De ieeschta Breef von Petrus3
1Krakjt soo jie Frues, siet june ieejne Mana unjadon, soo daut uk, wan eenje daut Wuat onjehuarsom sent, dee onen daut Wuat muchten jewonnen woaren, derch de Frues äa Waundel, 1Kor 7:16; Efs 5:222wan see junen reinen Waundel enne Forcht aunseenen.3Lot jun Schmuck nich von buten sennen, met daut Hoa-Flajchten un Golt Omhenjen ooda Kjleeda-Auntrakjen; Jes 3:18-23; 1Tim 2:94oba de vestoakna Mensch von daut Hoat, en daut Onvewäsliche, met eenem saunften un stellen Jeist, woont ver Gott sea kjestlich es.5Wiels soo straumden sikj ieeschtemma de heilje Frues ut, dee äare Hopninj opp Gott saden un äare ieejne Mana unjadon wieren;6soo aus Sara Abraham jehuarsom wia un nand am Har; wäms Dajchta jie jeworden sent, wan jie Goodet doonen un junt nich fa irjent een Schrakj ferchten. 1Mo 18:127Krakjt soo jie Mana, wont bie äant no Erkjantnis; soo aus to een schwakret Jefäss, jäft de Weibliche de Iea, soo aus Metoawen von de Läwens-Jnod, daut june Jebäda nich vehindat woaren. 1Kor 7:5; Efs 5:258Entlich, siet aula eensennich, metliedent, Breeda leewent, erboarment, heeflich,9nich Beeset trigjtolen met Beeset ooda Schellwuat met Schellwuat, oba doajäajen säajent, un weet, daut jie to dit beroopen sent, daut jie muchten eenen Säajen oawen. 1Tess 5:1510Wiels wäa daut Läwen leeft un goode Doag seenen well, däm lot siene Tung von Beeset hoolen un siene Leppen, daut dee nich Lest räden.11Lot am wajchdreien von Beeset un Goodet doonen. Lot am Fräd sieekjen un dän nojoagen:12Wiels däm Harn siene Uagen sent äwa de Jerajchte un siene Uaren opp äare Jebäda. Oba däm Harn sien Jesecht es jäajen dee, waut Beeset doonen. Ps 34:12-1613Un wäa es, dee junt schoden kaun, wan jie Nofolja sent von daut Goode?14Oba wan jie uk wäajen Jerajchtichkjeits haulwen lieden, sent jie seelich; fercht junt nich fa äa Enenjsten, siet uk nich be-onruicht; Mat 5:1015oba heilicht dän Harn Gott en june Hoaten. Siet emma reed, junt to veteidjen to eenem jiedren, dee Grunt foddat äwa de Hopninj, dee en junt es, met Saunftmoot un Forcht;16un habt een goodet Jewessen, daut, wuarenn see jäajen junt räden, soo aus von Vebräakja, see sikj muchten schämen, dee junen gooden Waundel en Christus vespotten.17Wiels daut es bäta, wan Gott sien Wellen daut soo well, fa Goodet doonen to lieden, aus fa Beeset doonen.18Wäajens uk Christus eenmol fa de Sinden jeläden haft, de Jerajchta fa de Ojjerajchte, daut Hee ons no Gott brinjen kunn, dootjemoakt em Fleesch, oba läwendich-jemoakt em Jeist, 1Pe 2:21-2419en woonem Hee uk jegonen es un haft to de Jeista em Jefenkjnis jeprädicht, 1Pe 4:620dee mol nich jleewden, aus Gott siene Jedult en Noah siene Doag luad, aus de Arche jebut wort, wuarenn weinich, daut es acht Seelen, derch Wota jerat worden, 1Mo 7:7; 2Pe 2:521woon Nobilt uk ons nu rat, de Doop (nich een Auflajen von daut Schwiensche vom Fleesch, oba daut Velangen von een goodet Jewessen met Gott,) derch Jesus Christus siene Opparstonunk, Efs 5:26; Heb 10:2222dee nom Himmel jefoaren un aun Gott siene rajchte Haunt es; de Enjel un de Autoritäten un de Kjraften sent Am unjadon jemoakt. Efs 1:20-21
Lebenswasser