1 Timothy5
1Ei ru nhăng dơk ta băl tlơ tlau ram năm, ƀê̆ dăh ăn čhôl trôt hên klăh di bap tơm, băl drôh nu ăn mhŏ klăh di ŏh mi iên,2băl u ur ram năm ăn dlăng klăh di mei, jêh iên ur drôh ăn dlăng klăh di rôh mei, mŏng pơp ngôr ƀrăh nư̆m nơn.3Ăn mpŭ ta băl ur ndrau — jêng băl ndrau ngơ ngăn.4Ndă di mau băl ur ndrau hên mau kuôn mdăh mau so, luôr hĭn ăn kuôn so hên tơm riêm gư̆t mpŭ ta nêh mŏng hih nhăk hên tơm, jêh iên lăm ƀlang nuih nhăm gư̆t kăh tôr ta nêh bă ruông hư̆n, bơ yơng pơp ho geh găl ta măt Yang Trôk.5Ƀê̆ dăh, nêh ndrau ngơ ngăn jêh iên čuôm gu gŭk dêh ju nau, hư̆n ăn kăp găn mŏng Yang Trôk jêh iên gŭk kjăp mŏng pơp gir dăn jêh iên kuôl dăn măng lo nar.6Bơ nêh tư̆ng juôi pơp brêh pliă plia hư̆n jêng băl jêh khư̆t ru, khă hôm brêh tŭ mơh.7Ăt ăn têh sơm pơp tơ tă ho, no di hên so lŏ hôm mau tŭk dơi ƀuăh ñjăm ôh.8Ƀê̆ dăh ndă mau nêh so ruông năk găp pôl tơm, jêh iên luôr hĭn jêng nêh mŏng hih nhăk tơm, kơt iên nêh hư̆n jêh ndrŏh pơp đăo jêh iên jêng nêh kjham hĭn ta nêh so đăo.9Čuôm gu čih đơ năn ur ndrau dŏng băh pro jăt năm iêu tŏng tê̆, jêng ur ta ju nau sai,10dơi nai so klă mŏng grăp bruă găl: de ruông năk ŏh kuôn mơh, de gư̆t ruôm năč mơh, de tuôm rao jŏng băl đăo mơh, de đru dŏng băl knap mñai mơh, de tuôm mhŏ bruă găl ta lĕ nuih nhăm mơh.11Ƀê̆ dăh ei ru čih năn đơ băl ur ndrau hôm ndôl, bơ yơng jai ĕh dŏk pơp tluh ƀô băh nuih nhăm ĕh tăm dăng ta Yang Tŏng Tlĕh, mông hư̆n hên khơñ wêh gŭk sai hư̆t,12sŏk dơn pơp phat dôih bơ yơng hên ndrŏh lat pơp jêh hên ƀuôn băh mhei bôk.13Jêh hư̆n, hên krĕh mưng gŭk gai, rơng băh hih ho lo hih tŏ, jêh iên so mau băh gu jêng nêh a leh ôh, ƀê̆ dăh hên krĕh têh bro jêh iên lŏ wêh sơ su bruă nai di, hên ngơi pơp so năng ngơi.14Hư̆n yơh, ăñ khơñ băl ur ndrau hôm ndôl ăn tăm sai, bă kuôn, ruông năk hih nhăk hên tơm, no di so ăn mông găl ta băl rŏh mau pơp hêr mưč.15Bơ yơng mau ƀơ ƀă nêh jêh hên tăm jăh hui gre Sa-tan ru.16Ndă di băl u ur đăo mau nêh ndrau mŏng hih, ăn đru dŏng pŏng hên, jêh iên ei ru ăn lăm jŏk Pôl Ƀrăh, no di Pôl Ƀrăh dơi đru dŏng băl ndrau ngơ ngăn.17Đơ băl khua u rañ nă kĕ kriê ăn băn mpŭ ta hên ŏk hĭn, luôr hĭn jêng nêh ăr măh mŏng pơp têh sơm pơp Yang Trôk ngơi jêh iên pơp tơ ti lăh.18Bơ yơng Ră Ƀrăh tơ ti: “Me so dơi trư̆p mbung ndrôk jăng jai ĕh juôt ba,” jêh iên “Nêh mhŏ bruă năng ta prăk khôm hên di.”19Ei ru dơn pơp nai kčŭt tăm dăng ta ju nau mŏng khua u rañ, ndă di so mau bar mdăh pei nau nêh nư̆k ta bruă hư̆n.20Ăn ƀuăh ñjăm nêh mhŏ tih ta măt ŏk nêh no di băl dŏng iên hên gư̆t bhŭng ya.21Ăñ khơñ tơ ti lăh me ta măt Yang Trôk jêh iên Yang Tŏng Tlĕh Yê-su, wăt ta băl myang jêh săč ruăh, kơt iêu ăn me ñôt lĕ mơt pơp tơ tă hư̆n jêh iên so mau pơp hao nuih, so dơi mhŏ hui nuih nhăm tơm ôh.22Man tan bi ti ta ju nau nêh, ăt so dơi sơ su ta pơp tih nêh dơ dêh ya. Ăn ñăt săk jăn tơm mŏng pơp ƀrăh ngôr.23Me ei ru băh gu ñêt dak, ƀê̆ dăh ăn yua dŏng nê̆ nơm yơng băh khŭng me jêh iên grăp pơp ji me krĕh gir.24Pơp tih ƀơ ƀă nêh jêh klă ru, ĕh lăm ndơp trôh ta tŭk phat dôih, ƀê̆ dăh ăt mau mơh pơp tih jêh nai phat dôih kăh ĕh lăm pơl.25Ăt iên ya, ăt mau ŏk bruă găl dơi so rŏk, jêh iên mau bruă găl so dơi so ôh trôh ta kơi ăt so dơi srôm ya.
FAR EAST BROADCASTING COMPANY