Иер10
1Колышт, Израиль калык, мом тыланет Господь ойла!2Тыге ойла Господь:«Вес калык-влакын корнышт дене кошташ ида тунем,ида лӱд каваште ужмо пале-влак деч,кудышт деч вес калык-шамыч лӱдыт.3Кӱлдымӧ улыт калык-влакын йӱлашт!Руат пушеҥгым чодыраште,пӱсӧ ӱзгар дене тудым пӱчкеда мастар,4вара сӧрастарат ший да шӧртньӧ дене,ынже лӱҥгӧ манын, чӧгыт дене пудален шындат.5Нине шояк юмо-влак йыраҥысе лӱдыктыш гай улыт,нуно ойлен огыт мошто.Нуным нумалаш кӱлеш, вет коштын огыт керт.Ида лӱд нунын деч:осалымат, сайымат огыт керт ыштен».6Уке весе Тый гает, Господь!Улат Тый кугу, лӱметше кӱдыратле!7Кӧ Тый дечет ок лӱд, калык-влакын Кугыжаже?Вет Тый пагалымашым суленат,Тый гает уке калык-влакын мунлыеҥышт коклаште,уке Тый гает чыла кугыжанышыштат!8Икте кодде шонен моштыдымо, ушдымо улыт:пу гыч ыштыме юмо деч нуно тунемыт!9Фарсис гыч кондымо ший дене,Уфаз гыч кондымо шӧртньӧ дене нуным таптыме –нуно кидмастар ден левыктыше еҥын паша лектышышт улыт.Вургемышт шемалге-канде да шемалге-йошкар тӱсан,чыла тиде – мастар еҥ-влакын пашашт.10А Господь улеш чын Юмо,Тудо – илыше Юмо да курымашле Кугыжа.Тудын шыдыж деч мланде чытыра,калык-влак Тудын кугу шыдыжым огыт керт чытен.11Тыге каласыза нунылан: «Юмо-влак, кудышт кава ден мландым ыштен огытыл, мландымбачын да кава йымачын йомыт!»12Господь шке вий-куатше дене мландым ыштен,мунлылыкшо дене тӱням пеҥгыдемденда уш-акылже дене кавам шарен.13Йӱкшым Тудо кугемда –каваште вӱд-влак лӱшкат.Мланде тӱр гыч Тудо пылым нӧлталеш,йӱр кокла гыч волгенчым колта,аралыме верлаж гыч мардежым луктеш.14А айдемын ушыжо каен, уке тудын шинчымашыже –левыктыше мастар шке ыштыме шояк юмыж денешкенжым намысыш пурта,вет левыктен лукмыжо – ондалчык,тудын кӧргыштыжӧ шӱлыш уке.15Тыгай юмо – кӱлдымӧ, воштылчык,судым ыштыме жапыште тудо йомеш.16Но Господь, Иаковын Ужашыже, нунын гай огыл:Тудо – чыла Ыштыше Юмо,Израиль – ойырен налме калыкше,Тудын лӱмжӧ – Господь Саваоф!17Авырен налме олаште илыше-влак,мландыдам коден каяш манын, арвердам погыза!18Вет Господь тыге ойла:«Ты мландыште илыше-влакым луктын кудалтем,ты гана ӱмбакышт ойгым колтем –тек нуно тудым пундаш марте йӱыт».19«Ойго мыланем, мый пытенам!Паремдаш лийдыме мыйын сусырем.Но мый каласенам: ”Тиде мыйын орлыкем,тудым эртышаш улам”.20Мыйын омашем пустаҥдыме,кандыраже-влакым кӱрлмӧ.Йочам-шамыч мый дечем каеныт, уке улыт:нигӧлан омашем шогалташ, пӱрдыш-влакшым сакалташ.21Ушдымо лийыныт калыкын кӱтӱчыжӧ-влак,нуно Господьым огыт кычал,сандене нунын нимо ок воране,кӱтӱшт шаланен пытен».22Кондат уверым: тудо толеш,йӱдвел гыч кугу йӱк-йӱан шокта!Иудан олаже-влакым тудо ир мландыш,тулпире-влакын илемышкышт савыра.23Палем мый, Господь:айдеме шке илыш корныжлан оза огыл,шонымыж семын тудым огеш керт виктарен.24Наказатле мыйым, Господь,но чын судитлен гына, а шыдет дене огыл,уке гын мый пытем!25Йоктаре шке шыдетым Тыйым палыдыме калык-влак ӱмбаке,Тыйын лӱметым ӱжын кумалдыме тукым-шамыч ӱмбаке!Вет нуно Иаковым пӧжгеныт,тудым пӧжген пытареныт,илыме вержым пустаҥденыт.
Institute for Bible Translation, Finland