2 Manguüa2
1Khanawng li hown mukuang pren kowi Elija kowi CHAKRAMANG napünla kown mih khin dow uang towm khai bowt. Nakhowk khe Elija hai Elisa iüah dow Gilgal marow hownia uang lawt khai.2Now Elija tek pe Elisa mih, “Makowi ta uowi diah towbowt. Tawngplawng kowchow panow Bethel marow kowi ang malowkchow nakowkowi kown mih CHAKRAMANG chin ang khai,” pakhai.
Nachenganchepaw Elisa klangah mih, “Masing CHAKRAMANG ming hai en ming lüklau se ang takham khowk, mapaw ang plawt en kown nadowi,” pape khai. Naiawng rakowi amatchi dow Bethel marow kowi kowkowi khai.3Now nami marow kowi kowkup iüah dowi rawn khe nakowi kowh risiuüa dow Elisa tut-e uangah hanow tek pe mih, “En kowh chakramang Elija kowi ani dow en hownia CHAKRAMANG napawta kown mih en tuk bow?” pabüah khai.
Nakhowk khe Elisa klangah mih, “Ow, ang tuk. Tawkchedow nami lawnguan kowi hang tek büah tham bowt,” pape khai.4Nami kung kowi Elija tek pe Elisa mih, “Makowi ta uowi diah towbowt. Tawngplawng kowchow panow Jeriko marow kowi ang nakowkowi kown mih CHAKRAMANG chin ang khai,” pakhai.
Nachenganchepaw Elisa klangah mih, “Masing CHAKRAMANG ming hai en ming lüklau se ang takham khowk, mapaw ang plawt en kown nadowi,” pape khai. Naiawng rakowi amatchi dow Jeriko marow kowi kowkowi khai.5Now Jeriko marow hown atawnchow kowtowm iüah khe nakowi kowh risiuüa dow Elisa tut-e uangah hanow tek pe mih, “En kowh chakramang Elija kowi ani dow en hownia CHAKRAMANG napawta kown mih en tuk bow?” pabüah khai.
Nakhowk khe Elisa klangah mih, “Ow, ang tuk. Tawkchedow nami lawnguan kowi hang tek büah tham bowt,” pape khai.6Nami kung kowi Elija tek pe Elisa mih, “Makowi ta uowi diah towbowt. Tawngplawng kowchow panow Jawrdan aw paipra pown kowi ang nakowkowi kown mih CHAKRAMANG chin ang khai,” pakhai.
Nachenganchepaw Elisa klangah mih, “Masing CHAKRAMANG ming hai en ming lüklau se ang takham khowk, mapaw ang plawt en kown nadowi,” pape khai. Naiawng rakowi amatchi pre ia tarü khai.7Now Elija hai Elisa iüah dow Jawrdan aw pang re-e iowng iüah khai. Nakhowk khe amatchi hown alak sangrumchow re-e risiuüa uang iowng 50 ia khai.8Nami kung kowi dow Elija mih aia kowh uanchow kerah hanow iu bawpla tui khai. Nahanow Jawrdan aw tui dow hawmlawm pra hai lakuai prakowi taak lang khai. Now Jawrdan aw rephai akang khawngma mih iawng haipown iüah khai.9Paipra pown kowi amatchi kowting khe Elija tek pe Elisa mih, “En hownia CHAKRAMANG iu pawta ang dowi rawn en vüi tawng chow ang nachangla en kown mih tek ang diah,” pakhai.
Nakhowk khe Elisa tek pe mih, “Sakrauma hown en kowh nowng changra kür pela ang pre phow diah,” pape khai.10Nakhowk khe Elija tek pe mih, “En lü mih dow akratma mih uanh chekhai. Nachenganchepaw en hownia CHAKRAMANG iu pawta ang mih khin khe en che krawi khi ang khai hanow en naka kown. Tawkche en krawi khi ang dowi hanow en naka kown nadowi,” pakhai.11Elija hai Elisa iüah dow naiawng talawpla se taiua mang iüah khai. Nakhowk khe maih kawrnga kari hai maih kawrnga ün amatchi takra kowi uang takhia hanow amatchi kowi kraah khai. Now Elija kowi dow khanawng li hown mukuang pren kowi CHAKRAMANG pünla khai bowt.12Nami khita hanow Elisa dow kar se tek mih, “Aw apa, apa! Israel kowi kowh kawrnga kari hai kawrnga luk kowi kowh chowm mih siphaiuüa kowi ang khi khai !” pakhai. Nami hownia now Elija kowi katpaw Elisa khi dowi bowt chekhai. Nakhowk khe Elisa dow sak piak rakowi aia kowh tawnguat mih thekta kruang khai.13Nami kung kowi dow Elisa mih Elija kowh ta dowh mih uanpowngchow kowlüm khai, now plan mang kownkow Jawrdan aw pang re-e kowiowng khai.14Now Elija kowh nami uanpowngchow hown iu bawp tui hanow aia tek mih, “CHAKRAMANG Elija kowh Thurai tawng kowi chow?” pakhai. Now aia iu bawp tui hanow tui dow hawmlawm pra hai lakuai prakowi taak lang khai, now aia dow aw paipra pown kowi haimang khai.15Jeriko marow hownia kowh 50 ia mih risiuüa dow naiawng Elisa chang mih haikhi hanow awda büah khai. Amatni tatek mih, “Elija kowh lümla kür mih Elisa tut-e chowbowt!” pabüah khai. Amatni dow Elisa hown kowtakrum hanow aia pur kowi krawng kowi tabawk krawm se chupah büah khai.16Now amatni tek pe Elisa mih, “Mow, mami re-e akürma kangowh mih anging uowi 50 ia lowmow. En che pe anging ana now Jawrdan aw paipra pown kowi en kowh chakramang Elija kowi anging kowkrawi cham sow. CHAKRAMANG kowh lümla dow aia kowi cham pawla hanow hungh kowi chepaw, lawngrawi kowi chepaw cham towta hüah ün tarawng,” pabüah khai.
Nakhowk khe Elisa tek pe amatni mih, “Kowkowi kla dowi tham,” pape khai.17Nachenganchepaw amatni dow Elisa rukrai pat naiawng tek pe rengreng chekhai. Naiawng rakowi Elisa tek pe mih, “Kowkowi büah bowt,” pakhai. Nahanow risiuüa dow nakrawi cham Elija kownkow tarü khai bowt. Amatni dow sum ni mowr krawi cham chepaw Elija kowi krawi ka büah dowi chekhai.18Nami kung kowi dow amatni mih Elisa uowi rah Jeriko marow kowi uang plan büah khai. Nakhowk khe Elisa hawt tek pe amatni mih, “Nakowkowi dowi kown mih ang tek enni khowk nadowi bow?” pakhai.19Akat khe Jeriko marowchakuüa tek pe Elisa mih, “Aw anging kowh chakramang, mami marow kowi kowh süng dow klangiungma mih en tuk. Nachenganchepaw tui pachap mih mapaw iung dowi chekhai, now luprak paw phaw dowi chekhai,” pabüah khai.20Nakhowk khe Elisa tek pe mih, “Bia sar hown ang tut-e uang pawla awisa sangrum diah,” pakhai. Nahanow amatni dow bia sar hown Elisa kowi uang pawla pe awisa khai.21Now Elisa dow Jeriko marowchakuüa kowh tui chawt kowi kowkowi khai. Now nami awisa dow tui kowi aia pruiah hanow tek mih, “CHAKRAMANG ming hown mami tui mih iungta khowk. Khaleng hownia bowt now mami tui khamra hownia maru nakowng kown nadowi bowt, now masiuüa pawm paw naiut kown nadowi bowt,” pakhai.22Nami tui dow ani mowr pat Elisa tek iawng aiungma reng tak chekhai.23Akung kowi Elisa dow Jeriko marow hownia Bethel kowi kowkowi khai. Now tiama rawng kowi chowreng tak khe Bethel hownia ngeuüa hawmh akawmma uang lawt hanow aia kowi uang khareah khai. Amatni tek pe mih, “Owi, lukiala, lukiala, mami hownia powt,” pabüah khai.24Nakhowk khe Elisa dow iu ngeu hanow amatni kowi khita khai, now CHAKRAMANG ming hown amatni kowi aia peah piati khai. Nahanow kaurawng hownia tawmma uang lawt pre pum hanow ngeuüa hawmh pungmadawng hownia 42 ia kowi uang makta nak khai.25Nami kung kowi dow Bethel hownia Karmel hungh kowi aia kowkowi khai. Now nami hungh hownia dow Samari marow kowi aia uang plan khai.
Nachenganchepaw Elisa klangah mih, “Masing CHAKRAMANG ming hai en ming lüklau se ang takham khowk, mapaw ang plawt en kown nadowi,” pape khai. Naiawng rakowi amatchi dow Bethel marow kowi kowkowi khai.3Now nami marow kowi kowkup iüah dowi rawn khe nakowi kowh risiuüa dow Elisa tut-e uangah hanow tek pe mih, “En kowh chakramang Elija kowi ani dow en hownia CHAKRAMANG napawta kown mih en tuk bow?” pabüah khai.
Nakhowk khe Elisa klangah mih, “Ow, ang tuk. Tawkchedow nami lawnguan kowi hang tek büah tham bowt,” pape khai.4Nami kung kowi Elija tek pe Elisa mih, “Makowi ta uowi diah towbowt. Tawngplawng kowchow panow Jeriko marow kowi ang nakowkowi kown mih CHAKRAMANG chin ang khai,” pakhai.
Nachenganchepaw Elisa klangah mih, “Masing CHAKRAMANG ming hai en ming lüklau se ang takham khowk, mapaw ang plawt en kown nadowi,” pape khai. Naiawng rakowi amatchi dow Jeriko marow kowi kowkowi khai.5Now Jeriko marow hown atawnchow kowtowm iüah khe nakowi kowh risiuüa dow Elisa tut-e uangah hanow tek pe mih, “En kowh chakramang Elija kowi ani dow en hownia CHAKRAMANG napawta kown mih en tuk bow?” pabüah khai.
Nakhowk khe Elisa klangah mih, “Ow, ang tuk. Tawkchedow nami lawnguan kowi hang tek büah tham bowt,” pape khai.6Nami kung kowi Elija tek pe Elisa mih, “Makowi ta uowi diah towbowt. Tawngplawng kowchow panow Jawrdan aw paipra pown kowi ang nakowkowi kown mih CHAKRAMANG chin ang khai,” pakhai.
Nachenganchepaw Elisa klangah mih, “Masing CHAKRAMANG ming hai en ming lüklau se ang takham khowk, mapaw ang plawt en kown nadowi,” pape khai. Naiawng rakowi amatchi pre ia tarü khai.7Now Elija hai Elisa iüah dow Jawrdan aw pang re-e iowng iüah khai. Nakhowk khe amatchi hown alak sangrumchow re-e risiuüa uang iowng 50 ia khai.8Nami kung kowi dow Elija mih aia kowh uanchow kerah hanow iu bawpla tui khai. Nahanow Jawrdan aw tui dow hawmlawm pra hai lakuai prakowi taak lang khai. Now Jawrdan aw rephai akang khawngma mih iawng haipown iüah khai.9Paipra pown kowi amatchi kowting khe Elija tek pe Elisa mih, “En hownia CHAKRAMANG iu pawta ang dowi rawn en vüi tawng chow ang nachangla en kown mih tek ang diah,” pakhai.
Nakhowk khe Elisa tek pe mih, “Sakrauma hown en kowh nowng changra kür pela ang pre phow diah,” pape khai.10Nakhowk khe Elija tek pe mih, “En lü mih dow akratma mih uanh chekhai. Nachenganchepaw en hownia CHAKRAMANG iu pawta ang mih khin khe en che krawi khi ang khai hanow en naka kown. Tawkche en krawi khi ang dowi hanow en naka kown nadowi,” pakhai.11Elija hai Elisa iüah dow naiawng talawpla se taiua mang iüah khai. Nakhowk khe maih kawrnga kari hai maih kawrnga ün amatchi takra kowi uang takhia hanow amatchi kowi kraah khai. Now Elija kowi dow khanawng li hown mukuang pren kowi CHAKRAMANG pünla khai bowt.12Nami khita hanow Elisa dow kar se tek mih, “Aw apa, apa! Israel kowi kowh kawrnga kari hai kawrnga luk kowi kowh chowm mih siphaiuüa kowi ang khi khai !” pakhai. Nami hownia now Elija kowi katpaw Elisa khi dowi bowt chekhai. Nakhowk khe Elisa dow sak piak rakowi aia kowh tawnguat mih thekta kruang khai.13Nami kung kowi dow Elisa mih Elija kowh ta dowh mih uanpowngchow kowlüm khai, now plan mang kownkow Jawrdan aw pang re-e kowiowng khai.14Now Elija kowh nami uanpowngchow hown iu bawp tui hanow aia tek mih, “CHAKRAMANG Elija kowh Thurai tawng kowi chow?” pakhai. Now aia iu bawp tui hanow tui dow hawmlawm pra hai lakuai prakowi taak lang khai, now aia dow aw paipra pown kowi haimang khai.15Jeriko marow hownia kowh 50 ia mih risiuüa dow naiawng Elisa chang mih haikhi hanow awda büah khai. Amatni tatek mih, “Elija kowh lümla kür mih Elisa tut-e chowbowt!” pabüah khai. Amatni dow Elisa hown kowtakrum hanow aia pur kowi krawng kowi tabawk krawm se chupah büah khai.16Now amatni tek pe Elisa mih, “Mow, mami re-e akürma kangowh mih anging uowi 50 ia lowmow. En che pe anging ana now Jawrdan aw paipra pown kowi en kowh chakramang Elija kowi anging kowkrawi cham sow. CHAKRAMANG kowh lümla dow aia kowi cham pawla hanow hungh kowi chepaw, lawngrawi kowi chepaw cham towta hüah ün tarawng,” pabüah khai.
Nakhowk khe Elisa tek pe amatni mih, “Kowkowi kla dowi tham,” pape khai.17Nachenganchepaw amatni dow Elisa rukrai pat naiawng tek pe rengreng chekhai. Naiawng rakowi Elisa tek pe mih, “Kowkowi büah bowt,” pakhai. Nahanow risiuüa dow nakrawi cham Elija kownkow tarü khai bowt. Amatni dow sum ni mowr krawi cham chepaw Elija kowi krawi ka büah dowi chekhai.18Nami kung kowi dow amatni mih Elisa uowi rah Jeriko marow kowi uang plan büah khai. Nakhowk khe Elisa hawt tek pe amatni mih, “Nakowkowi dowi kown mih ang tek enni khowk nadowi bow?” pakhai.19Akat khe Jeriko marowchakuüa tek pe Elisa mih, “Aw anging kowh chakramang, mami marow kowi kowh süng dow klangiungma mih en tuk. Nachenganchepaw tui pachap mih mapaw iung dowi chekhai, now luprak paw phaw dowi chekhai,” pabüah khai.20Nakhowk khe Elisa tek pe mih, “Bia sar hown ang tut-e uang pawla awisa sangrum diah,” pakhai. Nahanow amatni dow bia sar hown Elisa kowi uang pawla pe awisa khai.21Now Elisa dow Jeriko marowchakuüa kowh tui chawt kowi kowkowi khai. Now nami awisa dow tui kowi aia pruiah hanow tek mih, “CHAKRAMANG ming hown mami tui mih iungta khowk. Khaleng hownia bowt now mami tui khamra hownia maru nakowng kown nadowi bowt, now masiuüa pawm paw naiut kown nadowi bowt,” pakhai.22Nami tui dow ani mowr pat Elisa tek iawng aiungma reng tak chekhai.23Akung kowi Elisa dow Jeriko marow hownia Bethel kowi kowkowi khai. Now tiama rawng kowi chowreng tak khe Bethel hownia ngeuüa hawmh akawmma uang lawt hanow aia kowi uang khareah khai. Amatni tek pe mih, “Owi, lukiala, lukiala, mami hownia powt,” pabüah khai.24Nakhowk khe Elisa dow iu ngeu hanow amatni kowi khita khai, now CHAKRAMANG ming hown amatni kowi aia peah piati khai. Nahanow kaurawng hownia tawmma uang lawt pre pum hanow ngeuüa hawmh pungmadawng hownia 42 ia kowi uang makta nak khai.25Nami kung kowi dow Bethel hownia Karmel hungh kowi aia kowkowi khai. Now nami hungh hownia dow Samari marow kowi aia uang plan khai.
The Seed Company