यहेज्केल26
1बारावा वोरह्योअ इग्यारवा मोयनाआ पेलठे दिही, यहोवाआ ओं वसन माआ जागे पोतो:2“ए मोनवीइ पोर्या, सोर येरुसालेमोअ बाप्तिम कोहे, ‘वारेवा! जे गेट देसो देसोअ माअहुंउं सामने ओता, ते आरवात गोया! तियाआ उजड़ीत जाअलो वाअहीं आंय कुन्बी बोणीत जाहीं.’”3तिहीं वाअहीं यहोवा देव कोहे: “ए सोर, पाल, आंय ताआ विरुद्दाम होय; आन जेहेलोहो दोऱ्या तियाआ उपाड़ा उसालेहे, तेहेंज कोइत जाअखीलीही बिहीरे माअहें ताआ विरुद्दाम उठे.4तें सोर होयरोअ पितड़ो ओदारे, आन तियाआ बुरुज तोड़ीत टाके; आन आंय तियापोऱ्युउ कादुउ खोरवीत कोइत तियाहा उगड़ाअलो खड़को कोइ देहीं.5तो दोऱ्याआ विसमेहें जाल टाकीइलाअ जागू बोणीत जाय; ओं आंय कोयोहो एहें कोइत यहोवा देव कोहे, आन तो राज्या राज्यामेहें माअहुंउं वाअहीं लुटाअही;6आन तियाआ बेटिह्ही मोकला जागाम होय, ते तारवाइ वाअहीं माआंय. ताहां तियांहां मुंदू जाय के आंय यहोवा होय.”7“काहाके यहोवा देव ओं कोहे: पाल, आंय बाबेलोअ राजा, नबुकदनेस्सरोहो पालामाअहें रोत कोड़ा, रथ, कोड़ापोअ बोहनारा, आन वोडी सेना यांअरी सोरोअ जागे लेतावहीं.8ताआ बेटिह्ही मोकला जागामेहें ओय, तियांहां तो तारवाइ वाअहीं माए, आन ताआ विरुद्दाम योजना कोए, आन बुरुज बांदे; आन ढाल उसी कोए.9तो ताआ होयरोअ पितड़ाआ विरुद्दाम लोड़ायीइ आथ्यारे सालाड़े आन ताआ बुरुज पाड़ीत टाके.10तियाआ कोड़ा एताहा आवे, के तु तियांआं रोजड़ा वाअहीं टापात जाही, आन नाकावाला होयरे फोड़ीत कोइत माय फोहतेहे तेहें कोइत तो ताआ गेटोम माय फोहे, तेहेलाम कोड़ापोअ बोहनाराअ, साकाआ आन गाडाआ आवाजो वाअहीं कापे.11तो तियाआ कोड़ाआ खुरी वाअहीं ताआ आखी सड़क सेंदीत टाके; आन ताआ माअहुंहूं तारवाइ वाअहीं माईंत टाके,आन ताआ सेक्तीइ खांब पुयींपोअ ओदारी देवाय.12माअहें ताआ मालधन लुटे आन ताआ वापाराआ वस्तु बुउसीत लेय; ते ताआ होयरोअ पितड़ो ओदारी देय आन ताआ गोमनारो कोअ फोड़ीत टाके; ताआ डोंण आन लाकुड़, आन ताआ तुलो पाअयोंमेहें टाकी देय.13आंय ताआ गितोअ सुरताल बोंद कोअहीं, ताआ विणाआं आवाज फाशुउ ने होंबलाय.”14“आंय ताहूं उगड़ाअलो खड़को कोइ देहीं; तु जाल टाकीइलोअ जागू बोणीत जाही, आन फाशोअ ने बांदाय; काहाके माहूं यहोवाज ओं कोयोहो, एहें कोइत यहोवा देव कोहे.”15यहोवा देव सोरोहो एहें कोहे: “ताआ पोड़ीइलोअ आवाजो वाअहीं, जाहां दुखाअले माअहें काहें आन तामेहें खुनेन खुने ओवे, ताहां बेटे ने कापीत उठे के?16तेहेलाम दोर्याआ मेरेए देसोअ आखे आधिकारी माअहें जिवज्योअ राजगादीपोअ रोत उतरे, आन तियांआं जुब्बा आन राजपदोअ साअके काडीत कोइत थुतरीइलोअ साअके पोवे आन पुंयपोअ बोहीत कोइत वेले वेलेपोअ काप्या कोए; आन ताआ वोतीइ बोगलाय.17ते ताआ बाप्तिमेहें विखाआ गित बोणावीत कोइत कोये:“ए नावासी होयर, तु जेहेलोहो दोऱ्याम रोततियार ओत कोइत बोठोतो,तु दोऱ्यापोअ राज वापरीइनारो ओतो,आन आखा रोनाराहा बिवाड़नारो होयर ओतो,तु की कोइत आरवाअयो?18ताआ पोड़ीइलोअ दिही बेट कापीत उठे,आन ताआ निहीत जाअला वाअहींदोऱ्यामेऱ्याआ आखा बेट काबरात जाय.”19“काहाके यहोवा देव कोहे: जाहां आंय ताहूं उजाड़ होयरोअ होस उजाड़ी देहीं आन तापोअ वोडू दोऱ्या ओलीहीं, आन तु उंडा दोऱ्यामेहें बुडीत जाही,20ताहां उंडा खाडाम पोड़नाराअरी आंय ताहूं बी निसेए माअहूं मेहें मिकीत कोइत जुना वाडोअ उजड़ीइल्या जागाअ होस कोइ देहीं; एतोहो जाआं के तु फाशुउ ने रोही आन जिवनारा माअहोंम ताहूं किज जागू ने सापड़े.21आंय ताहूं काबराइलोअ कारण कोअहीं, आन आवता दिहोमेहें फाशुउ तु ने रोही, एतोज नाहां पोन होदे तेबी ताआ पात्तू ने साले, एहें कोइत यहोवा देव कोहे.”
The Word for the World International