1 Manguüa2
1David mih aia kowng kown mih khin tawn khowk khe achapa Sawlawmawn kowi ta mala lai khai. David tek pe mih,2“Lusa kowi kowh maru maten kowng iawng ang paw nakowng kown towbowt. Naiawng rakowi sakkhawtma uowiah diah, now kowmatia kowi kachakuüa chah ching pami tatuakah diah.3CHAKRAMANG en kowh Thurai naukrang iawng aia tiama kowi en namang kown takla. Now Mosi rirow bowih kowi kowh arui uowi mih CHAKRAMANG kowh rirow, ari aiang, ana pek hai alow pek maten en nachün kown takla. Naiawng che en chün khai hanow en cham kowi rah maten hai en changah mih lup maten nachawn kown.4Nahanow CHAKRAMANG mih ang tut-e kowh aia takhamta mih maten nauang pe tachiah kown. Ang tut-e CHAKRAMANG takham mih, ‘En kowh krungchakuüa che tawng mih tiama kowi chow mang mih müah kaneu khai, amatni kowh sak maiow hown towsak towtaima kaah sakowmma ang pur kowi mang khai hanow Israel kowh mang chowm rah kowi nachowm mang kown mih maru en krungchak kowi nakhawr kown nadowi,’ pakhai.5“Now ang luk kowi kowh Zerui kowh chapa Joab changah mih lawnguan en aiawng tuk towbowt. Aia dow Israeluüa kowh siphai aluchow pre ia Ner kowh chapa Abner kowi hai Jethar kowh chapa Amasa iüah kowi saiah khai. Aia dow thaulangma uowi khe paw tasen khe kowh iawng kowiüah kowi saiah khai. Kowiüah kowh vi dow aia kowh kekawm kowi hai phanaikhawk kowi ün krawi talük khai.6Naiawng rakowi aia kowi dow en tut-e iung iawng changah diah. Tawkche aia kowi dow aiungma iawng mapaw hangkow pe kowngah.7“Nachenganchepaw Gilead kowi kowh uowi mih Barzilai kowh chapauüa dow en taimow Absalawm hownia ang cham powt khe tawi khowng ang khai. Naiawng rakowi amatni luk kowi dow kaah sakowm iawng uowi pe diah. Amatni kowi dow en kowh pawitang kowi tawi cha chakkham miuüa pungmadawng kowi pe chowmla diah.8“Now Bahurim marow kowi kowh uowi mih Benjamin krungchak Gera kowh chapa Simei kowi sak kowi towah reng diah. Mahanaim marow kowi ang kowkowi khe aia dow lainowmma pe ang piati khai. Nachenganchepaw ang uang plan mih khin khe Jawrdan aw kowi ang tut-e aia uang khai. Nakhowk khe aia kowi nasaiah dowi kownkow CHAKRAMANG ming hown aia tut-e ang takhamta khai bowt.9Nachenganchepaw aia kowi dow en napeah ripra ngengche kown. En dow chanlaima chekhai; aia kowi tawng chow achang takla mih en tuk. Nachenganchepaw aia kowi dow en nasaiah kown takla,” pape khai.10Nami kung kowi dow David mih kowng khai bowt. Now aia kowh uak dow David marow kowi maru dupah khai.11Aia dow Israeluüa luk kowi 40 ning mowr chowmla mang khai. Aia dow Hebrawn marow kowi ranit ning, now Jerusalem marow kowi 33 ning mowr chowmla mang khai.12Nami kung kowi dow Sawlawmawn mih a-pa David kowh mang chowm rah kowi ta chowm mang khai, now aia kowh mangra dow akhawtma chekhai.13Akung kowi Hagit hown kowh David kaah mih chapa Adonija dow mang Sawlawmawn kowh u Betseba tut-e kowkowi khai. Nakhowk khe Adonija kowi Betseba hawt lüntaah mih, “Saktuak iungma hown en uang mih bow?” pakhai.
Adonija klangah mih, “Ow, saktuak iungma hown chowtaih ang uang. Ang tek en kown mih laiklow uowi ne,” pape khai. Now aia tek kown uowi mih dow Betseba pe tekah khai.15Nakhowk khe Adonija tek pe mih, “Israel pren kowi nachowm mang kown mih ang chowdiah pami en tuk. Israeluüa maten dow ang nachowm mang kown mih nauta bowk chowdiah. Nachenganchepaw naiawng phaw dowi kowi Israel pren kowi chowm mang mih dow ang naumow chekhai. Tawngplawng kowchow panow nami dow CHAKRAMANG nauah kowh chekhai.16Now kawmat ang tek en lai lowk kown ang nau. Sakrauma hown ang tek en iawng chang ang diah,” pakhai.
Now Betseba dow aia tek kown nau mih pe tekah khai.17Nakhowk khe Adonija tek pe mih, “Sunem marowchak Abisag hown nape tachawng ang kownkow mang Sawlawmawn kowi tek pe dit. En laiklow dow aia nakuakta en kown nadowi,” pape khai.18Now Betseba klangah mih, “Iung chow. Nami lawnguan kowi mang kowi ang natek pe kown taih,” pape khai.19Naiawng rakowi Adonija kowh lawnguan mang Sawlawmawn kowi natek pe kownkow Betseba kowkowi khai bowt. Nakhowk khe mang Sawlawmawn mih awr rü hanow a-u kowi chupah khai, now aia kowh mang chowm rah kowi chowm khai. Nakhowk khe mang mih a-u vüi cham paw pe chowm rah lowk hanow aia hawmlawm prakowi pe chowmah khai.20Nakhowk khe mang Sawlawmawn kowi a-u tek pe mih, “Ang lü en kown mih uowi pachap. Sakrauma hown hauang kuak ang lai diah,” pakhai.
Mang klangah mih, “Tek bowt au. En kowh laiklow ang kuak en dowi tham,” pape khai.21Nakhowk khe Betseba tek pe mih, “En taimow Adonija hown Sunem marowchak Abisag iüah kowi pe tachawngah diah,” pakhai.22Now tawmpa kunmarau hown a-u kowi mang Sawlawmawn klangah mih, “Tawngplawng kowchow Adonija vüi Abisag kowi chekhai en uang lü pe? Aia vüi pren paw uang lü snow! Tawngplawng kowchow panow aia dow ang taimow chekhai. Nami klen kowi uamow Abiathar hai Zerui kowh chapa Joab paw aia pra tawi tangi mih en tuk khowk nadowi bow?” pape khai.23Nami kung kowi CHAKRAMANG ming lüklaula se mang Sawlawmawn tek mih, “Naiawng uang lü ang mih rakowi Adonija kowh asak che ang pawta pe dowi hanow CHAKRAMANG mih rip chamang pacham rip ang lah.24Apa David kowh mang chowm rah kowi pe chowm ang mih hai aia kowh laikham iawng ang vüi mang krungchak thawp ang mih masing CHAKRAMANG ming lüklau se ang takham khowk, Adonija kowi mih ani nakowngta kown,” pakhai.25Nami kung kowi mang Sawlawmawn mih Adonija kowi nakowngta kownkow Jehoiada kowh chapa Benaia kowi peah ana khai, now Benaia mih Adonija kowi saita khai.26Nami kung kowi uamow Abiathar kowi mang tek pe mih, “Abiathar, en dow kowng tataing chekhai. Nachenganchepaw kawmat ang kowngta en kown ang nau dowi tak. Tawngplawng kowchow panow en dow apa David sing uowi reng tak khe kowh CHAKRAMANG kowh sangbowk laitawm tawkpla kawt mih chekhai, now apa kowh akrat pusara maten en tawi kham pe reng chekhai. Naiawng rakowi Anathawt kowi kowh en matia kowh krawng bawn kowi kowplan diah,” pakhai.27Naiawng hai mang Sawlawmawn mih CHAKRAMANG kowh uamow rah Abiathar hownia pawta pe khai. Naiawng hai Silo marow kowi kowh uamow Eli krungchak lawnguan kowi CHAKRAMANG tekah mih dow uang tachi khai bowt.28Nachowng mang kownkow Absalawm kowi tawi khowngah dowi chepaw Joab mih Adonija kowi dow tawi khowngta khai. Naiawng rakowi Adonija kowi mang Sawlawmawn saita khai bowt pami satang tata hanow aia dow CHAKRAMANG kowh taklowp taklangra kowi kowpowt hanow phuchuara nang kowi kowtadowk chen khai.29Now nami satang dow mang Sawlawmawn kowi maru uang tek pe khai bowt. Nakhowk khe Jehoiada kowh chapa Benaia kowi mang peah ana mih, “Kowkowiah now Joab kowi kowsaita dit,” pakhai.30Naiawng rakowi Benaia dow CHAKRAMANG kowh tangbung lak kowi kowkupah now tek pe Joab mih, “Nauang lawt kownkow mang haw en khai,” pakhai.
Nachenganchepaw Joab klangah mih, “Ang uang lawt dowi tham. Mami re-e taih ang kowng kown,” pape khai.
Now Benaia dow aia kowi kowh Joab hawt tek pe mih laiklow mang kowi uang plan tek pe khai.31Nakhowk khe Benaia kowi mang peah ana mih, “Aia tek en iawng aia luk kowi kowchang diah. Aia kowi saita hanow dupah diah. Nahanow angak uowi dowi mih maru kowi Joab saita mih aprek dow ang hai ang kimchakuüa luk kowi nauowi kown nadowi bowt.32Aia sai maru mih sung dow aia kowi CHAKRAMANG napeah kown. Tawngplawng kowchow panow a-pa David tuk dowi iawng aia dow angak uowi dowi mih maru pre ia kowi saita khai. Aia saiah mih maru pre ia dow Israel siphaiuüa kowh aluchow Ner kowh chapa Abner hai Juda siphaiuüa kowh aluchow Jether kowh chapa Amasa iüah chekhai. Kowiüah pre ia dow aia lak-e lang tachi tanawm hai maru lang iung chekhai.33Kowiüah kowi saita mih aprek dow Joab hai aia kowh krungchakuüa luk kowi chowngchowng saksakma pacham uowi reng lah. Nachenganchepaw David hai aia krungchakuüa, now aia kimchakuüa hai aia kowh mang chowm rah luk kowi dow CHAKRAMANG kowh thaulangra chowngchowng saksakma pacham uowi reng lah,” pakhai.34Nahanow Jehoiada kowh chapa Benaia mih kowkowiah hanow Joab kowi kowsaita khai. Now Joab kowi dow süngrüp süngkangma kowi kowh aia kim re-e dupah khai.35Nami kung kowi dow Joab takcha kowi Jehoiada kowh chapa Benaia kowi siphai aluchow rah mang mih peah khai, now uamow Abiathar takcha kowi dow Zadawk kowi mang mih peah uamow rah khai.36Nami kung kowi mang mih nakowhaw Simei kownkow kowchin maru khai. Now Simei uang ting khe mang hawt tek pe mih, “Jerusalem marow kowi kowthawp kim lowk hanow nakowi uowi diah. Akeng kowi mapaw en cham ia kowi kown nadowi.37En che nami hownia lawt kowh Kidrawn lawngrawi klen kowi cham kowi khai hanow en cham kowi mih ni khe en nakowng ngengche kown pami tukah reng diah. En kowng mih aprek dow en matia luk kowi chowtaih nauang ting kown,” pakhai.38Nakhowk khe mang kowi Simei klangah mih, “Mangkri, en tek mih lainowmma iung. En tek iawng ang nachang en kown taih,” pape khai. Nami kung kowi dow Simei mih Jerusalem marow kowi akrama uowi khai.39Nachenganchepaw sum ning kung kowi dow Simei kowh nar pre ia mih Maka kowh chapa Akhis tut-e kowpowt khai. Akhis dow Gat marow mang chekhai. Now Gat marow kowi aia kowh nar pre ia uowi mih satang dow Simei kowi maru uang tek pe khai bowt.40Nakhowk khe Simei mih aia kowh kawrngaramchük luk kowi dau pe uan hanow aia kowh naruüa kowi krawi cham kownkow Gat marow mang Akhis tut-e kowkowi khai. Now nami hownia Simei mih aia kowh naruüa kowi uang plan pawla khai.41Now Jerusalem marow hownia Gat marow kowi kowkowi kowh Simei uang plan mih satang dow akung kowi mang Sawlawmawn kowi maru uang tek pe khai.42Nakhowk khe Simei kowi hawah now mang tek pe mih, “Jerusalem marow hownia lawt kowh akeng kowi en cham kowi khai hanow en nakowng ngengche kown pami CHAKRAMANG ming hown takham khükhü ang tek en khowk nadowi bow? Nakhowk khe en tek ang mih, ‘Lainowmma iung, en tek iawng ang chang kown taih,’ pah nadowi bow?43Naiawng now tawngplawng kowchow CHAKRAMANG tut-e kowh takhamta mih hai ang kowh ana pek en chün dowi?” pakhai.44Nami klen kowi mang plan tek pe Simei mih, “Apa David luk kowi kowh en changta mih angak maten en tuk bowk chekhai. Kawmat dow en kowh lup ngak sung mih CHAKRAMANG nape en kown chowbowt.45Nachenganchepaw mang Sawlawmawn luk kowi dow prasira nauowi reng kown, now David kowh mang chowm rah dow CHAKRAMANG pur kowi anikma nauowi reng kown,” pakhai.46Nami kung kowi dow mang Sawlawmawn mih Simei kowi nasaita kownkow Jehoiada kowh chapa Benaia kowi peah ana khai, now Benaia mih kowkowiah now Simei kowi kowsaita khai bowt.
Naiawng hai Sawlawmawn kowh mangra dow awr khawt ngamlam khai.
Adonija klangah mih, “Ow, saktuak iungma hown chowtaih ang uang. Ang tek en kown mih laiklow uowi ne,” pape khai. Now aia tek kown uowi mih dow Betseba pe tekah khai.15Nakhowk khe Adonija tek pe mih, “Israel pren kowi nachowm mang kown mih ang chowdiah pami en tuk. Israeluüa maten dow ang nachowm mang kown mih nauta bowk chowdiah. Nachenganchepaw naiawng phaw dowi kowi Israel pren kowi chowm mang mih dow ang naumow chekhai. Tawngplawng kowchow panow nami dow CHAKRAMANG nauah kowh chekhai.16Now kawmat ang tek en lai lowk kown ang nau. Sakrauma hown ang tek en iawng chang ang diah,” pakhai.
Now Betseba dow aia tek kown nau mih pe tekah khai.17Nakhowk khe Adonija tek pe mih, “Sunem marowchak Abisag hown nape tachawng ang kownkow mang Sawlawmawn kowi tek pe dit. En laiklow dow aia nakuakta en kown nadowi,” pape khai.18Now Betseba klangah mih, “Iung chow. Nami lawnguan kowi mang kowi ang natek pe kown taih,” pape khai.19Naiawng rakowi Adonija kowh lawnguan mang Sawlawmawn kowi natek pe kownkow Betseba kowkowi khai bowt. Nakhowk khe mang Sawlawmawn mih awr rü hanow a-u kowi chupah khai, now aia kowh mang chowm rah kowi chowm khai. Nakhowk khe mang mih a-u vüi cham paw pe chowm rah lowk hanow aia hawmlawm prakowi pe chowmah khai.20Nakhowk khe mang Sawlawmawn kowi a-u tek pe mih, “Ang lü en kown mih uowi pachap. Sakrauma hown hauang kuak ang lai diah,” pakhai.
Mang klangah mih, “Tek bowt au. En kowh laiklow ang kuak en dowi tham,” pape khai.21Nakhowk khe Betseba tek pe mih, “En taimow Adonija hown Sunem marowchak Abisag iüah kowi pe tachawngah diah,” pakhai.22Now tawmpa kunmarau hown a-u kowi mang Sawlawmawn klangah mih, “Tawngplawng kowchow Adonija vüi Abisag kowi chekhai en uang lü pe? Aia vüi pren paw uang lü snow! Tawngplawng kowchow panow aia dow ang taimow chekhai. Nami klen kowi uamow Abiathar hai Zerui kowh chapa Joab paw aia pra tawi tangi mih en tuk khowk nadowi bow?” pape khai.23Nami kung kowi CHAKRAMANG ming lüklaula se mang Sawlawmawn tek mih, “Naiawng uang lü ang mih rakowi Adonija kowh asak che ang pawta pe dowi hanow CHAKRAMANG mih rip chamang pacham rip ang lah.24Apa David kowh mang chowm rah kowi pe chowm ang mih hai aia kowh laikham iawng ang vüi mang krungchak thawp ang mih masing CHAKRAMANG ming lüklau se ang takham khowk, Adonija kowi mih ani nakowngta kown,” pakhai.25Nami kung kowi mang Sawlawmawn mih Adonija kowi nakowngta kownkow Jehoiada kowh chapa Benaia kowi peah ana khai, now Benaia mih Adonija kowi saita khai.26Nami kung kowi uamow Abiathar kowi mang tek pe mih, “Abiathar, en dow kowng tataing chekhai. Nachenganchepaw kawmat ang kowngta en kown ang nau dowi tak. Tawngplawng kowchow panow en dow apa David sing uowi reng tak khe kowh CHAKRAMANG kowh sangbowk laitawm tawkpla kawt mih chekhai, now apa kowh akrat pusara maten en tawi kham pe reng chekhai. Naiawng rakowi Anathawt kowi kowh en matia kowh krawng bawn kowi kowplan diah,” pakhai.27Naiawng hai mang Sawlawmawn mih CHAKRAMANG kowh uamow rah Abiathar hownia pawta pe khai. Naiawng hai Silo marow kowi kowh uamow Eli krungchak lawnguan kowi CHAKRAMANG tekah mih dow uang tachi khai bowt.28Nachowng mang kownkow Absalawm kowi tawi khowngah dowi chepaw Joab mih Adonija kowi dow tawi khowngta khai. Naiawng rakowi Adonija kowi mang Sawlawmawn saita khai bowt pami satang tata hanow aia dow CHAKRAMANG kowh taklowp taklangra kowi kowpowt hanow phuchuara nang kowi kowtadowk chen khai.29Now nami satang dow mang Sawlawmawn kowi maru uang tek pe khai bowt. Nakhowk khe Jehoiada kowh chapa Benaia kowi mang peah ana mih, “Kowkowiah now Joab kowi kowsaita dit,” pakhai.30Naiawng rakowi Benaia dow CHAKRAMANG kowh tangbung lak kowi kowkupah now tek pe Joab mih, “Nauang lawt kownkow mang haw en khai,” pakhai.
Nachenganchepaw Joab klangah mih, “Ang uang lawt dowi tham. Mami re-e taih ang kowng kown,” pape khai.
Now Benaia dow aia kowi kowh Joab hawt tek pe mih laiklow mang kowi uang plan tek pe khai.31Nakhowk khe Benaia kowi mang peah ana mih, “Aia tek en iawng aia luk kowi kowchang diah. Aia kowi saita hanow dupah diah. Nahanow angak uowi dowi mih maru kowi Joab saita mih aprek dow ang hai ang kimchakuüa luk kowi nauowi kown nadowi bowt.32Aia sai maru mih sung dow aia kowi CHAKRAMANG napeah kown. Tawngplawng kowchow panow a-pa David tuk dowi iawng aia dow angak uowi dowi mih maru pre ia kowi saita khai. Aia saiah mih maru pre ia dow Israel siphaiuüa kowh aluchow Ner kowh chapa Abner hai Juda siphaiuüa kowh aluchow Jether kowh chapa Amasa iüah chekhai. Kowiüah pre ia dow aia lak-e lang tachi tanawm hai maru lang iung chekhai.33Kowiüah kowi saita mih aprek dow Joab hai aia kowh krungchakuüa luk kowi chowngchowng saksakma pacham uowi reng lah. Nachenganchepaw David hai aia krungchakuüa, now aia kimchakuüa hai aia kowh mang chowm rah luk kowi dow CHAKRAMANG kowh thaulangra chowngchowng saksakma pacham uowi reng lah,” pakhai.34Nahanow Jehoiada kowh chapa Benaia mih kowkowiah hanow Joab kowi kowsaita khai. Now Joab kowi dow süngrüp süngkangma kowi kowh aia kim re-e dupah khai.35Nami kung kowi dow Joab takcha kowi Jehoiada kowh chapa Benaia kowi siphai aluchow rah mang mih peah khai, now uamow Abiathar takcha kowi dow Zadawk kowi mang mih peah uamow rah khai.36Nami kung kowi mang mih nakowhaw Simei kownkow kowchin maru khai. Now Simei uang ting khe mang hawt tek pe mih, “Jerusalem marow kowi kowthawp kim lowk hanow nakowi uowi diah. Akeng kowi mapaw en cham ia kowi kown nadowi.37En che nami hownia lawt kowh Kidrawn lawngrawi klen kowi cham kowi khai hanow en cham kowi mih ni khe en nakowng ngengche kown pami tukah reng diah. En kowng mih aprek dow en matia luk kowi chowtaih nauang ting kown,” pakhai.38Nakhowk khe mang kowi Simei klangah mih, “Mangkri, en tek mih lainowmma iung. En tek iawng ang nachang en kown taih,” pape khai. Nami kung kowi dow Simei mih Jerusalem marow kowi akrama uowi khai.39Nachenganchepaw sum ning kung kowi dow Simei kowh nar pre ia mih Maka kowh chapa Akhis tut-e kowpowt khai. Akhis dow Gat marow mang chekhai. Now Gat marow kowi aia kowh nar pre ia uowi mih satang dow Simei kowi maru uang tek pe khai bowt.40Nakhowk khe Simei mih aia kowh kawrngaramchük luk kowi dau pe uan hanow aia kowh naruüa kowi krawi cham kownkow Gat marow mang Akhis tut-e kowkowi khai. Now nami hownia Simei mih aia kowh naruüa kowi uang plan pawla khai.41Now Jerusalem marow hownia Gat marow kowi kowkowi kowh Simei uang plan mih satang dow akung kowi mang Sawlawmawn kowi maru uang tek pe khai.42Nakhowk khe Simei kowi hawah now mang tek pe mih, “Jerusalem marow hownia lawt kowh akeng kowi en cham kowi khai hanow en nakowng ngengche kown pami CHAKRAMANG ming hown takham khükhü ang tek en khowk nadowi bow? Nakhowk khe en tek ang mih, ‘Lainowmma iung, en tek iawng ang chang kown taih,’ pah nadowi bow?43Naiawng now tawngplawng kowchow CHAKRAMANG tut-e kowh takhamta mih hai ang kowh ana pek en chün dowi?” pakhai.44Nami klen kowi mang plan tek pe Simei mih, “Apa David luk kowi kowh en changta mih angak maten en tuk bowk chekhai. Kawmat dow en kowh lup ngak sung mih CHAKRAMANG nape en kown chowbowt.45Nachenganchepaw mang Sawlawmawn luk kowi dow prasira nauowi reng kown, now David kowh mang chowm rah dow CHAKRAMANG pur kowi anikma nauowi reng kown,” pakhai.46Nami kung kowi dow mang Sawlawmawn mih Simei kowi nasaita kownkow Jehoiada kowh chapa Benaia kowi peah ana khai, now Benaia mih kowkowiah now Simei kowi kowsaita khai bowt.
Naiawng hai Sawlawmawn kowh mangra dow awr khawt ngamlam khai.
The Seed Company