Mark11
1ตอนอั้นพะเยซูและหมู่ลูกซิดไก้ตึ๋งเมิงเยรูซาเล็ม ก็เข้าไป๋ในหมู่เฮือนเบธฟายี และหมู่เฮือนเบธานี ตี้อยู่ต๋งเชิงดอยมะกอกเทศ พะอ๋งส่งลูกซิดสองคนไป๋ก่อนล่วงหน้า2ป๊อมกับอู้ว่า “ฮื๊อเข้าไป๋ในหมู่เฮือนข้างหน้าอั่น สูไป๋ตึ๋งจะหันลูกลาตั๋วนึ่งมัดอยู่ ยังบะเคยมีไผขี่มันมาก่อน ฮื๊อสู้มัดมันแล้วจูงมาฮื๊อเฮาตี้นี่3ถ้ามีไผซอยว่า ‘สู้มัดมันจะได๋’ ฮื๊ออู้ว่า ‘องค์เจ้าจีวิดต้องการใจ๋มัน แล้วจะรีบเอามาคืนฮื๊อ’”4ลูกซิดทั้งสองก็ไป๋ และป๊ะลูกลาตั๋วนึ่งมัดอยู่หน้าปะตู๋ข้างตาง หมู่เปิ้นสู้เชือกออก5มีบางคนตี้ยืนอยู่แถวอั่นซอยว่า “สู้เชือกมันจะได๋”6ลูกซิดทั้งสองก็อู้ตามตี้พะเยซูสั่งมา หมู่เปิ้นจึงยอมฮื๊อเอาลูกลาไป๋7ตอนลูกซิดทั้งสองจูงลูกลามาฮื๊อพะเยซู หมู่เปิ้นก็เอาเสื้อกุมของตั๋วเก่าปูบนหลังลาฮื๊อพะอ๋งขี่ไป๋8จาวเฮือนจ๊าดนักเอาเสื้อกุมมาปูตามตาง บางคนเอากิ่งไม๊ตี้ตั๊ดจากต้องมาปูฮื๊อตวย9ทั้งหมู่ตี้เตียวนำหน้าและหมู่ตี้เตียวตามหลัง ก็ส่งเสียงฮ๊องเฮ็กซะว่า“ไชโย พะเจ๊ายิ่งใหญ่ขอพะเจ๊าอวยปอนคนตี้มาในนามขององค์เจ้าจีวิด”10“ขอพะเจ๊าอวยปอนเมิงของดาวิดปู่ทวดของเฮาคือเมิงตี้กำลังจะมาไชโย แด่พะเจ๊าสูงซุ๊ดบนสวรรค์”11แล้วพะเยซูก็เข้าไป๋ในเมิงเยรูซาเล็ม พะอ๋งไป๋ตี้วิหาร เตียวพ้อรอบๆจนทั่ว เมื่อแรงจะนักแล้ว พะอ๋งก็ลุปิ๊กไป๋ตี้หมู่เฮือนเบธานีกับหมู่ลูกซิดทั้งซิบสองคน12วันฮุ้งขึ้นขณะตี้ออกมาจากหมู่เฮือนเบธานี พะเยซูฮู๊สึกอยากข้าว13พะอ๋งพ้อหันเก๊ามะเด้ออยู่แต่ไก๋ มีใบอยู่เต็มเก๊า พะอ๋งก็เตียวเข้าไป๋ไก้ๆฮื๊อพ้อหาหน่วยของมัน แต่ตอนมาตึ๋งป๊ะว่าบะมีหน่วยเลย มีแต่ใบเต็มไป๋เมิ๊อดเพาะว่ายังบะตึ๋งฤดูออกหน่วย14พะอ๋งจึงอู้กับเก๊ามะเด้ออั่นว่า “อย่าฮื๊อไผได้กิ๋นหน่วยจากเจ้าแฮ๋ม” และหมู่ลูกซิดได้ยินคำอู้นี้ตวย15ตอนมาตึ๋งเมิงเยรูซาเล็ม พะเยซูได้เข้าไป๋ในเขตวิหาร และขับไล่หมู่ตี้มาซื้อมาขายข้าวของกั๋นอยู่ในวิหารอั่น พะอ๋งคว่ำโต๊ะคนฮับแลกสตางค์ และม้านั่งของหมู่ตี้ขายนกพิราบ16พะอ๋งห้ามบะฮื๊อคนหามของไป๋มาในเขตวิหาร17แล้วตั๋นหมู่เปิ้นว่า “พะคัมภีร์บะได้เขียนก๋ะ ‘เฮือนของเฮามีจื้อว่า เฮือนอธิษฐานสำลับชนตุ๊กชาติ แต่หมู่เจ้าปิ๊กเยี๊ยะฮื๊อมันเป๋นรังโจร’”18ตอนหมู่ผู้นำนักบวชและหมู่คูสอนกฎปฏิบัติฮู๊เรื่องนี้ ก็หาตางตี้จะฆ่าพะอ๋ง แต่หมู่เปิ้นโก๊วพะอ๋งเพาะว่ามีจาวเฮือนจะนักตี้เจื้อกับคำสอนของพะอ๋ง19ตอนแรงวันอั่นพะเยซูและหมู่ลูกซิดก็ออกนอกเมิงไป๋20วันฮุ้งขึ้นตอนพะเยซู และหมู่ลูกซิดเตียวเลยเก๊ามะเด้อเก๊าเก่า หมู่ลูกซิดหันเก๊ามะเด้อแห้งต๋ายจากยอดตึ๋งโคน21เปโตรก็นึกขึ้นได้ว่าตอนวานพะเยซูสาปมันฮื็อ เปิ้นจึงอู้พะเยซูว่า “อาจ๋าน พ้อฮั่นสิครับ ต้นมะเด้อตี้อาจ๋านสาปแจ๊งแห้งต๋ายแล้ว”22พะเยซูอู้หมู่ลูกซิดว่า “เจื้อในพะเจ๊าสิ23เฮาฮับฮองว่า ถ้าสูเจื้อโดยบะสงสัยลุ แม้สูสั่งฮื๊อดอยนี้ลอยลงไป๋ในตะเล มันก็จะเป๋นไป๋ตามอั่น24ถ้าสูเจื้อ สูจะได้กุ๊กอย่างตี้สูอธิษฐานขออั่น25ตอนตี้สูอธิษฐาน ถ้าโกรธไผอยู่ก็ต้องยกโต้ดฮื๊อกับเปิ้นก่อน แล้วอีป้อของสูตี้อยู่บนสวรรค์ก็จะยกโต้ดฮื๊อกับความเยี๊ยะบ่ดีของสูอย่างเดียวกั๋นอั่น”26แต่ถ้าสูบะยอมยกโต้ดฮื๊อกับหมู่เปิ้น อีป้อตี้อยู่ในสวรรค์ก็จะบะยกโต้ดให้กับสูอย่างเดียวกั๋นตวย27หมู่เปิ้นก็เข้าไป๋ในเมิงเยรูซาเล็มแฮ๋มเตื้อนึ่ง ในขณะตี้พะเยซูกำลังเตียวอยู่ในวิหารอั่น หมู่ตัวป้อนักบวช หมู่คูสอนกฎปฏิบัติ และหมู่ผู้อาวุโสเตียวเข้ามาซอยพะอ๋งว่า28“สูมีสิทธิ์ไอหยังไป๋ไล่ป้อค้าหมู่อั่น ไผฮื๊อสิทธิ์นี้กับสูตี้จะเยี๊ยะจะอั่น”29พะเยซูอู้ว่า “เฮาขอซอยตั้นเรื่องนึ่ง อู้เฮามา แล้วเฮาจะอู้ว่าเฮาใจ๋สิทธิ์ของไผเยี๊ยะจะอี้30จ้วยอู้หน่อยว่าพิธีจุ่มน้ำของยอห์นมาจากสวรรค์หรือมาจากมนุษย์”31หมู่เปิ้นก็ปรึกษากั๋นว่า “ถ้าเฮาอู้ว่า ‘มาจากสวรรค์’ มันก็จะย้อนซอยเฮาว่า ‘แล้วจะได๋บะเจื้อยอห์นล่ะ’32แต่ถ้าอู้ว่า ‘มาจากมนุษย์’ ก็โก๊วหมู่คนหลาย เพาะว่าหมู่อั่นเจื้อว่า ยอห์นเป๋นผู้อู้แตนพะเจ๊าแต้ๆ”33หมู่เปิ้นจึงอู้กับพะเยซูว่า “บะฮู๊” พะเยซูก็ลุอู้ว่า “ถ้าอย่างอั่น เฮาก็จะบะอู้อย่างเดียวกั๋นว่าเฮาใจ๋สิทธิ์ของไผเยี๊ยะจะหนี้”
Empower Asia Bible Translation Movement