Ис24
1Теве Господь мландым пустаҥда,тудым йождара – тӱсшым вашталта,тушто илыше-влакым шалатен колта.2Мо калык дене лиеш – тидак иерей дене лиеш,мо тарзе дене лиеш – тидак озаж дене лиеш,мо тарзе ӱдырамаш дене лиеш –тидак оза ӱдырамашыж дене лиеш,мо сатум налше дене лиеш –тидак сатум ужалыше дене лиеш,мо арымеш налше еҥ дене лиеш –тидак арымеш пуышо дене лиеш,мо кӱсын налше еҥ дене лиеш –тидак кӱсын пуышо дене лиеш.3Мланде пӱтынек пустаҥдыме да агыме лиеш.Тиде шомакым Господь каласен.4Мланде лунчырга, кошка,тӱня тӱлыжга, лывыжга,мландысе тӧра-влак лунчыргат.5Тушто илыше-шамыч мландым шакшыленыт:закон-влакым пудыртеныт,пунчалым вашталтеныт,курымаш ойпидышым шуктен огытыл.6Тидлан верч мландым каргымаш кочкеш,тушто илыше-влак пашаштлан мутым кучат.Тидлан верч мландымбалне илыше-шамычым тул пытара,еҥ-влак тушто кодыт шагалын.7Виноград вӱд шагал кодеш, виноград вондо кошка,веселитлен илыше-влак ойганен шӱлат.8Куанен йоҥгышо тимпан-влак шыпланат,веселитлыше-шамычын йӱкышт ок шокто,кӱсле-влакат тыпланат.9Мурым мурен, йошкар аракам тетла огыт йӱ,йӱшӧ-влаклан пӱрын тамже кочо.10Пустаҥше ола шалатыме,пӧрт-влак тӱкылымӧ улыт –тушко ок лий пураш.11Уремлаште магырат – йошкар арака уке,йомын йывыртымаш, мландым куан коден каен.12Олаште – пустаҥмаш, капка-влакым шалатыме.13Кузе олив пушеҥгым рӱзалтыме деч вараале виноградым погымо деч вара саска шагал кодеш,тугак мланде мучко еҥ-влак шагалын кодыт.14Нуно шке йӱкыштым кугемдат,куанен кычкырлаш тӱҥалыт,Господьын кугулыкшым касвелне моктен мурат.15Тыгеракын, чаплыза Господьым эрвелне!Моктыза Господьын, Израиль Юмын, лӱмжым теҥыз отролаште!16Мланде тӱр гыч мурымо йӱкым колына:«Чын Ыштышылан чап лийже!»А мый ойлем: «Ойго мыланем, ойго! Мый пытенам!Еҥ-влак ӱшанле огытыл,йырым-йыр ужалымаш озалана!»17Мландымбалне илыше еҥ,тыйым лӱдмаш, вынем да оптыш вучат!18Кӧ лӱдын кычкырымым колын куржеш – вынемыш камвозеш,кӧ вынем гыч лектеш – оптышыш пижеш.Вет кавасе окна-влак почылтыт, мланде негыз чытырналтеш!19Мланде шелалтеш, печкалтеш,тудо чот чытырналтеш!20Йӱшӧ семын мланде тайныштеш,мардеж дене пуалтарыме омашла лӱҥгалтеш.Темда тудым осал пашаже –камвозеш да кынелын ок керт.21Тудо кечын Господь мут кучаш шогалта:кавасе-влакым – каваште,мландысе кугыжа-шамычым – мландымбалне.22Лийыт нуно иктеш погымо,пленыш налме-влак семын вынемыш кудалтыме,лийыт нуно казаматыш петырыме,кужу жап эртымеке, мут кучаш шогалтыме.23Кунам Сион курыкышто, ИерусалимыштеГосподь Саваоф кугыжаланаш тӱҥалешда калыкшын кугуракше-влаклан шке чапшым ончыкта,тунам тылзе намысыш да кече вожылмашыш пурат.
Institute for Bible Translation, Finland