De ieeschta Breef von Petrus2
1Dan lajcht nu auf aule Boosheit un aule Lest un Heichlarie un Aufgonst un aulet Raufräden. Jak 1:212Soo aus niejebuarne Kjinja, velangt no de veninftje ajchte Malkj, daut jie doaderch waussen, Mat 18:3; Heb 5:12-133wan jie sest jeschmakjt haben, daut de Har frintlich es, Heb 6:4; Ps 34:84no däm jie komen, soo aus no eenem läwendjen Steen, von Menschen veschmäten, bie Gott oba uterwält un wieetvoll; Ps 118:22; Mat 21:425un uk jie, soo aus läwendje Steena, woat oppjebut to een jeistlichet Hus, een heiljet Priestatum, om to opfren jeistliche Opfasch, bie Gott aunjenäm derch Jesus Christus. Ree 12:1; Efs 2:21-22; Heb 3:66Doawäajen steit uk en de Schreft: “Kjikj, Ekj laj en Zion eenen uterwälden, wieetvollen Akjsteen; un wäa aun Am jleeft, woat nich toschaund woaren.” Jes 28:167Fa junt nu, dee jie jleewen, es Hee kjestlich; fa de Onjleewende oba: “De Steen, dän de Bulied veschmäten haben, disa es toom Haupt-Akjsteen jeworden”, Ps 118:228un “een Aunsteetunks-Steen un een Steen von Oajanis”, fa dee, waut sikj aun daut Wuat steeten, doa see onjehuarsom sent, wuatoo see uk bestemt sent. Jes 8:14; Luk 2:34; Ree 9:339Jie oba sent eene uterwälde Jennerazion, een kjennichlichet Priestatum, eene heilje Nazion, een Volkj fa sien Ieejentum, daut jie muchten de Tugenden vekjindjen von däm, dee junt ut de Diestanis jeroopt haft, en sien wundavollet Licht nenn; 2Mo 19:5,6; 5Mo 4:20; 7:6; Jes 43:21; Efs 5:8; Opb 1:610dee jie eenmol “nich een Volkj” wieren, oba sent nu Gott sien Volkj; dee jie “nich Erboarmunk jekjräajen hauden”, nu oba Erboarmunk jekjräajen haben. Hos 1:6,9; 2:1,23; Ree 9:24-2611Leefste, ekj ermon junt soo aus Utlenda un Pilja: Hoolt junt wajch von de fleeschliche Losten, dee jäajen de Seel kjriejen; Ps 39:1212wäarent jie junen Waundel ieeboa fieren mank de Heiden, daut, wuarenn see jäajen junt räden aus Vebräakja, see muchten june goode Woakjen seenen un Gott veharlichen aun däm Besieekjungs-Dach. Mat 5:1613Siet nu jieda Menschen-Ordnunk unjadon, om däm Harn sient-haulwen; auf däm Kjennich aus däm Hechsten, Ree 13:1-7; Tit 3:114ooda de Launt-Rejierasch, aus dee von am jeschekjt, de Vebräakja to strofen un de Goots-Doona to lowen.15Wiels soo es Gott sien Wellen, daut jie derch Goodet doonen de Onkjantnis von de tierichte Menschen daut Mul stoppen;16aus Friee, un nich de Frieheit to ne Dakj fa de Boosheit haben, oba aus Gott siene Kjnajchts. Tit 2:8; 1Pe 3:1617Ieet aulen, leeft de Broodaschoft, fercht Gott, ieet dän Kjennich. Spr 24:21; Ree 12:1018Jie Kjnajchts, siet june Meistasch unjadon met aule Forcht, nich bloos de Goode un Saunfte, oba uk de Vekjieede. Efs 6:5; Tit 2:919Wiels dit es Jnod , wan irjentwäa wäajens een Jewessen ver Gott Schwierichkjeiten vedrajcht un orrajcht litt.20Wiels waut fa een Lowen es daut, wan jie wäajens Sindjen daut Schlonen dulden? Oba wan jie Goodet doonen un jie dulden daut Lieden, dit es Jnod bie Gott. Mat 5:10; 1Pe 3:1421Wiels doatoo sent jie beroopen, wiels uk Christus jeläden haft fa ons un ons een Väabilt jeloten, daut jie siene Footstaupen nofoljen sellen; 1Pe 3:18; Mat 16:2422dee kjeene Sind deed, wort uk kjeene Lest en sien Mul jefungen; Jes 53:9; Joh 8:4623dee nich trigj-schull, aus see Am schullen; Hee dreiwd nich, aus Hee lieden deed, oba äwajeef sikj däm, waut rajcht recht,24dee onse Sinden opp sikj selfst neem en sienem Kjarpa aun daut Holt, soo daut wie, to de Sinden jestorwen, muchten de Jerajchtichkjeit läwen; derch wäms Wunden jie jeheelt sent. Ree 6:8,11; Gal 3:13; 1Joh 3:525Wiels jie wieren soo aus errende Schop, oba sent nu trigj-jekomen no däm Hoad un Bischof von june Seelen. Jes 53:6; Joh 10:11
Lebenswasser