Иер21
1Теве Иеремийлан Господьын шомакше, кунам Седекий кугыжа тудын дек Пашхурым, Малхий эргым, да иерей Софонийым, Маасейын эргыжым, тыге каласаш колтен:2«Господь деч мыланна каҥашым йод, вет Вавилон кугыжа Навуходоносор мемнан ваштареш сарым тӱҥалын. Ала Господь мыланна ончычсо семын иктаж-могай ӧрыктарыше пашам ышта, да Навуходоносор мемнан деч кораҥ кая».3Иеремий нунылан вашештен: «Седекийлан тыге каласыза:4”Господь, Израильын Юмыжо, тыге ойла: Вавилон кугыжа дене да ола пырдыжым авырен налше халдей-влак дене кредалме саргуралдам Мый шкендан ваштареш савырем да тиде ола покшелне чумырем.5Тендан ваштареш Мый Шкеак кредалаш тӱҥалам – нӧлталме виян кидем дене, пеш чот сырымем дене, кугу шыдем дене!6Мый тиде олаште чыла чонаным пытарем: еҥ-влакымат, вольыкымат – нуно шучко чер деч колат.7Тидын деч вара Иуда кугыжа Седекийым, тарзыже-влакым, калыкшым – тиде олаште шучко чер, керде да шужымаш деч илен кодшо-влакым – Мый Вавилон кугыжа Навуходоносор кидыш да чоныштым кычалше тушман кидыш пуэм, – ойла Господь. – Вавилон кугыжа нуным ок серлаге, ок чамане – керде дене руэн пуштеш”.8Тиде калыклан каласе: ”Тыге ойла Господь: Мый тыланда илыш корным але колымаш корным ойырен налаш пуэм.9Кӧ тиде олаште кодеш – керде, шужымаш да шучко чер деч кола, а кӧ лектеш да авырен налше халдей-влак кидыш шкенжым пуа – чонжым арален кода, илаш тӱҥалеш.10Вет Мый шке чурием тиде ола ӱмбак савырем – тудлан тиде сайым огыл, а ойгым конда, – ойла Господь. – Тудо Вавилон кугыжа кидыш пуымо лиеш, а тудыжо олам йӱлалта”.11Иуда кугыжа тукымлан каласе:Колышт Господьын шомакшым,12Давид тукым! Господь тыге ойла:”Кажне кечын судым ыштыза,пызырналт илыше еҥым орландарышын кидше деч утарыза,уке гын чыла осал пашаланда кӧраМыйын шыдем тул семын ылыжеш да йӱлаш тӱҥалеш,нигӧ тудым йӧртен огеш керт.13Лапверыште илыше, тӧрверын кӱ курыкшо!Мый тыйын ӱмбакет толам, – ойла Господь. –Тендан ӱмбак толам, тыге ойлышо-влак:’Кӧ мемнан ӱмбак лектеш,кӧ пӧртышкына керылт пура?’14Пашадан саскаже почеш Мый тыланда мутым кучыктем, –ойла Господь. –Чодыраштыда Мый тулым ылыжтем:мо йырым-йыр уло, тудо чыла пытара!”»
Institute for Bible Translation, Finland