BaKolose3
1Saku makamusiwa panhu pan'ompela naKhirisitu tjihakani zwinhu zwipehhugwi, kuna Khirisitu, kwaaligele kuluboko gweludli gweNdzimu.2Mikumbulo yenyu ngayigale ikumbula zwinhu zwipehhugwi, kusi zwinhu zwehango ino.3Ngobe imwi makafa, bupenyu gwenyu gwakasumbikiwa naKhirisitu muNdzimu.4Hapa Khirisitu, unoba bupenyu gwedu ebon'wa, namwi bo mowhobon'wa panhu pan'ompela naye mugudzo.5Bulayani njemulo dzenyu dzehango ino. pinga, hambgwa, tjiba, yemula yeta zwibi, pupa, iko namata midzimwana.6Ngobe nentha yezwinhu izwezwi buhongola gweNdzimu gojitila pehhugwi kwayibabo basingawhilile.7Imwi makatongotjila muzila idzedzi mubutjilo gwamakatongotjila.8Koga tjisiyanani nako kose ikoku. mon'wa, buhongola, hema, tuka, neleba masapa nemilomo yenyu.9Musinyepelane, ngobe makatjimbula nhu nkulukugwi kose nezwiyeto zwizwe10makatjimbala nhu ntshwa, unoyetiwa ntshwa muluzibo mutjiso tjeMbumbi uwe.11Ipapa akutjina Njhuta kene Nghiriki, wakathumbigwa kene usakathumbigwa, ntaya kene Nsekethiya, nlanda kene wakasununguka, koga Khirisitu ndiye kose, kakale umunakose.12Sebanhu bakahagwa neNdzimu, bakayengemala kakale banodikala, ibani nengoni, nemoyo wakanaka, nekuzwitebamisa, nemoyo nyolo, nemoyo nlefu.13Muyetilane moyo nlefu kakale muyetilane mazwibhatigwa hapa kuli kuti kuna pamunoleyana. Muyetilane bo mazwibhatigwa, saHe akamuyetila mazwibhatigwa.14Pehhugwi kwako kose ikoku ibani neludo, gunoba igo gunohanganya kose mukubhatana kwakapelela.15Bvumilani kunyalala kwaKhirisitu kulawule mumimoyo yenyu, ngobe makadanigwa mumbili un'ompela, kakale galani muboka.16Bvumilani dama laKhirisitu kuti ligale mumuli nebunji gwalo, mudiyane kakale mutambunudzane mubutjenjebvu gose, kakale mumbe njimbo nenjimbo dzinolumbidza Ndzimu nenjimbo dzemeya, muboka Ndzimu mumimoyo yenyu.17Kakale tjimwe netjimwe tjamunothama, kungaba mukulebeleka kene muzwiyeto, mukuthame kose muzina laHe Yesu, muboka Ndzimu Tate muwunli.18Bafumakadzi, muzwise pasi kubalume benyu, sekwakwakafanila kuna He.19Balume dani bafumakadzi benyu, musibakayikanye.20Bana ibani nemazwibhato kubazwadzi benyu muzwinhu zose, ngobe ikoku kohanhisa He.21Botate, musihokayidze bana benyu, ngobe bangabva benyala moyo.22Balanda, whililani bobatezi benyu bemuhango ino muzwinhu zose, musikuthame hapa bakamulinga koga mubahanhisa, koga mukuthame nemimoyo yakahalabvuka muhla He.23Tjimwe netjimwe tjamunothama, mutjihinge nemimoyo yenyu yose, sekunoyi mohingila He, kusibanhu,24muziba kuti mowhowamutjila nhaka kubva kuna he kuli mbhayilo yenyu; mohingila He Khirisitu.25Ngobe unoyeta tjakayipa unowhowamutjila kunoyendilana netjakayipa tjaakathama, akuna luhalawulo.
The Word for the World International