Paulus sien ieeschta Breef aun de Korinta3
1Un ekj, Breeda, kunn nich to junt räden aus to Jeistliche, oba aus to Fleeschelje, aus to Bäbes en Christus. Joh 16:122Malkj hab ekj junt to drinkjen jejäft un nich Äten; wiels jie kunnen noch nich, un jie kjennen uk noch nich; 1Pe 2:23wiels jie sent noch fleeschlich; wiels wua mank junt Aufgonst un Striet un Spoolarieen sent, sent jie nich fleeschlich un waundlen no Menschenwies? 1Kor 1:10-11; 11:184Wiels wan eena sajcht: Ekj sie fa Paulus, dee aundra: Ekj fa Apollos; sent jie nich fleeschlich? 1Kor 1:125Wäa es dan Paulus, un wäa es Apollos? Deena sent see, derch woone jie jleewden, doano aus de Har eenem jiedren jejäft haft.6Ekj hab jeplaunt, Apollos haft begoten, oba Gott jeef daut Waussen. Apj 8:24-287Soo es nich dee irjentwaut, dee doa plaunt, uk nich, dee doa bejitt, oba Gott, Dee daut Waussen jeft.8Dee doa oba plaunt un dee doa bejitt, sent eent; een jiedra oba woat sienen Loon kjrieen no siene Oabeit no. 1Kor 4:59Wiels wie sent Gott siene Metoabeida, un jie sent Gott sien Akawoakj un Gott sien Buwoakj. Mat 13:3-19; Efs 2:2010No Gott siene Jnod no, dee mie jejäft es, hab ekj aus een weisa Bumeista dän Grunt jelajcht; een aundra but doabowen, oba een jiedra lot doano seenen, woo hee doa noppbut.11Wiels eenen aundren Grunt kaun kjeena lajen, buta däm, dee jelajcht es, woona es Jesus Christus. 1Pe 2:4-612Wan oba irjentwäa opp disen Grunt noppbut, Golt, Selwa, diere Steena, Holt, Hei, Stroo,13soo woat daut Woakj von eenem jiedren openboa woaren, wiels de Dach woat daut kloa moaken; wiels daut woat derch Fia openboa woaren; un waut fa Sort eenem jiedren sien Woakj es, woat daut Fia proowen. 1Kor 4:514Wan irjentwäms Woakj blift, waut hee doa noppjebut haft, woat hee eenen Loon kjrieen.15Woat oba irjentwäms Woakj vebrennen, dan woat hee Schoden lieden; hee selfst oba woat jerat woaren, oba mau soo, aus derchet Fia.16Weet jie nich, daut jie Gott sien Tempel sent un Gott sien Jeist en junt wont? 1Kor 6:19; 2Kor 6:1617Wan irjentwäa Gott sien Tempel vedoaft, dän woat Gott vedoawen; wiels Gott sien Tempel es heilich, un jie sent dee.18Kjeena saul sikj selfst aunschmäaren. Wan irjentwäa mank junt denkjt, weis to sennen en dise Welt, dee saul een Noa woaren, om daut hee weis woaren kaun. Opb 3:17-1819Wiels dise Welt äare Weisheit es Domheit bie Gott; wiels daut steit jeschräwen: “Hee jript de Weise en äare Lest”. Hiob 5:1320Un noch eenmol: “De Har kjant de Jedanken von de Weise, daut dee nutzloos sent”. Ps 94:1121Doawäajen sull sikj kjeena wäajens Menschen riemen, wiels aules es junt:22Auf daut Paulus ooda Apollos es, Kefas ooda de Welt, daut Läwen ooda de Doot, Jäajenwuatjet ooda Tookjinftjet; aules es junt;23oba jie jehieren Christus, un Christus jehieet Gott. 1Kor 11:3
Lebenswasser