌𐴝 𐴈𐴡𐴀𐴙𐴓𐴢 𐴊𐴠 𐴇𐴠𐴥 𐴁𐴞𐴐𐴞𐴤 𐴇𐴡𐴥𐴃𐴝𐴌𐴝 𐴅𐴞𐴕𐴞𐴥𐴐𐴢 𐴎𐴞𐴘𐴝𐴥𐴕𐴠 𐴕𐴝𐴉𐴝𐴑 𐴒𐴡𐴌𐴠𐴥, 𐴇𐴞𐴥𐴘𐴝𐴕𐴡𐴌𐴠 𐴎𐴠𐴣𐴃𐴧𐴠𐴥 𐴃𐴟𐴣𐴀𐴝𐴥𐴌𐴝 𐴂𐴝𐴑 𐴎𐴝𐴒𐴝𐴃𐴢 𐴃𐴞𐴥𐴘𐴝𐴘𐴧𐴝 𐴊𐴠𐴑𐴞𐴥𐴁𐴝—𐴉𐴡𐴌𐴡𐴥𐴘𐴝𐴘𐴠 𐴁𐴟𐴎𐴡𐴥—16𐴇𐴠𐴥𐴣𐴃𐴧𐴠 𐴎𐴠𐴃𐴝𐴌𐴝𐴤 𐴘𐴡𐴇𐴟𐴥𐴊𐴞𐴘𐴝𐴃𐴢 𐴃𐴝𐴥𐴑𐴞𐴁𐴝, 𐴀𐴞𐴥𐴃𐴝𐴌𐴝𐴃𐴧𐴟 𐴉𐴝𐴀𐴌𐴡𐴃𐴢 𐴊𐴝𐴥𐴘𐴎𐴝𐴒𐴡𐴘 𐴉𐴡𐴌𐴞𐴁𐴡𐴥.17𐴎𐴠𐴦𐴕𐴞𐴑𐴞 𐴒𐴡𐴥𐴌𐴡𐴌 𐴏𐴝𐴥𐴊𐴡𐴌 𐴖𐴡𐴌𐴠 𐴀𐴝𐴏𐴠𐴤, 𐴀𐴞𐴥𐴃𐴝𐴃𐴧𐴟 𐴕𐴞𐴎𐴡𐴌 𐴒𐴡𐴥𐴌𐴡𐴌 𐴁𐴟𐴥𐴃𐴡𐴃𐴧𐴟 𐴑𐴠𐴏𐴧𐴟𐴥 𐴓𐴡𐴦𐴘𐴢 𐴁𐴡𐴓𐴧𐴝 𐴓𐴝𐴔𐴝𐴃𐴢 𐴕𐴡 𐴓𐴝𐴔𐴝 𐴉𐴡𐴌𐴞𐴁𐴡𐴥.18𐴀𐴝𐴦𐴌 𐴎𐴠𐴦𐴕𐴞𐴑𐴞 𐴑𐴠𐴥𐴃𐴞𐴃𐴢 𐴀𐴝𐴏𐴠𐴤, 𐴀𐴞𐴥𐴃𐴝𐴃𐴧𐴟 𐴕𐴞𐴎𐴡𐴌 𐴏𐴝𐴊𐴧𐴡𐴌 𐴓𐴡𐴦𐴘𐴢 𐴁𐴡𐴓𐴧𐴝 𐴖𐴝𐴦𐴉𐴠𐴏𐴢 𐴕𐴟 𐴀𐴝𐴀 𐴉𐴡𐴌𐴞𐴁𐴡𐴥.19𐴔𐴡𐴕𐴃𐴡𐴌 𐴇𐴠𐴥 𐴊𐴞𐴕 𐴀𐴡𐴥𐴑𐴧𐴡𐴓𐴡𐴃𐴢 𐴇𐴝𐴥𐴔𐴞𐴓𐴢 𐴔𐴝𐴘𐴝𐴉𐴟𐴀𐴝𐴙𐴕 𐴊𐴡𐴌 𐴓𐴧𐴝 𐴀𐴠𐴊𐴧𐴠 𐴊𐴟𐴊𐴡𐴌 𐴔𐴝𐴦 𐴀𐴡𐴥𐴑𐴧𐴡𐴓𐴡𐴓𐴧𐴝 𐴁𐴞𐴐𐴞𐴤 𐴀𐴝𐴉𐴏𐴟𐴥𐴏𐴡𐴌 𐴇𐴝𐴥𐴓𐴡𐴃𐴢 𐴀𐴡𐴥𐴘𐴁𐴡.20𐴊𐴟𐴖𐴝 𐴒𐴡𐴌𐴡𐴤, 𐴎𐴠𐴀𐴕𐴠 𐴃𐴟𐴣𐴀𐴝𐴥𐴌𐴝𐴃𐴧𐴟 𐴐𐴞𐴥𐴃𐴑𐴝𐴓𐴠 𐴘𐴝𐴥 𐴀𐴠𐴁𐴝𐴦𐴊𐴡𐴃𐴢-𐴀𐴡𐴌-𐴊𐴞𐴕 𐴊𐴝𐴥𐴘𐴎𐴝𐴒𐴡𐴘 𐴕𐴡 𐴉𐴡𐴌𐴠.21𐴑𐴞𐴘𐴡𐴥𐴓𐴧𐴝-𐴈𐴡𐴘𐴓𐴠𐴥 𐴇𐴠𐴥𐴣𐴃𐴧𐴠 𐴀𐴠𐴃𐴧𐴡𐴥𐴌 𐴋𐴡𐴣𐴀𐴌 𐴔𐴡𐴏𐴞𐴁𐴡𐴃𐴢 𐴀𐴡𐴥𐴘𐴁𐴡, 𐴎𐴠𐴕𐴊𐴞𐴓𐴧𐴝 𐴊𐴟𐴕𐴞𐴘𐴝𐴙𐴌 𐴉𐴡𐴘𐴊𐴝𐴘𐴠𐴐𐴞𐴌 𐴇𐴠𐴥𐴣𐴃𐴧𐴠 𐴓𐴡𐴥𐴃𐴞 𐴀𐴝𐴙𐴅𐴧𐴡𐴤 𐴀𐴡𐴥𐴘𐴧𐴠 𐴊𐴠 𐴕𐴝𐴥𐴘, 𐴀𐴝𐴦𐴌 𐴀𐴝𐴁𐴝𐴌 𐴕𐴡 𐴘𐴡𐴥 𐴀𐴡𐴥𐴘𐴁𐴡.22”𐴎𐴡𐴊𐴞 𐴇𐴠𐴥 𐴊𐴞𐴕 𐴇𐴞𐴥𐴀𐴕 𐴈𐴡𐴔𐴝𐴘𐴊𐴞𐴘𐴝 𐴕𐴡 𐴎𐴝𐴘𐴃𐴡, 𐴃𐴡𐴥𐴀𐴘𐴓𐴠 𐴇𐴡𐴕𐴡𐴤𐴑𐴞𐴘𐴠 𐴕𐴡 𐴁𐴝𐴏𐴞𐴃𐴡𐴥; 𐴔𐴡𐴕𐴃𐴡𐴌 𐴀𐴝𐴓𐴧𐴝𐴌 𐴁𐴝𐴏𐴞𐴥𐴓𐴡𐴘𐴧𐴝 𐴁𐴡𐴕𐴊𐴝 𐴀𐴡𐴥𐴑𐴧𐴡𐴓𐴡𐴓𐴧𐴝 𐴁𐴡𐴥𐴓𐴞 𐴊𐴞𐴕 𐴇𐴞𐴥𐴀𐴕 𐴈𐴡𐴔𐴝𐴘𐴊𐴞𐴘𐴝 𐴎𐴝𐴘𐴁𐴡.23𐴇𐴠𐴥𐴣𐴃𐴧𐴠 𐴎𐴡𐴊𐴞 𐴇𐴡𐴕𐴡𐴤𐴑𐴞𐴘𐴠 𐴃𐴟𐴣𐴀𐴝𐴥𐴌𐴝𐴌𐴠 𐴀𐴠𐴀𐴕 𐴈𐴡𐴀, ’𐴏𐴡𐴀, 𐴔𐴡𐴀𐴏𐴞𐴤 𐴀𐴠𐴍𐴠𐴥 𐴀𐴝𐴏𐴠𐴤!‘ 𐴘𐴝𐴥𐴃𐴡 ’𐴀𐴟𐴍𐴠𐴤 𐴀𐴝𐴏𐴠𐴤!‘ 𐴇𐴞𐴥𐴘𐴝𐴕 𐴀𐴠𐴑𐴞𐴕 𐴕𐴡 𐴒𐴡𐴙𐴅𐴧𐴡𐴥.24𐴑𐴞𐴘𐴡𐴥𐴓𐴧𐴝-𐴈𐴡𐴘𐴓𐴠𐴥 𐴔𐴞𐴏𐴝𐴥 𐴔𐴡𐴀𐴏𐴞𐴤 𐴀𐴡𐴥𐴑𐴧𐴡𐴓𐴢 𐴀𐴠𐴊𐴧𐴠 𐴔𐴞𐴏𐴝𐴥 𐴕𐴡𐴁𐴞 𐴀𐴡𐴥𐴑𐴧𐴡𐴓𐴢 𐴀𐴟𐴍𐴞𐴤𐴁𐴡, 𐴀𐴝𐴦𐴌 𐴀𐴞𐴥𐴃𐴝𐴌𐴝 𐴋𐴡𐴣𐴀𐴌-𐴋𐴡𐴣𐴀𐴌 𐴀𐴞𐴓𐴧𐴝𐴘𐴞-𐴕𐴞𐴐𐴝𐴥𐴕 𐴀𐴡𐴥𐴑𐴧𐴡𐴓𐴢 𐴀𐴠𐴊𐴧𐴠 𐴃𐴝𐴦𐴅𐴟𐴙𐴂𐴧𐴝 𐴇𐴝𐴌𐴇𐴝𐴥𐴕𐴝 𐴀𐴡𐴥𐴑𐴧𐴡𐴓𐴢 𐴊𐴝𐴈𐴝𐴤𐴘𐴁𐴡, 𐴔𐴝𐴙𐴕𐴐𐴡𐴥𐴌𐴠 𐴒𐴡𐴓𐴧𐴡𐴃𐴡𐴃𐴢 𐴓𐴡𐴘𐴎𐴝𐴘 𐴁𐴡𐴓𐴧𐴝, 𐴉𐴝𐴌𐴞𐴓𐴠𐴥 𐴀𐴝𐴓𐴧𐴝𐴌 𐴁𐴝𐴏𐴞𐴥𐴓𐴡𐴘𐴧𐴝 𐴁𐴡𐴕𐴊𐴝𐴌𐴠 𐴀𐴟𐴥𐴊𐴧𐴗𐴝.25𐴏𐴝𐴘𐴧𐴡𐴥, 𐴀𐴝𐴀𐴛 𐴃𐴟𐴣𐴀𐴝𐴥𐴌𐴝𐴌𐴠 𐴀𐴝𐴒𐴠 𐴓𐴡𐴥𐴃𐴞 𐴈𐴡𐴀𐴘𐴊𐴞𐴘𐴞.26”𐴇𐴠𐴥𐴃𐴡𐴓𐴧𐴝 𐴎𐴡𐴊𐴞 𐴔𐴝𐴙𐴕𐴐𐴠𐴥 𐴃𐴟𐴣𐴀𐴝𐴥𐴌𐴝𐴌𐴠 𐴀𐴠𐴀𐴕 𐴈𐴡𐴀, ’𐴏𐴡𐴀, 𐴀𐴞𐴥𐴁𐴝 𐴔𐴡𐴘𐴊𐴝𐴕 𐴎𐴝𐴒𐴝𐴃𐴢 𐴀𐴝𐴏𐴠𐴤!‘ 𐴃𐴟𐴣𐴀𐴝𐴥𐴌𐴝 𐴁𐴝𐴀𐴌𐴠 𐴕𐴡 𐴕𐴠𐴦𐴙𐴓𐴧𐴡, 𐴀𐴝𐴦𐴌 𐴎𐴡𐴊𐴞 𐴀𐴠𐴀𐴕 𐴈𐴡𐴀, ’𐴏𐴡𐴀, 𐴀𐴞𐴥𐴁𐴝 𐴁𐴟𐴥𐴃𐴡𐴌𐴡𐴌 𐴑𐴝𐴔𐴝𐴥𐴌𐴝𐴃𐴢 𐴀𐴝𐴏𐴠𐴤!‘ 𐴇𐴞𐴥𐴘𐴝𐴕 𐴀𐴠𐴑𐴞𐴕 𐴕𐴡 𐴒𐴡𐴙𐴅𐴧𐴡𐴥.27𐴑𐴞𐴘𐴡𐴥𐴓𐴧𐴝-𐴈𐴡𐴘𐴓𐴠𐴥 𐴎𐴠𐴕𐴊𐴞𐴓𐴧𐴝 𐴉𐴟𐴑𐴡𐴃𐴧𐴟 𐴁𐴞𐴅𐴞𐴓𐴞 𐴏𐴡𐴔𐴑𐴞𐴓𐴠𐴥 𐴉𐴡𐴏𐴞𐴥𐴔 𐴉𐴡𐴙𐴅𐴧𐴡𐴕𐴃𐴡 𐴉𐴡𐴀𐴌 𐴀𐴡𐴥𐴘𐴎𐴝𐴒𐴡𐴘, 𐴔𐴝𐴕𐴟𐴥𐴙𐴐𐴡𐴌 𐴉𐴟𐴖𐴝𐴌 𐴀𐴝𐴀 𐴘𐴡𐴥 𐴇𐴠𐴥𐴕𐴊𐴞𐴓𐴧𐴝 𐴁𐴠 𐴀𐴡𐴥𐴘𐴁𐴡.28𐴔𐴡𐴌𐴝 𐴓𐴝𐴐𐴢 𐴎𐴠𐴍𐴠𐴥, 𐴇𐴠𐴥𐴍𐴠 𐴃𐴡 𐴇𐴡𐴥𐴖𐴕 𐴀𐴡𐴥𐴑𐴧𐴡𐴓𐴢 𐴎𐴡𐴔𐴝 𐴀𐴡𐴥𐴘𐴁𐴡.𐴔𐴝𐴕𐴟𐴥𐴙𐴐𐴡𐴌 𐴉𐴟𐴖𐴝𐴌 𐴀𐴝𐴀
29”𐴔𐴡𐴕𐴃𐴡𐴌 𐴇𐴠𐴥 𐴊𐴞𐴕 𐴀𐴡𐴥𐴑𐴧𐴡𐴓𐴡𐴌 𐴔𐴡𐴏𐴞𐴁𐴡𐴃𐴢 𐴉𐴟𐴥𐴌𐴝𐴘 𐴔𐴡𐴃𐴧𐴡𐴌𐴁𐴠𐴙𐴓𐴢 𐴀𐴝𐴕𐴊𐴝𐴤𐴌 𐴀𐴡𐴥𐴘𐴎𐴝𐴘𐴁𐴡𐴘,𐴀𐴝𐴦𐴌 𐴏𐴝𐴕𐴠 𐴉𐴡𐴀𐴌 𐴕𐴡 𐴊𐴞𐴁𐴡;𐴀𐴝𐴏𐴔𐴝𐴕𐴡𐴃𐴧𐴟 𐴃𐴝𐴌𐴝 𐴀𐴡𐴥𐴑𐴧𐴡𐴓𐴢 𐴉𐴡𐴌𐴞𐴎𐴝𐴘𐴁𐴡𐴥𐴘,𐴀𐴝𐴦𐴌 𐴀𐴝𐴏𐴔𐴝𐴕𐴞 𐴅𐴞𐴕𐴞𐴥𐴐𐴢 𐴀𐴡𐴥𐴑𐴧𐴡𐴓𐴢 𐴃𐴡𐴥𐴃𐴧𐴡𐴌𐴝𐴘𐴁𐴡. 30”𐴇𐴠𐴥𐴣𐴃𐴧𐴠 𐴀𐴝𐴏𐴔𐴝𐴕𐴡𐴃𐴢 𐴔𐴝𐴕𐴟𐴥𐴙𐴐𐴡𐴌 𐴉𐴟𐴖𐴝𐴌 𐴕𐴞𐴐𐴝𐴥𐴕 𐴊𐴝𐴈𐴝𐴤 𐴎𐴝𐴘𐴁𐴡, 𐴇𐴠𐴥 𐴀𐴡𐴑𐴃𐴡𐴥𐴃𐴢 𐴊𐴟𐴕𐴞𐴘𐴝𐴙𐴌 𐴃𐴝𐴔𐴝𐴥𐴔 𐴈𐴝𐴥𐴀𐴕𐴊𐴝𐴕 𐴀𐴡𐴥𐴑𐴧𐴡𐴓𐴠 𐴉𐴠𐴌𐴠𐴐𐴝𐴕𐴞 𐴎𐴝𐴇𐴠𐴥𐴌 𐴒𐴡𐴌𐴞𐴥𐴁𐴡, 𐴀𐴝𐴦𐴌 𐴀𐴞𐴥𐴃𐴝𐴌𐴝 𐴊𐴠𐴑𐴞𐴥𐴁𐴡 𐴊𐴠, 𐴔𐴝𐴕𐴟𐴥𐴙𐴐𐴡𐴌 𐴉𐴟𐴖𐴝 𐴑𐴟𐴊𐴟𐴌𐴟𐴃𐴢 𐴀𐴠𐴊𐴧𐴠 𐴋𐴡𐴣𐴀𐴌 𐴔𐴡𐴈𐴞𐴥𐴔𐴝𐴌 𐴏𐴝𐴥𐴀𐴣𐴃𐴠 𐴀𐴝𐴏𐴔𐴝𐴕𐴡𐴌 𐴔𐴞𐴘𐴟𐴥𐴓𐴝𐴌 𐴖𐴡𐴃𐴧𐴟𐴥 𐴀𐴝𐴘𐴧𐴠𐴤𐴌. 31𐴀𐴝𐴦𐴌 𐴀𐴞𐴥𐴁𐴝𐴘𐴠 𐴀𐴠𐴒𐴧𐴗𐴝𐴤 𐴋𐴡𐴣𐴀𐴌 𐴐𐴞𐴥𐴛𐴝𐴌 𐴀𐴝𐴁𐴝𐴏𐴢 𐴊𐴞𐴘𐴝𐴁𐴝𐴘 𐴕𐴞𐴎𐴡𐴌 𐴉𐴞𐴥𐴌𐴞𐴏𐴃𐴝 𐴀𐴡𐴥𐴑𐴧𐴡𐴓𐴢 𐴊𐴞𐴉𐴠𐴍𐴝𐴥𐴘𐴁𐴡, 𐴀𐴝𐴦𐴌 𐴀𐴞𐴥𐴃𐴝𐴌𐴝 𐴊𐴟𐴕𐴞𐴘𐴝𐴙𐴌 𐴀𐴠𐴑 𐴔𐴝𐴃𐴝𐴥𐴃𐴧𐴟 𐴀𐴝𐴌𐴀𐴠𐴑 𐴔𐴝𐴃𐴝𐴥 𐴉𐴡𐴙𐴅𐴧𐴡𐴕𐴃𐴡 𐴎𐴝𐴘 𐴏𐴝𐴘𐴌𐴡𐴥𐴔𐴞𐴑𐴧𐴝𐴃𐴧𐴟 𐴀𐴞𐴥𐴁𐴝𐴌 𐴁𐴝𐴏𐴞𐴥𐴓𐴡𐴘𐴧𐴝 𐴁𐴡𐴕𐴊𐴝 𐴀𐴡𐴥𐴑𐴧𐴡𐴓𐴡𐴌𐴠 𐴀𐴠𐴑𐴧𐴝𐴥𐴕𐴡𐴃𐴢 𐴎𐴡𐴔𐴝 𐴒𐴡𐴌𐴞𐴥𐴁𐴡.𐴋𐴟𐴣𐴙𐴌-𐴒𐴝𐴏𐴡𐴃𐴧𐴟 𐴔𐴠𐴀𐴏𐴝𐴓𐴢
32”𐴋𐴟𐴣𐴙𐴌-𐴒𐴝𐴏𐴡𐴃𐴧𐴟 𐴔𐴠𐴀𐴏𐴝𐴓𐴢 𐴓𐴡𐴦: 𐴎𐴠𐴣𐴃𐴧𐴠𐴥 𐴋𐴟𐴣𐴙𐴌-𐴒𐴝𐴏𐴡𐴌 𐴋𐴠𐴥𐴀𐴘𐴓𐴝 𐴇𐴡𐴥𐴌𐴡𐴃𐴢 𐴀𐴡𐴥𐴘 𐴉𐴝𐴃𐴝 𐴕𐴠𐴦𐴓𐴠, 𐴃𐴟𐴣𐴀𐴝𐴥𐴌𐴝 𐴎𐴝𐴕𐴞𐴎𐴡𐴒𐴡𐴥𐴘 𐴊𐴠, 𐴇𐴡𐴥𐴌𐴝𐴕 𐴋𐴝𐴥𐴑𐴠.33𐴇𐴠𐴥𐴕𐴊𐴞𐴓𐴧𐴝 𐴃𐴟𐴣𐴀𐴝𐴥𐴌𐴝 𐴘𐴡𐴥, 𐴎𐴠𐴣𐴃𐴧𐴠𐴥 𐴀𐴞𐴀𐴕 𐴁𐴠𐴒𐴧𐴟𐴥𐴕 𐴊𐴠𐴑𐴞𐴥𐴁𐴝, 𐴇𐴠𐴥𐴣𐴃𐴧𐴠 𐴁𐴟𐴎𐴞𐴥𐴁𐴝 𐴊𐴠, 𐴔𐴝𐴕𐴟𐴥𐴙𐴐𐴡𐴌 𐴉𐴟𐴖𐴝 𐴋𐴝𐴥𐴑𐴠, 𐴀𐴠𐴁𐴧𐴠 𐴊𐴡𐴌𐴡𐴎𐴝𐴃𐴢.34𐴀𐴝𐴀𐴛 𐴃𐴟𐴣𐴀𐴝𐴥𐴌𐴝𐴌𐴠 𐴏𐴡𐴥𐴘𐴧𐴞 𐴈𐴡𐴀𐴙𐴌, 𐴀𐴞𐴀𐴕 𐴁𐴠𐴒𐴧𐴟𐴥𐴕 𐴉𐴟𐴌𐴝 𐴕𐴡𐴥 𐴀𐴡𐴥𐴘𐴧𐴡 𐴉𐴡𐴙𐴅𐴧𐴡𐴕𐴃𐴡 𐴀𐴠 𐴕𐴡𐴏𐴡𐴥𐴓𐴢 𐴁𐴞𐴓𐴑𐴟𐴥𐴓𐴢 𐴕𐴡 𐴉𐴟𐴥𐴌𐴝𐴘𐴁𐴡.35𐴀𐴝𐴏𐴔𐴝𐴕 𐴎𐴡𐴁𐴞𐴕 𐴃𐴡 𐴎𐴝𐴌𐴞 𐴕𐴡 𐴃𐴝𐴥𐴑𐴞𐴁𐴡, 𐴔𐴡𐴕𐴃𐴡𐴌 𐴀𐴝𐴣𐴀𐴌 𐴈𐴡𐴃𐴝𐴤 𐴇𐴝𐴥𐴔𐴞𐴐𐴝 𐴎𐴝𐴌𐴞 𐴃𐴝𐴥𐴑𐴞𐴁𐴡.𐴇𐴡𐴕𐴡𐴤𐴑𐴞𐴘𐴠 𐴕𐴡 𐴎𐴝𐴕𐴠 𐴊𐴠 𐴊𐴞𐴕 𐴀𐴠𐴊𐴧𐴠 𐴀𐴡𐴑𐴃𐴡𐴥
36”𐴓𐴠𐴑𐴞𐴕 𐴇𐴠𐴥 𐴊𐴞𐴕 𐴀𐴠𐴊𐴧𐴠 𐴀𐴡𐴑𐴃𐴡𐴥 𐴀𐴝𐴘𐴁𐴝𐴤𐴌 𐴁𐴝𐴦𐴁𐴟𐴃𐴠 𐴇𐴡𐴕𐴡𐴤𐴑𐴞𐴘𐴠 𐴕𐴡 𐴎𐴝𐴕𐴠, 𐴀𐴝𐴏𐴔𐴝𐴕𐴡𐴌 𐴉𐴞𐴥𐴌𐴞𐴏𐴃𐴝 𐴀𐴡𐴥𐴑𐴧𐴡𐴓𐴠 𐴘𐴡𐴥 𐴕𐴡 𐴎𐴝𐴕𐴠, 𐴀𐴝𐴦𐴌 𐴉𐴟𐴖𐴝𐴘𐴠 𐴘𐴡𐴥 𐴕𐴡 𐴎𐴝𐴕𐴠, 𐴏𐴞𐴌𐴞𐴥𐴉𐴢 𐴁𐴝𐴉𐴠 𐴁𐴠 𐴎𐴝𐴕𐴠.37𐴔𐴝𐴕𐴟𐴥𐴙𐴐𐴡𐴌 𐴉𐴟𐴖𐴝 𐴀𐴝𐴘𐴁𐴝𐴤𐴌 𐴀𐴡𐴑𐴃𐴡𐴥𐴃𐴢 𐴀𐴟𐴕𐴊𐴞𐴓𐴧𐴝 𐴀𐴡𐴥𐴘𐴁𐴡 𐴎𐴠𐴕𐴊𐴞𐴓𐴧𐴝 𐴕𐴡𐴁𐴞 𐴕𐴟𐴌 𐴊𐴞𐴕 𐴀𐴡𐴥𐴑𐴧𐴡𐴓𐴡𐴃𐴢 𐴀𐴡𐴥𐴀𐴙𐴓𐴢.38𐴎𐴠𐴕𐴊𐴞𐴓𐴧𐴝 𐴇𐴠𐴥 𐴊𐴞𐴕 𐴀𐴡𐴥𐴑𐴧𐴡𐴓𐴡𐴃𐴢 𐴃𐴟𐴖𐴝𐴥𐴕 𐴀𐴡𐴥𐴘𐴁𐴝𐴌 𐴀𐴝𐴒𐴠, 𐴎𐴠𐴃𐴡𐴥𐴊𐴞𐴕 𐴕𐴟 𐴑𐴞𐴐𐴄𐴞𐴃𐴢 𐴕𐴡𐴥 𐴀𐴟𐴍𐴠𐴤 𐴇𐴠𐴥𐴃𐴡𐴊𐴞𐴕 𐴉𐴡𐴙𐴅𐴧𐴡𐴕𐴃𐴡 𐴔𐴝𐴕𐴟𐴥𐴙𐴐𐴢 𐴀𐴡𐴥𐴑𐴧𐴡𐴓𐴠 𐴈𐴝𐴥𐴀𐴉𐴞𐴘𐴝 𐴒𐴡𐴌𐴝𐴥𐴃𐴢, 𐴁𐴞𐴘𐴝𐴥 𐴒𐴡𐴌𐴝𐴥𐴃𐴢 𐴀𐴠𐴊𐴧𐴠, 𐴁𐴞𐴘𐴝𐴥 𐴊𐴞𐴘𐴝𐴃𐴢 𐴀𐴝𐴐𐴧𐴞𐴥𐴓𐴢,39𐴀𐴝𐴦𐴌 𐴃𐴟𐴖𐴝𐴥𐴕 𐴀𐴝𐴀𐴘𐴢 𐴀𐴞𐴥𐴃𐴝𐴌𐴝 𐴁𐴠𐴒𐴧𐴟𐴥𐴕𐴡𐴌𐴠 𐴁𐴝𐴥𐴐𐴝𐴘 𐴕𐴡𐴥 𐴓𐴡𐴘𐴎𐴝 𐴉𐴡𐴙𐴅𐴧𐴡𐴕𐴃𐴡 𐴀𐴞𐴥𐴃𐴝𐴌𐴝 𐴑𐴠𐴏𐴧𐴟𐴥 𐴇𐴡𐴘 𐴕𐴡𐴥 𐴉𐴝𐴌𐴠, 𐴔𐴝𐴕𐴟𐴥𐴙𐴐𐴡𐴌 𐴉𐴟𐴖𐴝 𐴀𐴝𐴘𐴁𐴡𐴤 𐴊𐴠 𐴇𐴞𐴥𐴘𐴝𐴓𐴝 𐴘𐴡𐴥 𐴇𐴠𐴥𐴕𐴊𐴞𐴓𐴧𐴝 𐴁𐴠 𐴀𐴡𐴥𐴘𐴁𐴡.40𐴇𐴠𐴥𐴣𐴃𐴧𐴠 𐴊𐴟𐴘 𐴎𐴡𐴕 𐴔𐴝𐴕𐴟𐴥𐴙𐴐𐴢 𐴁𐴞𐴓𐴡𐴃𐴢 𐴀𐴡𐴥𐴘𐴁𐴡 𐴊𐴠 𐴃𐴝𐴥𐴑𐴞𐴁𐴡; 𐴀𐴞𐴥𐴃𐴝𐴌𐴝𐴃𐴧𐴟 𐴀𐴠𐴎𐴧𐴡𐴕𐴡𐴌𐴠 𐴓𐴡𐴘𐴎𐴝 𐴎𐴝𐴘𐴁𐴡, 𐴀𐴝𐴌 𐴀𐴠𐴎𐴧𐴡𐴕𐴡𐴌𐴠 𐴁𐴝𐴊𐴢 𐴊𐴞𐴘𐴝 𐴎𐴝𐴘𐴁𐴡.41𐴊𐴟𐴖𐴝𐴥 𐴔𐴝𐴘𐴝𐴉𐴟𐴖𐴝𐴘𐴠 𐴀𐴠𐴑𐴧𐴟 𐴉𐴟𐴥𐴖𐴝𐴣𐴃𐴞 𐴏𐴝𐴑𐴧𐴞 𐴒𐴟𐴥𐴌𐴝𐴘𐴁𐴡 𐴊𐴠 𐴃𐴝𐴥𐴑𐴞𐴁𐴡; 𐴀𐴞𐴥𐴃𐴝𐴌𐴝𐴃𐴧𐴟 𐴀𐴠𐴎𐴧𐴡𐴕𐴡𐴌𐴠 𐴓𐴡𐴘𐴎𐴝 𐴎𐴝𐴘𐴁𐴡, 𐴀𐴝𐴌 𐴀𐴠𐴎𐴧𐴡𐴕𐴡𐴌𐴠 𐴁𐴝𐴊𐴢 𐴊𐴞𐴘𐴝 𐴎𐴝𐴘𐴁𐴡.“42𐴇𐴠𐴥𐴃𐴡𐴓𐴧𐴝 𐴏𐴠𐴃𐴡𐴕 𐴃𐴝𐴥𐴑𐴡, 𐴑𐴞𐴘𐴡𐴥𐴓𐴧𐴝-𐴈𐴡𐴘𐴓𐴠𐴥 𐴃𐴟𐴣𐴀𐴝𐴥𐴌𐴝 𐴃𐴡 𐴕𐴡 𐴎𐴝𐴕𐴡 𐴃𐴟𐴣𐴀𐴝𐴥𐴌𐴝𐴌 𐴔𐴝𐴓𐴞𐴑 𐴇𐴡𐴕 𐴊𐴞𐴕 𐴀𐴝𐴘𐴁𐴡𐴤.43𐴓𐴠𐴑𐴞𐴕 𐴘𐴝𐴀𐴕 𐴎𐴝𐴕𐴞𐴓𐴡 𐴊𐴠 𐴑𐴞, 𐴎𐴡𐴊𐴞 𐴒𐴡𐴥𐴌𐴡𐴌 𐴒𐴞𐴌𐴡𐴥𐴏𐴠 𐴏𐴟𐴌 𐴌𐴝𐴙𐴃𐴧𐴝 𐴇𐴡𐴃𐴟𐴥𐴕𐴡𐴃𐴢 𐴀𐴝𐴘𐴁𐴡𐴤 𐴊𐴠 𐴎𐴝𐴕𐴞𐴃𐴡𐴥, 𐴃𐴡𐴥𐴀𐴘𐴓𐴠 𐴘𐴡𐴥𐴒𐴧𐴗𐴝 𐴏𐴠𐴃𐴡𐴕 𐴃𐴝𐴥𐴑𐴞𐴃𐴡 𐴀𐴝𐴦𐴌 𐴕𐴞𐴎𐴡𐴌 𐴒𐴡𐴥𐴌𐴡𐴌𐴠 𐴁𐴝𐴥𐴚𐴒𐴞𐴃𐴡 𐴕𐴡 𐴊𐴞𐴃𐴡.44𐴇𐴠𐴥𐴃𐴡𐴓𐴧𐴝 𐴃𐴟𐴣𐴀𐴝𐴥𐴌𐴝 𐴘𐴡𐴥 𐴃𐴡𐴘𐴧𐴝𐴌 𐴃𐴝𐴥𐴑𐴡, 𐴑𐴞𐴘𐴡𐴥𐴓𐴧𐴝-𐴈𐴡𐴘𐴓𐴠𐴥 𐴔𐴝𐴕𐴟𐴥𐴙𐴐𐴡𐴌 𐴉𐴟𐴖𐴝 𐴃𐴟𐴣𐴀𐴝𐴥𐴌𐴝 𐴕𐴡 𐴄𐴝𐴥𐴀𐴌𐴡 𐴊𐴠 𐴀𐴡𐴑𐴃𐴡𐴥𐴃𐴢 𐴁𐴠 𐴀𐴝𐴘𐴁𐴡𐴤.𐴁𐴞𐴐𐴧𐴝𐴥𐴐𐴊𐴝𐴌 𐴒𐴡𐴗𐴀𐴌 𐴀𐴠𐴊𐴧𐴠 𐴁𐴠𐴘𐴔𐴝𐴕 𐴒𐴡𐴗𐴀𐴌
45”𐴃𐴡𐴥𐴀𐴘𐴓𐴠 𐴀𐴠𐴀𐴕 𐴁𐴞𐴐𐴧𐴝𐴥𐴐𐴊𐴝𐴌 𐴀𐴠𐴊𐴧𐴠 𐴁𐴟𐴊𐴧𐴞𐴥𐴔𐴝𐴕 𐴒𐴡𐴗𐴀𐴌 𐴇𐴡𐴕 𐴀𐴝𐴏𐴠𐴤, 𐴎𐴝𐴌𐴠𐴥 𐴀𐴞𐴥𐴃𐴝𐴌 𐴒𐴞𐴌𐴡𐴥𐴏𐴠 𐴕𐴞𐴎𐴡𐴌 𐴒𐴡𐴥𐴌𐴡𐴌 𐴀𐴡𐴙𐴕𐴧𐴡 𐴒𐴡𐴗𐴀𐴌 𐴀𐴡𐴥𐴑𐴧𐴡𐴓𐴡𐴌 𐴖𐴡𐴌𐴠 𐴎𐴞𐴔𐴧𐴝𐴊𐴝𐴌 𐴁𐴝𐴕𐴝𐴘𐴧𐴠𐴥, 𐴀𐴞𐴥𐴃𐴝𐴌𐴝𐴌𐴠 𐴄𐴝𐴙𐴔𐴡𐴌 𐴖𐴡𐴌𐴠 𐴈𐴝𐴥𐴕𐴝 𐴊𐴞𐴦 𐴁𐴡𐴓𐴧𐴝؟46𐴔𐴟𐴁𐴝𐴌𐴠𐴑 𐴒𐴡𐴗𐴀𐴌 𐴀𐴟𐴁𐴝𐴤 𐴎𐴝𐴌𐴠𐴥 𐴕𐴞𐴎𐴡𐴌 𐴒𐴞𐴌𐴡𐴥𐴏𐴠 𐴖𐴝𐴦𐴉𐴠𐴏𐴢 𐴀𐴝𐴘𐴓𐴠𐴤 𐴈𐴝𐴔 𐴇𐴞𐴥𐴀𐴕 𐴒𐴡𐴌𐴠𐴥𐴌 𐴊𐴠 𐴓𐴡𐴦𐴃𐴉𐴝.47𐴀𐴝𐴀𐴛 𐴃𐴟𐴣𐴀𐴝𐴥𐴌𐴝𐴌𐴠 𐴏𐴡𐴥𐴘𐴧𐴞 𐴈𐴡𐴀𐴙𐴌, 𐴘𐴡𐴥𐴒𐴧𐴗𐴝𐴘𐴠 𐴕𐴞𐴎𐴡𐴌 𐴃𐴝𐴔𐴝𐴥𐴔 𐴐𐴡𐴥𐴔𐴁𐴡𐴃𐴧𐴞𐴌 𐴖𐴡𐴌𐴠 𐴀𐴞𐴥𐴃𐴝𐴌𐴠 𐴎𐴞𐴔𐴧𐴝𐴊𐴝𐴌 𐴁𐴝𐴕𐴝𐴘𐴁𐴡𐴥.48𐴓𐴠𐴑𐴞𐴕 𐴎𐴡𐴊𐴞 𐴇𐴠𐴥 𐴒𐴡𐴗𐴀𐴌𐴒𐴗𐴝𐴥 𐴈𐴡𐴥𐴌𐴝𐴉𐴢 𐴀𐴡𐴥, 𐴀𐴝𐴦𐴌 𐴕𐴞𐴎𐴡𐴌 𐴊𐴞𐴓𐴠-𐴊𐴞𐴓𐴠 𐴀𐴠𐴕𐴊𐴞𐴓𐴧𐴝 𐴈𐴡𐴀, ’𐴀𐴝𐴣𐴀𐴌 𐴒𐴞𐴌𐴡𐴥𐴏𐴢 𐴀𐴝𐴘𐴃𐴠𐴤 𐴁𐴡𐴀𐴗𐴃𐴢 𐴊𐴠𐴌𐴞 𐴀𐴝𐴏𐴠𐴤,‘49𐴀𐴝𐴦𐴌 𐴀𐴞𐴥𐴃𐴠 𐴏𐴝𐴥𐴀𐴣𐴃𐴞 𐴒𐴡𐴗𐴀𐴌 𐴀𐴡𐴥𐴑𐴧𐴡𐴓𐴡𐴌𐴠 𐴔𐴝𐴌𐴝𐴃𐴢 𐴊𐴡𐴌𐴠 𐴀𐴠𐴊𐴧𐴠 𐴕𐴞𐴐𐴝𐴥𐴑𐴟𐴌 𐴀𐴡𐴥𐴑𐴧𐴡𐴓𐴡𐴌 𐴉𐴟𐴥𐴖𐴝𐴣𐴃𐴞 𐴈𐴝𐴥𐴀𐴉𐴞𐴘𐴝 𐴒𐴡𐴌𐴠𐴥,50𐴃𐴡𐴥𐴀𐴘𐴓𐴠 𐴇𐴠𐴥 𐴒𐴡𐴗𐴀𐴌 𐴒𐴗𐴝𐴌 𐴒𐴞𐴌𐴡𐴥𐴏𐴢 𐴀𐴠𐴀𐴕 𐴊𐴞𐴕𐴡𐴃𐴢 𐴀𐴝𐴘𐴁𐴡𐴤, 𐴎𐴠 𐴊𐴞𐴕 𐴀𐴞𐴥𐴃𐴠 𐴘𐴡𐴥𐴒𐴧𐴗𐴝 𐴀𐴝𐴘𐴁𐴡𐴤 𐴊𐴠 𐴕𐴡 𐴄𐴝𐴥𐴀𐴌𐴠, 𐴀𐴠𐴊𐴧𐴠 𐴀𐴠𐴀𐴕 𐴀𐴡𐴑𐴃𐴡𐴥𐴃𐴢 𐴀𐴝𐴘𐴁𐴡𐴤, 𐴎𐴠 𐴀𐴡𐴑𐴃𐴡𐴥𐴃𐴢 𐴀𐴞𐴥𐴃𐴠 𐴇𐴡𐴘 𐴕𐴡 𐴉𐴝𐴌𐴠.51𐴃𐴡𐴥𐴘 𐴘𐴡𐴥𐴒𐴧𐴗𐴝𐴘𐴠 𐴀𐴞𐴥𐴃𐴝𐴌𐴠 𐴈𐴝𐴍𐴞 𐴇𐴝𐴥𐴕-𐴇𐴝𐴥𐴕 𐴒𐴡𐴌𐴞𐴥𐴉𐴠𐴓𐴝𐴘𐴁𐴡 𐴀𐴠𐴊𐴧𐴠 𐴔𐴟𐴕𐴝𐴉𐴠𐴥𐴑 𐴀𐴡𐴥𐴑𐴧𐴡𐴓𐴡𐴌 𐴇𐴠𐴥𐴍𐴠 𐴐𐴝𐴥𐴔𐴞𐴓𐴢 𐴒𐴡𐴌𐴞𐴥𐴁𐴡; 𐴇𐴠𐴥𐴍𐴠 𐴈𐴝𐴣𐴊𐴝𐴈𐴝𐴍𐴞 𐴀𐴠𐴊𐴧𐴠 𐴊𐴝𐴃𐴠 𐴊𐴝𐴃𐴢 𐴑𐴞𐴌𐴑𐴞𐴌𐴝𐴕𐴞 𐴀𐴡𐴥𐴘𐴁𐴡.The Word for the World International