Иер22
1Господь тыге каласен: «Иуда кугыжан полатышкыже кай да тушто тыгай шомакым каласе:2”Колышт Господьын шомакшым, Давидын престолыштыжо шинчыше Иуда кугыжа – тый, тарзет-влак да тыйын калыкет, кӧмыт тиде капка гоч коштыт.3Господь тыге ойла: чын суд ден чын пашам ыштыза, пызырналт илыше еҥым орландарышын кидше деч утарыза. Йот тукым еҥым, тулык йочам да тулык ватым ида шыгыремдыл, ида темде, титакдыме вӱрым тиде верыште ида йоктаре.4Чыла тидым шуктен шогеда гын, Давидын престолыштыжо шинчыше кугыжа-влак орва ден имньышт ӱмбалне тиде полатын капкаж гоч ончыкшымат пурен кошташ тӱҥалыт – нуно шкешт, тарзышт да калыкышт.5А нине шомакым огыда колышт гын, Шкем дене товатлем, – ойла Господь, – тиде полатда шалатыме лиеш”.6Вет Иуда кугыжан полатше нерген Господь тыге ойла:Тый Мыланем Галаад, Ливан курык вуй гай сӧрал улат.Но Мый тыйым ир мландыш,еҥ-влак илыдыме олаш савырем.7Мый тыйын ӱмбакет пытарыше-влакым колтем,кажныже шке саргуралже дене лиеш.Нуно эн сай кедр-влакетым руат да тулыш кудалтат.8Тиде ола воктеч тӱрлӧ калык эртен каяш тӱҥалеш, нуно икте-весышт деч йодыт: ”Молан Господь тиде кугу ола дене тыге ыштен?”9Вашмут тыгай лиеш: ”Нуно Господь Юмыштын ойпидышыжым пудыртеныт, йот юмо-влаклан кумалаш да служитлаш тӱҥалыныт”.10Колышо верч ида шорт, ида ойгыро.Лучо пленыш наҥгайыме верч кочын шортса,вет тудо тетла мӧҥгеш ок пӧртыл,шочмо мландыжым ок уж».11Вет Иуда кугыжа Шаллум, Иосий эрге, нерген – тудо шке ачаж деч вара кугыжаланен да тышеч наҥгайыме лийын – Господь тыге ойла: «Тудо тышке ок пӧртыл,12но пленыш наҥгайыме верыште кола, тиде мландым тетла ок уж.13Ойго тудлан, кӧ шке пӧртшым чындымылык дене,кӱшыл пӧлемже-влакым закондымылык дене чоҥа,лишылъеҥже-шамычым яра ыштыкта,пашадарым ок тӱлӧ.14Тудо ойла: ”Шкаланем кугу пӧртым,йоҥгыдо кӱшыл пӧлеманым, чоҥем”.Окна-влакым шкаланже ышта,кедр дене комыжла, йошкар чия дене чиялта.15Мо, кедр дене чоҥымо полатыште илыметтыйым кугыжам ышта шонет?Тыйын ачат кочкын да йӱын,но чын суд ден чын пашам ыштен,сандене тудын дене чыла сай лийын.16Тудо йорло ден незерын пашаштым тӱткын шымлен,садланак тудын дене сай лийын.Тыге ыштымыже Мыйым палымым ок ончыкто мо? – ойла Господь. –17Но тыйын шинчат ден шӱмет сутланат,лач шкаланет пайдам кычалыт,титакдыме вӱрым йоктараш,весе-влакым темдаш, шыгыремдаш шонат!18Сандене Иуда кугыжа Иоаким, Иосий эрге, нерген Господь тыге ойла:”Огыт шорт тудын шотышто, тыге ойлен:’Ох, изаем!’ але ’Ох, акаем!’Огыт шорт тудын шотышто, тыге ойлен:’Ох, мемнан озана! Ох, кугу кугыжана!’19Осёлым тойымо семын тудым тоят:шӱдырен луктыт ола гыч,Иерусалим капка деч умбаке кудалтат.20Кӱзӧ Ливаныш да кычкыре,Васаныште йӱкетым кугемдеда Аварим курык гыч кычкыре,вет чыла таҥет улыт кырен шалатыме.21Сайын илымет годым Мый тылат ойленам,но тый каласышыч: ’Ом тӱҥал колышташ!’Самырык жап гычак тыге ыштенат,Мыйын йӱкем колыштын отыл.22Вуйлатышет-влакым мардеж наҥгая,таҥет-влак пленыш каят.Чыла осал пашатлан тый вожылмашыш, намысыш пурет!23Ливаныште илыше,кедр пушеҥгылаште пыжашым оптышо!Могай тый мыскынь лият,кунам азам ыштыме годсо гай орлык тыйым авалта!24Шке денем товатлем! – ойла Господь. – Тый, Иуда кугыжа Иехоний, Иоаким эрге, Мыйын пурла кидыштем печатян шергаш лият ыле гынат, Мый тыйым тушечынат луктын кудалтем ыле.25Мый тыйым Вавилон кугыжа Навуходоносор ден халдей-влак кидыш пуэм – нуно чонетым кычалыт, нунын деч тый лӱдат!26Мый тыйым да аватым, кӧ тыйым ыштен, йот элыш поктен колтем – тушто те шочын огыдал, но тушан коледа.27А пӧртылаш шонымо мландышкыда тетла огыда пӧртыл”».28Тиде айдеме, Иехоний, пудыргышо кӧршӧк,кӱлдымӧ, нигӧлан йӧрдымӧ ате мо?Молан тудо да йочаже-влакнунылан палыдыме мландыш поктен колтымо улыт?29О мланде, мланде, мланде!Господьын шомакшым колышт!30Тыге ойла Господь:«Теве мом тиде айдеме нерген возыза:”Йочадыме, сай илышым уждымо”.Тудын тукымжо гыч нигӧ сай илышым ок уж,нигӧ Давидын престолышкыжо ок шич,Иуда мландын вуйлатышыже ок лий».
Institute for Bible Translation, Finland