Пс104
1Чаплыза Господьым, лӱмжым ӱжын кумалза,калык-шамыч коклаште Тудын пашаж-влакым каласкалыза.2Тудым чаплыза, Тудлан мурыза,Тудын чыла ӧрыктарыше пашаж-влак нерген ойлыза.3Тудын святой лӱмжӧ дене кугешныза,Господьым кычалше шӱм-влак тек куанат.4Кычалза Господьым да Тудын вийжым,кычалза Тудын чурийжым эре.5Те, Авраам тарзыжын тукымжо,Иаковын эргыже-влак, Тудын ойырен налмыже-влак!Тудын ӧрыктарыше пашаж-влакым,палдарыше пале ден увертарыме судшо-влакым шарныза.7Тудо – мемнан Господь Юмына,чыла вере мландымбалне судым ышта.8Курымеш шарна Тудо шке ойпидышыжым,тӱжем тукымлан пуымо мутшым,9Авраам дене ыштыме ойпидышыжым,Исааклан пуымо товатмутшым.10Иаковлан тидым закон семын,Израильлан курымаш ойпидыш семын пеҥгыдемден.11Тудо каласен: «Ханаан мландым тыланда пуэм,тудо озаланен илыме мландыда лиеш».12Тунам Израиль калык пеш шагал улмаш,да нуно тушто ӧрдыж гыч толшо лийыныт,13ик калык деч вес калык деке,ик кугыжаныш гыч вес кугыжанышыш кусныл коштыныт.14Но Тудо нуным нигӧлан шыгыремдаш пуэн огыл,нунын шотышто кугыжа-влаклан шижтарен ойлен:15«Шӱрен палемдыме-влакем ида тӱкӧ,пророк-влакемлан осалым ида ыште».16Ты мландыш Тудо колтен шужымашым,нуным кинде деч посна коден.17Нунын деч ончыч колтен ик еҥым:Иосиф кул семын ужалыме лийын.18Тудын йолжым шинчырленыт,шӱйышкыжӧ кӱртньӧ кепшылым чиктеныт,19но жап шуын – Юмын мутшо шукталтын.Тыге Господьын шомакше тудын чын улмыжым ончыктен.20Кугыжа кӱштен, да Иосифым руденыт,калык-влакым вуйлатыше тудым эрыкыш луктын.21Тудо Иосифым шке пӧртшын тӱҥ тӧражлан,уло погыжын озажлан шогалтен.22Иосиф тӧра-влакым шонымыж семын виктарен шогышаш,кугурак-шамычым мунлылыклан туныктышаш улмаш.23Тунам Израиль Египетыш толын,Хам мландышке Иаков илаш куснен.24Юмо шке калыкшым чот шукемден,тушманышт деч виянракым ыштен.25Тыге Господь египтян-влакын шӱмыштыштшке калыкше дек ужмышудымашым шочыктен,да нуно Тудын тарзыж-влак ваштарешосал чоялыкым ышташ тӱҥалыныт.26Но Господь шке Моисей тарзыжымда Аароным, ойырен налме еҥжым, колтен.27Египтян-шамыч коклаште нуноТудын палдарыше палыж-влакым ончыктеныт,ӧрыктарыше паша-влакым Хам мландыште ыштеныт.28Тӱп пычкемышым Тудо колтен,Моисей ден Аарон Тудын шомакшылан торешланен огытыл.29Савырен нунын вӱдыштым вӱрыш,да чыла кол пытен.30Ужава-влак дене мландышт темын,пуреныт нуно кугыжан малыме пӧлемышкат.31Господь кӱштен – пеш шуко пормо толын темын,мланде мучко ӱвыра шарлен.32Йӱр олмеш ӱмбакышт шолемым йоктарен,йӱлатыше тулым мландышкышт колтен,33виноград ден смоква пушеҥгыштым пытарен,мланде мучко чыла пушеҥгым пудыртен.34Господь кӱштен – толын лектыныт шурнышырчык-влак,шотлен пытараш лийдыме шукш-влак.35Нунын мландыште чыла кушкылым пӧжгеныт,пасушто чыла лектышым кочкын пытареныт.36Мландыштышт Тудо чыла кугэргым пуштын –пӧръеҥ вийын икымше саскажым пытарен.37Израиль калыкым тушеч ший да шӧртньӧ дене луктын,тудын тукымлаштыже лийын огыл ик черлат.38Израиль кайымылан Египет йывыртен,вет Израиль деч тудо лӱдын.39Господь нуным пыл дене леведын,йӱдым волгалтараш тулым колтен.40Нуно йодыныт – пулдырчо-влакым колтен,кавасе киндым нунылан пукшен.41Шелын кӱ курыкым – вӱд йоген лектын,эҥер семын тудо кукшо верыште йоген.42Тудо шке святой шомакшым,Авраам тарзыжлан пуымо мутшым, шарналтен43да шке калыкшым йывыртымаш дене,ойырен налмыже-влакым куан дене луктын.44Пуэн нунылан вес калык-влакын мландыштым,весе-влакын паша лектышыштым нуно налыныт.45Нуно Тудын законжым шотлышаш,кӱштымашыже-влакым шуктен шогышаш улыт.Аллилуия!
Institute for Bible Translation, Finland