Иер9
1Лиеш ыле гын вуем вӱдйогын,а шинчамже – шинчавӱд памаш,калыкем кокла гыч пытарыме-влак верчйӱдшӧ-кечыже шортам ыле.2Ир мландыште мылам жаплан шогалме вер лиеш гын,коден каем ыле шке калыкемым,нунын деч каем ыле.Улыт нуно чыланат яжар, ондалыше тӱшка!3«Йылмышт – чымалтарыме пикшйоҥеж гай,шоялан эре ямде улыт,чындымылык полшымо дене нуно шке элыштышт пеҥгыдемыт.Икте почеш вес осал пашам ыштат,Мыйым огыт пале, – ойла Господь. –4Шекланыза шке йолташда деч,иза-шольыланда ида ӱшане,вет кажне иза-шольо ондала,кажне йолташ лавырам кышка.5Кажне ондала шке йолташыжым,нигӧ чыным ок ойло:йылмышт тунемын шоякым кутыраш,сулыкым ыштыде, нуно огыт керт.6Ондалчык коклаште тый илет!Шояштлан кӧра нуно Мыйым ынешт пале, – ойла Господь.7Садлан Господь Саваоф тыге ойла:Мый нуным левыктем, тергем!А мом эше Мылам шке калыкем дене ышташ кодеш?8Нунын йылмышт – пуштшо пикш,умшашт ондалымаш дене темын.Лишылъеҥышт дене нуно выче-выче кутырат,а шӱмышт дене тудлан оптышым шындат.9Тидлан Мый нуным мут кучаш ом шогалте мо? – ойла Господь. –Тыгай калыклан Мый ӱчым ом шукто мо?10Мӱгырен шорташ тӱҥалам курык-влак шотышто,тӧрверысе кӱтымӧ вер-влак нерген шортмо мурым мурем.Нуно улыт йӱлалтыме,ок кошт тушечын нигӧ,вольык ломыжмо йӱк ок шокто.Кайык-влак тушеч чоҥештен каеныт,янлык-шамыч кудал пытеныт.11Савырем Мый Иерусалимым кӱ орашке,тулпире-влакын илыме верышкышт,савырем Иуда ола-влакым ир мландыш,илыше-влак деч посна кодем».12Уло мо тыгай мунлыеҥ, кӧ тидым умыла? Кӧлан Господь ойлен, кӧ умылтарен кертеш – молан тиде мланде пытен, ир мланде семын йӱлалтыме лийын, молан нигӧ тушечын ок кошт?13Тидлан Господь вашешта: «Мыйын пуымо законем нуно коденыт, Мыйым колыштын огытыл, законем шуктен огытыл.14Вустык шӱмышт ӱжмӧ почеш нуно ыштеныт, ача-кочаштын туныктымышт семын Ваал-влаклан кумалыныт».15Садлан Господь Саваоф, Израильын Юмыжо, тыге ойла: «Мый тиде калыклан арымшудым пукшем, аяр вӱдым йӱктем!16Шалатен колтем нуным калык-влак коклашке, кудыштым пален огытыл шкештат, ача-кочаштат. Почешышт Мый кердым колтем, нуным пӱтынек пытарем!»17Тыге ойла Господь Саваоф: «Шоналтыза да шортмо йӱлам эртарыше ӱдырамаш-влакым ӱжса! Тек нуно толыт! Нунын кокла гыч эн уста-влак деке колтыза, тек нуно толыт!»18Тек нуно вашкеракын толыт да мемнан шотышто шорташ тӱҥалыт! Тек шинчана гыч шинчавӱд велеш, шинчапунна гыч вӱд йога!19Сион гычын шортмо йӱк шокта:«Ме пытенна, кугу намысыш пуренна!Мландынам ме коден каена, илемна улыт шалатыме».20Ӱдырамаш-влак, Господьын шомакшым колыштса!Тек пылышда Тудын мутшым тӱткын колыштеш.Ӱдырда-влакым шортмо мурылан туныктыза,икте-весыдам ойган мурылан туныктыза.21Вет окна гыч колымаш пура, пӧртышкына керылт пура,уремлаште йоча-влакым пытара,ола покшелне рвезе-шамычым пуштеда.22Каласе нунылан: тыге Господь ойла:«Колышо кап-влак пасушто терыс семын,тӱредше почеш кодшо кылта гай кияш тӱҥалыт –нуным погышо нигӧ ок лий».23Тыге ойла Господь:«Тек мунлыеҥ шке мунлылыкшо дене ок моктане,виян шке вийже дене ок моктане,поян шке поянлыкше дене ок моктане!24Кӧ моктанынеже,тек Мыйым палымыже да умылен моштымыж дене моктана,вет Мый мландымбалне порылыкым,чын суд ден чынлыкым ыштыше Господь улам.Теве мо Мыланем келша!» – ойла Господь.25«Жап шуэш, – ойла Господь, – кунам Мый чылаштым, кӧ пӱчмӧ йӱлам капкыл дене гына эртен, мут кучаш шогалтем:26Египет ден Иудам, Едомым да Аммон эрге-влакым, Моавым, тыгак ир мландыште илыше да вуйвичкыжысе ӱпыштым тӱредше еҥ-шамычым. Чыла тиде калык пӱчдымӧ улыт, а Израиль калыкын шӱмжӧ пӱчдымӧ».
Institute for Bible Translation, Finland