BaHhebheru9
1Kene itjo tjibvumilano tjekutanga tjaka tjina milayo yenamata kakale tjinabugalo gwakayengemala gwemuhango ino.2Kwaka kuna jatja lakabakiwa, laka lili lekutanga hapa ungina ubva kuhhe, mulili kwaka kuna tjigadziko tjinohomekewa zwivoneko, kwaka kuna dala laka lisiwa tjinkwa tjakayengemadziwa; bugalo igogu gwaka guyi Bugalo Gwakayengemala.3Hule kwejila letjisitilo kwaka kuna jatja linoyi Bugalo Gwakayengemala kupinda gose.4Mulili kwaka kuna tjibeso tjezeezi tjepfungayidzila mhoza, nearika yetjibvumilano yaka yakadzulugwa nezeezi ntha dzose, muarika kwaka kuna hali yezeezi mukati kwayo ina mana, neswimbo yaAroni yaka isinila mahhani, nezwipivu zwemabgwe zwibili zwaka zwakakwagwa milayo.5Pehhugwi kwearika kwaka kuna makherubhimu egudzo mapapiro awo akafukidza tjigalo tjemawhilangoni, kunjinji nekwezwinhu izwezwi atingakulebe ngwenuwali.6Zwinhu izwezwi zwaka zwiti hapa zwabaakanyiwa nezila iyeyi, baphirisiti bakabengina tjoselele mujatja lekutanga benothama n'hingo wabo.7Koga mubugalo gobubili gumukati kwaka kungina mphirisiti upehhugwi koga kan'ompela pagole, waka engina akasenga malopa enowapila eyetila matjinyo awe, nematjinyo ebanhu.8Kubva munayikoku Meya Yakayengemala yaka ilakidza patjena kuti zila yengina muBugalo Gwakayengemala kupinda gose yaka isanhu ikahhulika, saku jatja lekutanga laka litjiyapo,9(ikoku kwaka kuli tjilakidzilo tjelubaka gwangwenuwali). Nekwendongoloso iyeyi zwipo nemibhayilo yemhuka kwakakupiwa kuNdzimu kwaka kusingatubule tjenesa hana yenhu unonamata.10Koga kwaka kuhinga ngezodliwa nezwinon'wiwa koga, nemilenje yengudza mbili, ili milayo yaka ili yakuhhe kwembili wenhu koga, kudzina kunoti lubaka Ndzimu athama zwinhu nezila tshwa.11Koga Khirisitu wakati atjihha semphirisiti upehhugwi wezwinhu zwakanaka zwakatjihha, wakangina mujatja gulu kakale lakayetiwa likapelela, (lisakathamiwa ngemaboko ebanhu, kuleba kuti alita lembumbiko iyeyi)12wakangina kan'ompela muBugalo Gwakayengemala akasipamhe kakale, asakasenga malopa embudzi neemhulu, koga ngelile lopa akatiwanila sunungugwa kusingapele.13Ngobe hapa nyasiwa kwebanhu banahambgwa ngemalopa embudzi neemikono nenlota wemholombe kwakakubayengemadza kuyeta kuti mibili yabo itjene,14ngono malopa aKhirisitu, iye wakazwipila ngeMeya isingapele asinanlandu kuNdzimu unowhodzitjenesa kungapani hana dzenyu kuti dzibve kumihingo inokwebela kulufu, kudze dzihingile Ndzimu unotjila.15Ndizo ke Khirisitu ndiye nyayi wetjibvumilano tjitshwa, kuyetila kuti ibabo bakadan'wa bawamutjile nhaka isingapele yakagadziwabgwe, saku kwakaba nefa kwakabasunungula kumatjinyo pasi kwetjibvumilano tjekutanga.16Ngobe pana lukwalo gwekoba nhaka, hapa wakagukwala atjifa, kwakafanila kuti kube nebusupi kuti wafa kwelebeswa.17Ngobe lukwalo gwekoba nhaka gohinga hapa wakagukwala atjifa, agutohinga hapa wakagukwala atjimpenyu.18Ndizo netjibvumilano tjekutanga bo atjizotongohinga kusina tebugwa kwemalopa.19Ngobe Mozisi wakati atjibudza banhu bose milayo yose, wakatola malopa emhulu neembudzi, akahanganyiwa nevula akanyasa lukwalo kan'ompela nebanhu ehingisa wulu haba yakabhayigwa paluhanga gwehhayisopi,20eti, “Ileli ndilo lopa letjibvumilano Ndzimu tjaakamulaya nekwatjo.”21Nezila iyo zwayo wakanyasa nemalopa jatja nezwidla zose zwaka zwihingisiwa mukunamata.22Lebeswa, pasi kwenlayo zwinhu nebunji gwazo zotjenesewa nemalopa, hapa kusina tebugwa kwemalopa akuna yetigwa mazwibhatigwa kwematjinyo.23Ndizo kwakakwakafanila kuti mifananidzo yezwinhu zwikudzimu zwitjenesewe nemilenje iyeyi, koga zwinhu zwikudzimu tjekwazo zwitjenesewa nezwibhayilo zwihine kupinda izwezwi.24Ngobe Khirisitu azongina mubugalo gwakayengemala gwakabumbiwa nemaboko, gunoba tjifananidzo tjeguyapo gwakwako, koga wakangina kudzimu ntja sangwenuwali weetimila mbeli kweNdzimu.25Aazongina kudzimu kuti anozwipila epamhulula, sekwakunoyetiwa nemphirisiti upehhugwi engina muBugalo Gwakayengemala gole negole akasenga malopa asi awe.26Hapa kwakajalo waka ewhodziyila epamhulula kanjinji kubvila pakubumbiwa kwehango. Koga sangwenu wakahha kan'ompela koga mulubaka gobupelo kudze aduse jinyo nekuzwipila kukwe iye.27Ngobe senhu wose ewhofa kan'ompela, hule kwayikoko kotobela tongewa,28ndizo Khirisitu wakayetiwa tjibhayilo kan'ompela, kuti asenge matjinyo ebanjinji, unowhobonekwa gwebubili, esingabinge whodusa matjinyo koga ewhotjidza ibabo bakawunlindila.
The Word for the World International