Meng Lai82
Asaf kowh meng.
1Thurai dow aia kowh tara pu kowi iowng khai,aia dow pren kruitown mih thuraiuüa pungmadawng kowi chet tara khai.2Aia tek pe mih, “Mün khowt tak chow angak hown enni nakruitown pren kown?Mün ni tak chow maru ngakuüa kowi enni natawi tangila kown? [Sela]3Ngarawng ngarai miuüa hai saratchowuüa kowi chet pe tara nowm büa diah,ngarema hai akhawr hown uowi miuüa kowi takhula büah reng diah.4Kür uowi dowi miuüa hai akhowng takla miuüa kowi lawngah büa diah,amatni kowi dow maru ngakuüa rut hownia uang lawtla büa diah,” pakhai.5Pren kruitown mih thuraiuüa kowh dow chanlaira hai prengia iung hing uowi dowi.Naiawng rakowi amatni dow iiu dawng kowi mangla pang khai.Naiawng rakowi lusa kowi mih anowm uowi dowi bowt chekhai.6Amatni kowi ang tek pe mih, “Enni dow thuraiuüa chekhai,enni dow lang kri lang kraing mih Thurai chauüa kangowh chowdiah.7Nachenganchepaw enni mih lusa maru iawng nakowng kown;lusa kowi kowh kruitown miuüa iawng enni napiak kown,” pakhai.8Aw Thurai, awr rü diah, lusa maru-uüa kowi chet pe tara diah.Tawngplawng kowchow panow chenchap maten dow en low kowi uowi mih chekhai.The Seed Company