1 Manguüa3
1Sawlawmawn dow Aigupta pren kowi kowh mang chama kowi pawah khai, now Aigupta pren mang hown chang auiua khai. Now mang Sawlawmawn mih aia kowh kim, CHAKRAMANG kowh kim hai Jerusalem marow tapat lut krawi ia chang tap dowi mowr amasi kowi David marow kowi towah khai.2Nami khin khe paw CHAKRAMANG kowh kim uowi dowi tak rakowi maru-uüa mih arah kroma mih kowi kowh chupiiara kowi tawncher hown chang phuchua pawi reng tak chekhai.3Sawlawmawn dow CHAKRAMANG kowi sakrauah khai. Naiawng rakowi aia dow a-pa David kowh ana pek iawng chang reng chekhai. Tawkchedow aia paw arah kroma mih kowi kowh chupiiara kowi tawi chang phuchua khai, now nam iungma mih maikhük tawi towk khai.4Akat khe mang Sawlawmawn mih tawncher hown chang phuchua pawi kownkow Gibeawn marow kowi kowkowi khai. Tawngplawng kowchow panow nami khin khe kowh tawncher phuchuara kowi lang kri mih dow Gibeawn kowi kowh alowngma mih arah chekhai. Nakowi mang Sawlawmawn mih tawncher 1,000 pum hown tikah mih uanap chang khai.5Gibeawn marow kowi uowi khe uar-e mang lak kowi Sawlawmawn tut-e CHAKRAMANG uang tatüng khai. Sawlawmawn kowi CHAKRAMANG tek pe mih, “Lowra sia ang tut-e en awr lü mih ang nape en kown,” pakhai.6Nakhowk khe Sawlawmawn klangah mih, “En kowh nar David kowi en kowh achur uowi dowi mih sakraura ahuma en tüng pe khai. Tawngplawng kowchow panow aia dow en kaah sakowm iawng uowi en reng chekhai, now achi anawmma hai anowmma mih maru chekhai. Ani mih aia kowh mang chowm rah kowi nachowm kownkow aia kowi dow en peah chapa lowk ia khai. Naiawng hown aia luk kowi dow achur uowi dowi mih sakraura en tüng pe reng khai.7“Aw CHAKRAMANG ang kowh Thurai, ang dow en kowh nar chowtaih. Nachenganchepaw apa takcha kowi kawmat mih en pe chowm ang mang khai. Nachenganchepaw ang dow ning diachow taih tak chekhai. Naiawng rakowi tawng chow achang takla mih tawngpaw ang tuk dowi tak.8Makowi en kowh nar mih en kloah mih maru-uüa pungmadawng kowi tawi uowi khai. En kloah mih maru-uüa dow chenchap aiukma chekhai; amatni dow aiun nowng rüaah dowi mowr kawm khai.9Naiawng rakowi en kowh maru-uüa kowi nakruitownla kownkow hai aiung angak naia tukla kownkow en kowh nar kowi peah chanlaira diah. Tawngplawng kowchow panow maiawng khowt kawm mih en kowh maru-uüa kowi nowng kruitown mih dow miapaw uowi dowi chekhai,” pakhai.10Now chanlaira chowtaih Sawlawmawn awr lü mih kowi CHAKRAMANG dow hawt awmrawm pe khai.11Sawlawmawn kowi CHAKRAMANG tek pe mih, “Chowngdawng sakklangra, kowmatia vüi dawngthawnguan hai kowmatia ransu-uüa piakra en lü dowi kowi nachetla tara nowm kown mih vüi chanlaira chowtaih en lü khai.12Naiawng rakowi en lüah mih sia ang nape en kown. Tukra hai chanlaira ang peta en khowk. Naiawng rakowi en dowi rawn paw en iawng mih miapaw uowi dowi tak, now en kung kowi paw en iawng mih miapaw nauowi kown nadowi.13Nami klen kowi en lüah dowi mih sia paw ang pela en khowk. Dawngthawnguan hai kri kraingra paw ang pela en khowk. Naiawng rakowi en chownglawng kowi kowh manguüa dow en hown tale mih miapaw nauowi kown nadowi.14En pa David iawng en che ang kowh ari aiang hai rirow chün khai, now ang tiama kowi mang khai hanow chowngdawng sakklangra paw ang nape en kown,” pakhai.15Nami kung kowi dow Sawlawmawn mih awr rü müi khai, now nami dow uarmang kowi aia khi-ah mih taih padow tuk khai.
Akung kowi Sawlawmawn mih Jerusalem marow kowi kowplan hanow CHAKRAMANG kowh sangbowk laitawm tawkpla re-e kowiowng khai. Now tawncher hown tikah mih uanap hai taking tasangra uanap pawi aia kowchang khai. Nami kung kowi dow aia kowh maru iukuüa maten vüi aia thak pawi khai.16Akat khe chawkkrawma pre ia mih uangah hanow mang Sawlawmawn pur kowi uang iowng khai.17Now lowk ia mih tek pe mang mih, “Aw ang kowh mangkri, mami masiuüa angching dow pakimsang taiua uowi mih chekhai. Angching taiua uowi khe ang pen kachakuüa chah lowk ia.18Now ang chapa pen mih sum ni kung kowi aia paw pen kachakuüa chah lowk ia khai. Nami kim kowi dow angching klen kowi miapaw uowi dowi chekhai.19“Mami masiuüa dow uar-e amüi khe achah kowi nümta kowh kowngta khai.20Now uar-e ang müi thüm khe mami masiuüa mih ang kowh chapa kowi uang pawta khai, now aia kowh chapa uak mih ang ria kowi ta iüala hüah khai.21Now rau prakowi iawn nau kownkow ang awr rü mih khin khe ingcha akowngma mih ang tuk khai. Now uarthowi khe anowi kowi ang müah kaneu pache nami chah dow ang kowh nadowi pami ang tuk khai,” pakhai.22Nakhowk khe alowk mih masiuüa tek mih, “Ü, na kown chowbowt! Sing uowi mih taih ang kowh chah; kowng mih en kowh chah chowlowbow!” pakhai.
Nachenganchepaw rik tek lai mih masiuüa atünma tek pe mih, “Na kown chowbowt, kowng mih taih en kowh chah; sing uowi mih ang kowh chah taih,” pakhai. Naiawng hai amatchi dow mang pur kowi taüa iüah khai.23Nakhowk khe mang tek mih, “Nami tek mih, ‘Sing uowi mih ang kowh chah taih, kowng mih paimi kowh chah chowlowbow,’ pakhai. Now paimi paw tek mih, ‘Na kown chowbowt. Kowng mih paimi kowh chah chowlowbow, ang kowh chah dow sing uowi mih taih,’ pakhai.24Naiawng rakowi uang pawla ang saidawng lowk madiah,” pakhai.
Nahanow mang kowi uang pawla pe saidawng lowk khai.25Nakhowk khe mang pe ana mih, “Sing uowi mih chah kowi dungah pre dung diah. Now mami kowi dawnglang, paimi kowi dawnglang peah diah,” pakhai.26Nakhowk khe sing uowi mih chah kowh u ching dow achah kowi lainowmma sanaah khai. Naiawng rakowi aia tek pe mang mih, “Aw ang kowh mangkri, sakrauma hown nami chah mih nami masiuüa kowi peta towbowt. Nami chah kowi hangkow saita diah,” pakhai. Tawkche alowk mih masiuüa tek mih, “Nami chah dow nami masiuüa paw hang paka lah; ang paw hang paka lah. Dungta bowt,” pape khai.27Nakhowk khe mang tek mih, “Hangkow dungta diah! Sing uowi mih chah nami masiuüa kowi peah diah. Nami chah kowh u ching dow nami masiuüa chowtaih,” pape khai.28Naiawng mang Sawlawmawn chet tara mih tata hanow Israeluüa maten mih mang kowi lainowmma ringkawah khai bowt. Tawngplawng kowchow panow aia kowi dow nachetla tara nowm kown mih chanlaira Thurai peah pami tuk büah khai.
Akung kowi Sawlawmawn mih Jerusalem marow kowi kowplan hanow CHAKRAMANG kowh sangbowk laitawm tawkpla re-e kowiowng khai. Now tawncher hown tikah mih uanap hai taking tasangra uanap pawi aia kowchang khai. Nami kung kowi dow aia kowh maru iukuüa maten vüi aia thak pawi khai.16Akat khe chawkkrawma pre ia mih uangah hanow mang Sawlawmawn pur kowi uang iowng khai.17Now lowk ia mih tek pe mang mih, “Aw ang kowh mangkri, mami masiuüa angching dow pakimsang taiua uowi mih chekhai. Angching taiua uowi khe ang pen kachakuüa chah lowk ia.18Now ang chapa pen mih sum ni kung kowi aia paw pen kachakuüa chah lowk ia khai. Nami kim kowi dow angching klen kowi miapaw uowi dowi chekhai.19“Mami masiuüa dow uar-e amüi khe achah kowi nümta kowh kowngta khai.20Now uar-e ang müi thüm khe mami masiuüa mih ang kowh chapa kowi uang pawta khai, now aia kowh chapa uak mih ang ria kowi ta iüala hüah khai.21Now rau prakowi iawn nau kownkow ang awr rü mih khin khe ingcha akowngma mih ang tuk khai. Now uarthowi khe anowi kowi ang müah kaneu pache nami chah dow ang kowh nadowi pami ang tuk khai,” pakhai.22Nakhowk khe alowk mih masiuüa tek mih, “Ü, na kown chowbowt! Sing uowi mih taih ang kowh chah; kowng mih en kowh chah chowlowbow!” pakhai.
Nachenganchepaw rik tek lai mih masiuüa atünma tek pe mih, “Na kown chowbowt, kowng mih taih en kowh chah; sing uowi mih ang kowh chah taih,” pakhai. Naiawng hai amatchi dow mang pur kowi taüa iüah khai.23Nakhowk khe mang tek mih, “Nami tek mih, ‘Sing uowi mih ang kowh chah taih, kowng mih paimi kowh chah chowlowbow,’ pakhai. Now paimi paw tek mih, ‘Na kown chowbowt. Kowng mih paimi kowh chah chowlowbow, ang kowh chah dow sing uowi mih taih,’ pakhai.24Naiawng rakowi uang pawla ang saidawng lowk madiah,” pakhai.
Nahanow mang kowi uang pawla pe saidawng lowk khai.25Nakhowk khe mang pe ana mih, “Sing uowi mih chah kowi dungah pre dung diah. Now mami kowi dawnglang, paimi kowi dawnglang peah diah,” pakhai.26Nakhowk khe sing uowi mih chah kowh u ching dow achah kowi lainowmma sanaah khai. Naiawng rakowi aia tek pe mang mih, “Aw ang kowh mangkri, sakrauma hown nami chah mih nami masiuüa kowi peta towbowt. Nami chah kowi hangkow saita diah,” pakhai. Tawkche alowk mih masiuüa tek mih, “Nami chah dow nami masiuüa paw hang paka lah; ang paw hang paka lah. Dungta bowt,” pape khai.27Nakhowk khe mang tek mih, “Hangkow dungta diah! Sing uowi mih chah nami masiuüa kowi peah diah. Nami chah kowh u ching dow nami masiuüa chowtaih,” pape khai.28Naiawng mang Sawlawmawn chet tara mih tata hanow Israeluüa maten mih mang kowi lainowmma ringkawah khai bowt. Tawngplawng kowchow panow aia kowi dow nachetla tara nowm kown mih chanlaira Thurai peah pami tuk büah khai.
The Seed Company