BaKolose2
1Ndohaka kuti muzibe kuti ndodziyila kungapani, nentha yenyu nangentha yebanhu bekuLayodisiya kuhanganyila nebamwe bose basanhu bakatongondibona.2Ndiyetila kuti mimoyo yabo ikulumbidzigwe yakabhatana muludo, kuti bawane fumwa yose yewhisisa neluzibo gwetjakasumbikika tjeNdzimu, iye Khirisitu,3muwunli kwakasumbikiwa yose fumwa yebutjenjebvu neyeluzibo.4Ikoku ndokulebela kuyetila kuti kusibe nenhu unomutjebela nendebeleko yebupitipiti.5Ngobe nekene ndisinamwi munyama, koga ndinamwi mumeya, ndihanha kwazo ndakalinga mazwibhato enyu nesima kwebugalimoyo gwenyu muna Khirisitu.6Saku makawamutjila Khirisitu Yesu saHe, tjilani muli muwunli,7makadzikigwa muwunli kakale makabakiwa muwunli, kakale makasima mubugalimoyo, sekwamakadiyiwa, mulihhele boka kunjinji.8Mutjenjele, kuti kusibe nenhu unomuta ntapwa nezwidiyo zwebutjenjebvu gwebanhu, netjebela kusina n'hingo, kunoyendidzana nemilenje yebanhu, kunoyendidzana nemeya dzinolawula dzehango, kusingayendidzane naKhirisitu.9Ngobe mbumbiko yose yeNdzimu nebuhhalo inogala mumbili uwe,10kakale imwi matjiba nebuhhalo gwebutjilo muwunli, iye un'holo webutongi gose nebutungamili gose.11Muwunli makathumbigwa nethumbiwa kusingayetiwe ngemaboko enhu, koga lawugwa kwenyu nembili wenyama kwakapedzewa pamakathumbigwa naKhirisitu;12ngobe makabiganyiwa kan'ompela naye mukubvubikiwa, mukapamha mukamusiwa kan'ompela naye ngegalamoyo mukuhinga kweNdzimu, iye wakawumusa kubafi.13Kakale imwi, baka bakafa mumatjinyo nemusathumbigwa kwenyama, Ndzimu wakamuyeta mukaba bapenyu panhu pan'ompela naKhirisitu, hule kwekuti amuyetila mazwibhatigwa matjinyo enyu,14wakadzima lukwalo gwemilandu yedu, gwaka gugwisana naswi kakale gutiwana nlandu; wakagulaha negukowhomela patjileyanyo.15Wakakulila batongi bemeya nebatungamili, akababhatisa honi palenje, akabakunda patjileyanyo.16Ndizo ke musibvumile kuti yani kene yani amuwane nlandu nekwetjamunodla kene tjamunon'wa, kene nekwenzano welunamato, kene nekwenzano wegala kwemwedzi, kene nekwensi weSabatha.17Izwezwi zwinhu untuzi wekwaka kuwhohha, koga ke tjinobhatika ndiye Khirisitu.18Musibvumile tjebegwa, kungayeta mukasawamutjila mbhayilo wenyu. Mutjebegwa nenhu unokuludzila zwitebamisa nenamata batumwa bekudzimu, akabhatilila mumibono yaanoba nayo; engozwikudza ngenkumbulo uwe wenyama esingaalakane,19esakabhatilila paN'holo, ipo mbili wose, pawunowana bhatsho lose wakabhatshanyiwa ngendungululo dzawo nange ndzinga dzawo, unokula ukudziwa neNdzimu.20Saku makafa panhu pan'ompela naKhirisitu mumeya dzinolawula dzemuhango, nentha yeni ngono mutjila sekunoyi mutjibanhu behango ino? Motobelelani milenje inoti.21“Usibhate! Usilabile! Usikunhe!”?22Milayo iyeyi, inoleba nekwezwinhu zwinopalala hule kwehingisiwa, inobva mulaya nediya kwebanhu.23Milayo iyeyi, lebeswa, inolingika seyina butjenjebvu mukukuludzila namata kwezwithamila, zwitebamisa, newhisa mbili zogwadza, koga ayina tjayinobhatsha banhu mudziba njemulo mbi dzenyama.
The Word for the World International