Paulus sien ieeschta Breef aun de Korinta2
1Un ekj, Breeda, aus ekj no junt kjeem, kjeem ekj nich met huage Wieed ooda Weisheit, junt daut Zeichnis von Gott to vekjindjen.2Wiels ekj neem mie väa, mank junt nich een Dinkj to weeten, aus bloos Jesus Christus un Am jekjriezicht. Gal 6:143Un ekj wia bie junt en Schwakheit un en Forcht un en väl Zetren. Apj 18:9; 2Kor 10:1; Gal 4:134Un miene Räd un miene Prädicht wia nich en äwazeijende Wieed von menschliche Weisheit, oba em Bewiesen von däm Jeist un de Krauft, Mat 10:205om daut jun Gloowen nich opp menschliche Weisheit bestonen wudd, oba opp Gott siene Krauft. 1Tess 1:56Wie räden oba Weisheit mank de Vollkomne, oba nich de Weisheit von dise Welt, uk nich von de Rejierende en dise Welt, dee doa vegonen;7oba wie räden Gott siene Weisheit en een Jeheemnis, de Vestoakne, dee Gott ver de Welt bestemt haft, fa onse Harlichkjeit, Mat 11:25; Ree 16:258dee kjeena von de Rejierende von dise Welt erkjand; wiels wan see dee erkjant hauden, wudden see dän Harn von de Harlichkjeit nich jekjriezicht haben.9Oba soo aus jeschräwen steit: “Waut kjeen Uag jeseenen un kjeen Ua jehieet haft un en kjeen Mensch sien Hoat jekomen es, waut Gott reedjemoakt haft fa dee, dee Am leewen.” Jes 64:410Oba ons haft Gott daut jeopenboat derch sienen Jeist; wiels de Jeist forscht aules ut, uk de deepe Dinja von Gott. Mat 13:11; Kol 1:2611Wiels woona von de Menschen weet, waut em Mensch es, aus mau de Jeist vom Mensch, dee en am es? Jrod soo weet uk kjeena, waut en Gott es, aus bloos de Jeist Gottes.12Oba wie haben nich dän Jeist von de Welt jekjräajen, oba dän Jeist von Gott, soo daut wie weeten kjennen, waut ons von Gott jeschonken es; Joh 14:16-2713wuavon wie uk räden, nich en Wieed, dee menschliche Weisheit lieet, oba en soone, dee de heilja Jeist lieet, un vejlikjen jeistliche Dinja jeistlich.14Oba de naturala Mensch nemt nich aun, de Dinja von Gott sien Jeist; dee sent fa am eene Domheit, un hee kaun dee nich vestonen, wiels dee motten jeistlich jerecht woaren. Joh 8:47; 1Kor 1:2315Oba de Jeistlicha be-uadeelt aules, un hee es von kjeenem be-uadeelt.16Wiels wäa haft däm Harn sien Senn erkjant? Wäa mucht Am belieren? Wie oba haben Christus sien Senn. Jes 14:13; Ree 11:34
Lebenswasser