यहेज्केल25
1यहोवाआ ओं वसन माआ जागे पोतो:2“ए मोनवीइ पोर्या, आम्मोनवालाआ वोग सोब कोइत तियांआं बाप्तिम भविश्यवाणी कोअ.3तियांहां को, ओ आम्मोनवाला, यहोवा देवोअ वसन उनाआ; यहोवा देव एहें कोहे, माआ सोकू जागू एठु कोइ देदू, आन इस्राएल देस उजाड़ कोइ देदो, आन यहुदाआ घराणाहां बांदीत कोइत लेत गोये ताहां तुमे ‘वारेवा’ एहें कोयो;4तियाहा काजे पाला, ताहूं आंय उक्तामाअहेंएं माअहुंउं ताबाम कोअहीं; ते ताआ विसमेहें पोड़ावू टाके आन तियांआं कोएं बांदे; ते तामेऱ्येए फलवे खाय आन ताआ दुद पिये.5आंय राब्बा होयरोहो उटड़ाआ रोअलाअ आन आम्मोनवाला देसोहो मेडान बोकड़ाआ बोहीइलाआ जागू बोणावहीं; ताहां तुमुहूं समजाय के आंय यहोवा होय.6“काहाके यहोवा देव एहें कोहे: तु इस्राएल देसोअ बाप्तिम थापड़्यी वाजाड़्यी आन नाशू, आन ताआ पुरा मोनोवाअहीं खुसी कोअयी,7तिहीं वाअहीं पाल, आंय माआ आथ तापोअ कोअहीं, आंय ताहूं दुन्याआ आथोम लुटे तेहें कोइ देहीं, आन देस देसोअ माअहूंम रोत ताहूं नुसीहीं; आन ताहूं आंय आरवीहीं. आंय ताहूं नावासट आरवीत टाकीहीं; ताहां ताहूं समजाय के आंय यहोवा होय.”8यहोवा देव एहें कोहे: “मोवाब आन सेईर कोतेहे, पाला, यहुदाआ घराणो बिहीरा माअहोंअ हारकोज होय.9तियाहा काजे पाल, आंय मोवाबोअ देसोअ मेरेए होयरोहों बेथशीमोत, बालमोन, आन किरीयातीम, जे तिया देसोअ महिमा होय, तियांआं वाट उगाड़ीत,10तियांहां उक्तामा देसोअ माअहुंउं ताबाम एहेलेहे कोअहीं के ते आम्मोनवालापोअ ताड़ आवुहूं जोवे; आन आंय आम्मोनवालाहां एहेलेहे तियांआं ताबाम कोइ देहीं के राज्या राज्यामेहें विसमेहें फाशीइ तियांआं ओर ने रोय.11आंय मोवाबोहो बी डोंड आपहीं. ताहां तियांहां मुंदू जाय के आंय यहोवा होय.”12यहोवा देव एहें बी कोहे: “एदोमे यहुदीइ घराणाअरी बोदलू लेदू, आन तियांअरी बोदलू लेत कोइत वोडू गुनेगार ओत गोयोहो,13तिहीं वाअहीं यहोवा देव एहें कोहे, आंय एदोमोअ देसोअ विरुद्दाम माआ आथ आगाड़ी कोइत तियाम रोत माअहें आन जनवारे आरवीहीं; आन तेमानोम रोत्ते ददान जाआं तियाहा उजाड़ी देहीं; आन ते तारवाइ वाअहीं माआंय.14आंय माआ माअहें इस्राएलोवाअहीं एदोमोअरी माआ बोदलू लेहीं; आन ते तिया देसोमेहें माआ खोतेए परमाणे काम कोए. ताहां तियांहां माआ बोदलू लेअलाआ मुंदू जाय, एहें कोइत यहोवा देव कोहे.”15यहोवा देव एहें कोहे: “पलिश्ती माअहूं तियांआं पिड़ीन पिड़ीइ दुस्मोनोपोअ खिजवात कोइत खोर काड्यी, तेतोज नाहां पोन आरवीत टाकीइलोअ काजे खोतेए बाल्लायी खोर काड्यी.16तियाहा काजे यहोवा देव एहें कोहे, आंय माआ आथ पलिश्तीवालापोअ उठाड़ीहीं आन केरेतीवालाहां नुसीत टाकीहीं; आन दोऱ्याआ मेरे वासात रोनाराहा आरवीत टाकिहीं.17तियांहां खोते वाअहीं डोंड आपीत कोइत, आंय तियांआं जुदू कठीण बोदलू लेहीं; आन जाहां आंय बोदलू लेत लेहीं, ताहां तियांहां समजाय के आंय यहोवा होय.”
The Word for the World International