BaHhebheru10
1Ngobe nlayo waka ulintuzi wezwinhu zwaka zwihha, usimbumbiko yazo yakwako. Ndizo nlayo ngezwibhayilo izo zwazo zwinopigwa tjoselele gole negole, awungatongothama banhu banosedzela kuNdzimu kuti bapelele.2Kadzene banhu banonamata Ndzimu bakatjenesewa kubva mumatjinyo tjose kan'ompela, banoba basakazwibona nlandu ngentha yematjinyo abo, zwibhayilo zose zoba zwakama pigwa.3Koga zwibhayilo izwezwi zwikumbuludzo zwematjinyo gole negole.4Ngobe akutoyetika kuti malopa emikono nembudzi aduse matjinyo.5Nentha yayikoku Khirisitu wakati ahha muhango akati,“Amutohaka zwibhayilo nemipilo,koga makandibaakanyila mbili,6amutohanhisiwa nemipilo inopisiwanemipilo yematjinyo.7Ndakakotjiti, ‘Imi ndahha kutindiwhothama kuda kwenyu, imwi Ndzimu,sekwakakwagwa nekwangu mulukwalo.’ ”8Kutanga waka eleba eti, “Amuzotongohaka zwibhayilo nemipilo inopisiwa nemipilo yematjinyo, kene iko hanha nekwayo” (nekene kwaka kupigwa kutobegwa nlayo),9wakapamha eti, “Imi ndahha kuti ndiwhothama kuda kwenyu.” Unodzima kwekutanga eyetila simisa kwebubili.10Ngekuda ikoko takatjenesewa ngepigwa kwembili waYesu Khirisitu kan'ompela tjatjose.11Mahhuba ose mphirisiti umwe newumwe unothama n'hingo uwe, epila zwibhayilo zwakafanana epamhulula, zwisingake zwikadusa matjinyo.12Koga Khirisitu wakati apila tjibhayilo tjin'ompela tjelubaka gose tjematjinyo, wakagala pasi kuluboko gweludli gweNdzimu,13akamilila kudzina babengi babe bayetiwa tjigalo tjemakumbo awe.14Nentha yempilo un'ompela wakalulamisa tjatjose ibabo bakatjenesewa.15Meya Yakayengemala inopa busupi gwayo kutili iti,16“Itjetji nditjo tjibvumilano tjandinowhothama nabo,hule kwemahhuba iyawo, kujalo He,ndowhosa milayo yangu mumimoyo yabo,ndoyikwala mumikumbulo yabo.”17Kakale unokotjiti, “Anditowho alakana matjinyo abo nebubi gwabo.”18Hapa kwatjiyetigwa mazwibhatigwa matjinyo akutjahakika mpilo unodusa matjinyo.19Ndizo ke, makamu angu, saku tina kuzwigalabgwe kwakasima kuti tingangina mubugalo gwakayengemala ngemalopa aYesu,20nezila tshwa kakale ilizila mhenyu yaakatihhulila nemujila letjisitilo, kuleba kuti ngemumbili uwe,21kakale saku tina mphirisiti unkulu unotungamila n'umba yeNdzimu,22ngatisedzeleni pedlo tina mimoyo inamalebeswa nebugalimoyo guhhele, nemimoyo yedu yakanyasiwa ikatjena kubva kumikumbulo mibi nemibili yedu yakasukiwa nevula mbuyanana.23Ayibhatilileni mukugalabgwe kwatinoleba tisingazunguzike, ngobe iwhoya wakatigadzabgwe unogalikamoyo.24Kakale ngati alakane kuti tingakuludzilana tjini, kuti tidanane tithame mihingo yakanaka,25tisingaletje kubungana panhu pan'ompela, senlenje webamwe, koga tikuludzilana, kakale tikuwaze sangwenu mubona kuti Hhuba lasedzela.26Ngobe tikatjinya kamwaza hule kwewamutjila luzibo gwemalebeswa akutjina tjimwe tjibhayilo tjematjinyo,27tjasala whumilila tongewa kunowhohha kunohlisa nemoto unohlisa unowhopaladza bose babengi.28Nhu waka etjuluka nlayo waMozisi waka ebulawa kusina whigwa ngoni, hapa basupi babili kene batatu bapa busupi gunofanana.29Ngono kowhoba kungapani langiwa kwenhu unolingila pasi Nkololo weNdzimu, unosa hambgwa lopa letjibvumilano laakatjenesewa nalo, unogwadzisa Meya yengoni?30Ngobe towunziba iye wakati, “Bgwilizila ndekwangu, ndowhobgwilizila,” kakale ekaba eti, “He unowhotonga banhu babe.”31Itjinhu tjinohlisa kwazo kwazo kuti nhu awile mumaboko eNdzimu unotjila.32Kumbulani mahhuba akapinda, hule kwekuti tjedza tjavoneka mumuli, makasimidzila mungwa yakabangalala yemamanikano,33gumwe lubaka mutukwa pakati kwebanhu kakale mubhakhwa zwakayipa, gumwe lubaka, nemwibo muzwipila bapanhu pan'ompela nebanobhakhwa sayikoko.34Ngobe makaba nemawhilangoni kubasungwa, kakale tolegwa nhundu dzenyu ngemasimba makakuwamutjila ngekuhanha, ngentha yekuti makamuziba kuti imwi munako kuhine kunogala nekusingapele.35Ndizo ke musilahikigwe nezwigalabgwe kwenyu ngobe kunambhayilo nkulunkulu.36Ngobe kohakika kuti musimidzile, kuyetila kuti muthame kuda kweNdzimu mukowamutjila tjaakagadzabgwe.37Seleba kwelukwalo guti,“Kwasala lubaka guhomanana;iwhoyo unohha unowhohhaatowhononoka;38Wakalulama wangu unowhotjila nekugalamoyo,koga hapa ebgwilila hule,meya yangu ayitowhohanha nekukwe.”39Koga atita ibabo banobgwilila hule benopaladziwa, koga tiibabo bana kugalamoyo kakale banotjengeta meya dzabo.
The Word for the World International