عزرا8
1یہِ چُھ تِمن خاندانن ہنٛدیٚن زِٹھیٚن ہنٛدیٚن ناون ہُنٛد فہرست یِم بابلؔ پٮ۪ٹھٕ مےٚ سٟتؠ یروشلمؔ واپس آے ییٚلہِ ارتخششتاؔ فارسُک بادشاہ اوس۔2ارُن سُنٛد زُر فینحاسؔ سٕنٛدِ خاندانہٕ منٛزٕ جیرسومؔ۔
ارُن سُنٛد نیٚچو اِتمرؔ سٕنٛدِ قبیلہٕ منٛزٕ دانی ایلؔ۔
بادشاہ داوود سٕنٛدِ خاندانہٕ منٛزٕ حطُوشؔ۔3سِکنیاہؔ سٕنٛدِ نسلٕکؠ۔
پرعُوسؔ قبیلہٕ منٛزٕ ذکریاہؔ تہٕ بیٚیہِ 150 نفر۔4پخت موآبؔ قبیلہٕ منٛزٕ زراخیاؔہ سُنٛد نیٚچو اِلیہُوؔ عینیؔ تہٕ بیٚیہِ 200 نفر۔5یحزی ایل سُنٛد نیٚچو سِکنیاہؔ تہٕ زتتو قبیلہٕ پٮ۪ٹھٕ ٲسؠ باقےٕ 300 نفر آمٕتؠ۔6عدینؔ قبیلہٕ منٛزٕ یونتنؔ سنٛدِس نیٚچو عبدؔ تہٕ 50 باقےٕ نفر۔7عیلام قبیلہٕ منٛزٕ عتلیاہؔ سُنٛد نیٚچو یسعیاہؔ تہٕ بیٚیہِ 70 نفر۔8سفطیاہؔ قبیلہٕ منٛزٕ مِیکاایل سُنٛد نیٚچو زبدیاہؔ تہٕ تس سٟتؠ مذید 80 نفر۔9یوآبؔ قبیلہٕ منٛزٕ یحی ایلؔ سُنٛد نیٚچو عبدیاہؔ تہٕ تس سٟتؠ 218 نفر۔10بنی قبیلہٕ منٛزٕ یوسُفیاؔہ سُنٛد نیٚچو سلُومِیت تہٕ باقےٕ 160 نفر۔11ببئیؔ سُنٛد نیٚچو ذکریاہ تہٕ باقےٕ 28 نفر تمِس شخصہٕ سٕنٛدِ قبیلہٕ منٛزٕ یمؠ سُنٛد ناو اوس ببٔیؔ۔12عزجادؔ قبیلہٕ منٛزٕ ہقّاطاؔن سُنٛد نیٚچو یُوحنانؔ تہٕ باقےٕ 110 نفر۔13ادُونقام قبیلٕکؠ ترٛےٚ زٔنؠ الیفلطؔ، ایلؔ تہٕ سمعیاؔہ تہٕ باقےٕ 60 نفر۔ تِم ٲسؠ ٲخری ترےٚ زِٹھؠ ادُونقام قبیلٕکؠ منٛزٕ یِمنہٕ گۅڈٕ زُربّابلؔس سٟتؠ واپس ٲسؠ آمٕتؠ۔14بِگویؔ قبیلہٕ منٛزٕ عُوطیؔ تہٕ زکورؔ، تہٕ مذید 70 نفر۔15عزراؔ چُھ ونان زِ مےٚ کٔرؠ یم سٲری لوٗکھ تتھ دریاوس نِشہ جمع یُس بابلؔ پٮ۪ٹھٕ اہاواؔ کُن گژھان چُھ۔ اسہِ دِتؠ خٟمہٕ تہٕ ٹھہریاے اتہِ ترٛین دوٚہُن۔ اتھ وقتس دوران دِژ مےٚ لوٗکن ہنٛدس فہرِستس نظر اتہِ وچُھم صرف اسرائیلی۔ کاہن تہٕ لاویو منٛزٕ اوس نہٕ کانٛہہ تہِ اسہِ سٟتؠ آمُت۔16مےٚ أنؠ الِیعزرؔ، ارِیئیل، سمعیاؔہ، اِلناتن، یرِیب، اِلناتن، ناتنؔ، ذکریاہ تہٕ مسلامؔ یم سٲری لوٗکن ہنٛدؠ زِٹھؠ ٲسؠ، بیٚیہِ یُویرِؔیب تہٕ ترییِم نفر یمِس الناتنؔ ناو اوس بُلاوِتھ یم گاٹٕلؠ ٲسؠ۔17مےٚ سوٗزؠ یم لاوین ہنٛدس زِٹِھس عدُو ہس نِش یُس کسِیفیا ناوچہِ جایہ روزان اوس۔ تِمو ووٚن تہِ عدُو ہس تہٕ مقدِس کیٚن خٲدمن یہِ کینٛژھا مےٚ تِمن ونمُت اوس زِ اسہِ سٟتؠ سوزؠ ہوکھ کینٛہہ نفر یم خدایہِ سٕنٛدِس مقدس کِس تعمیرس منٛز اسہِ مدد کرن۔18اسہِ پٮ۪ٹھ اوس خدا مہربان، تِمو سوٗزؠ اسہِ سٟتؠ واریاہ فکِر منٛد سرِبیاہؔ تہٕ تٔمؠ سنٛدیو شُریٚو تہٕ رشتہٕ دارو منٛزٕ 18 نفر۔ سُہ اوس محلی سُنٛد اولاد، یُس اسرائیل سٕنٛدِس نیٚچو، لاوی سُنٛد زُر اوس۔19تِمو سوٗزؠ اسہِ نِش حسبیاہؔ تہٕ یسعیاہؔ ہس سٟتؠ تہنٛدؠ بٲے تہٕ شُرؠ ہیٚتھ 20 نفر۔ دونوے نفر ٲسؠ مراری سٕنٛدؠ اولاد ھُس لیوی سُنٛد نیٚچو اوس۔20بیٚیہِ سوزِکھ 22 نفر یم خدایہ سٕنٛدِس گرس منٛز کٲم کرَن۔ بادشاہ داوود تہٕ تمسنٛدیو حٲکمو کٔرؠ مختلف قبیلہٕ لاویؔن ہنٛزِ خدمٕژ باپتھ مقرر۔ مےٚ کٔرؠ تِمن تمام فردن ہنٛدؠ ناو درٕج۔21أتی موجود اہاواؔ کۅلہِ نِش کوٚر مےٚ اعلان زِ أسؠ سٲری کرو عٲجزی تہٕ بیٚیہِ تھاوو اکہ مقرر وقتہٕ خٲطرٕ روزٕ۔ مےٚ ووٚن تِمن یِتہِ زِ اسہِ پزِ پننِس خدایس برونٛہہ کنہِ نٲدم سپدُن۔ أسؠ منٛگو تس پننٮ۪ن بچن ہنٛز سلامٔتی، پنَنہِ مالٕچ حفاظت تہٕ یہِ سفر سیٚدِ بُتھِ کامیٲبی سان انٛد واتناونُک دُعا۔22امہِ برونٛہہ چُھ اسہِ بادشاہس یہِ ونمُت زِ سون خدا کرِ تِمن رٲچھ یم پزِدلہٕ تمؠ سنٛز پژھ تھاون، مگر تمن پٮ۪ٹھ چُھ سُہ سخت ژکھِ گژھان یم تس سنٛز نافرمٲنی کران چھِ۔ اوے اوسُس بہٕ بادشاہس یہِ وننہٕ منٛدچھان زِ اسہِ سوزؠ ووکھ کینٛہہ فوجی تہٕ گُرؠ سوار یم اسہِ وتہِ وتہِ دشمنو نِشہ حفاظت کرن۔23حطاکہِ اسہِ آسہ روزٕ تہِ تھاوِمَژٕ تہٕ پننِس خدایس حفاظتہٕ خٲطرٕ منٛگ منٛگ تہِ کٔرمٕژ۔ تہٕ تٔمؠ اوس سون منٛگن بوزمُت۔24مےٚ ژٲرؠ کاہنو ہنٛدیو زِٹھیٚو منٛزٕ باہ نفر، سرِبیاہؔ تہٕ حسبیاہؔ ہس سان بیٚیہِ داہ لاوی۔25مےٚ کٔرؠ تِمن چانٛدِ ہنٛدؠ، سۅنہٕ سنٛدؠ تہٕ باقی قٟمتی تحفہٕ یروشلم واتناونہٕ خٲطرٕ حوالہٕ۔ یم بادشاہن، تمسںنٛدیو وزیرو، حٲکمو تہٕ تِمو اسرائیلی باشنٛدو خدایہ سُنٛد گرٕ تعمیرٕ کرنہٕ باپتھ جمع ٲسؠ کٔرمٕتؠ یم بابلؔس منٛز روزان ٲسؠ۔26یُتھےٕ مےٚ یم چیز کاہنن حوالہٕ کٔرؠ مےٚ تولؠ یم اکہ اکہ۔ یم ٲسؠ تقریبن زٕتووہہ ساس کِلو چٲنٛدؠ تہٕ چانٛدِ ہنٛدؠ بنٲوؠ مٕتؠ چیز قریبن ترٛے ساس ژوٚر ہتھ کلو، سۅن ترٛے ساس ژوٚر ہتھ کلو27سۅنہٕ سنٛدؠ 20 پیالہٕ یمن ہُنٛد کُل وزن ساڑ ٲٹھ کلو اوس تہٕ سرتلہِ ہنٛدؠ کلاے کٔرتھ زٕ خوبصورت بانہٕ یم لگ بگ سۅنہٕ کہِ مۅلہٕ ٲسؠ۔28مےٚ ووٚن تِمن کاہنن تہٕ لاوینؔ، "توٚہؠ چُھو یہُوواہؔ سٕنٛدِ باپتھ مقدس۔ یتھے پٲٹھؠ چھِ تِہنٛدِ باپتھ یم قٟمتی چیز تہِ مقدس۔ یہِ سۅن تہٕ یہِ چٲنٛدؠ چھےٚ لوٗکو عقیدتہٕ سان یہُوواہؔ ہس سٲنِس جَدٕ اجدادن ہنٛدس خدایہ یہُوواہؔ سٕنٛدِ خٲطرٕ نذر کٔرمٕژ۔29لہٰذا کٔرؠ زیٚو یمن ہُشیٲری سان حفاظت۔ یروشلمؔ وٲتِتھ تولؠ زیٚو یم بیٚیہِ کاہننؔ، لاوینؔ تہٕ باقی اسرائیل زِٹھیٚن برونٛہہ کنہِ۔ تم تھاون پتہٕ یم نوِ مقدِس ہنٛدیٚن سنٛگین گُدامن منٛز۔30یتھ پٲٹھؠ رٔٹؠ کاہنو تہٕ لاویو یم سٲری تحفہٕ، چٲنٛدؠ، سۅن تہٕ باقی قٟمتی چیژ مےٚ نِشہ خدایہ سٕنٛدِس گرس منٛز یروشلمؔ واتناونہٕ باپتھ۔31أسؠ دراے گوٚڈنکہِ ریٚتکہِ بہمہِ تٲریخہ، اہاواؔ دریاوٕ پٮ۪ٹھٕ یروشلمؔ کُن۔ اسہِ اوس پننِس خدایہ سُنٛد مدد سٟتؠ یمؠ سفرس دوران أسؠ دشمنن تہٕ گزنٛدن ہنٛدِ زاگ لٲگِتھ حملہٕ نِشہ بچٲوؠ۔32ییٚلہ أسؠ یروشلمؔ وٲتؠ اسہِ کوٚڈ تریٚن دوٚہُن تھکھ۔33پتہٕ ژاے أسؠ ژورمہِ دوٚہہ خدایہ سںنٛدس گرس منٛز۔ تتہِ روٚٹ زِٹھیٚو باقی چیزو سان سۅن تہٕ رۅف تولِتھ۔ یمن زِٹھیٚن منٛز ٲسؠ زٕ کاہن اُوریاہؔ سُنٛد نیٚچو مرِیموؔت تہٕ فینحاسؔ سُنٛد نیٚچو الِیعزرؔ تہٕ لاویو منٛزٕ زٕ یسوعؔ سُنٛد نیٚچو یُوزابادؔ تہٕ بِنویؔ سُنٛد نیٚچو نَوعِیدؔیاہ34تِمو گنٛزُر تہٕ تول پریٚتھ اکھ چیز تہٕ کُرکھ اکہ اکہ درٕج کُس چیز کوتاہ لوٚگ یُس تِمو روٚٹ۔35أسؠ یم تہِ بابلؔ ژٔلِتھ گٲمٕتؠ ٲسؠ تہٕ جلایہ وطنی پتہٕ واپس یتھ کرِ اسہِ خدایہ سٕنٛدِ ناوٕ زٲلِتھ قۅربٲنیہ پیش: اسرائیلی لوٗکن باپتھ 12 ؤژھؠ، 96 ہنٛڈؠ تہٕ 77 چِھر۔ تہٕ پننٮ۪ن گوٚنہَن ہُنٛد کفارٕ دنہٕ باپتھ کٔرؠ مذید 12 ژھاوٕلؠ قربان۔ یم سارے قربٲنیہِ آیہ قربان گاہس پٮ۪ٹھ زٲلِتھ یہُوواہسؔ نذر کرنہٕ۔36اسہِ سٟتؠ بابلہٕ پٮ۪ٹھٕ آمتیٚو کٔرؠ تم خط دریاو فراتکہِ مغربی علاقہٕ کِس گورنر تہٕ تمسنٛدیٚن باقی حٲکمن حوالہٕ یم تِمن بادشاہن دِتمٕتؠ ٲسؠ۔ یُتھے تِمو یہِ خط پوٚر تِمو کٔر اسرائیلی لوٗکن ہنٛز حمایت خدایہِ سُنٛد مقدِس بناونہٕ باپتھ۔
ارُن سُنٛد نیٚچو اِتمرؔ سٕنٛدِ قبیلہٕ منٛزٕ دانی ایلؔ۔
بادشاہ داوود سٕنٛدِ خاندانہٕ منٛزٕ حطُوشؔ۔3سِکنیاہؔ سٕنٛدِ نسلٕکؠ۔
پرعُوسؔ قبیلہٕ منٛزٕ ذکریاہؔ تہٕ بیٚیہِ 150 نفر۔4پخت موآبؔ قبیلہٕ منٛزٕ زراخیاؔہ سُنٛد نیٚچو اِلیہُوؔ عینیؔ تہٕ بیٚیہِ 200 نفر۔5یحزی ایل سُنٛد نیٚچو سِکنیاہؔ تہٕ زتتو قبیلہٕ پٮ۪ٹھٕ ٲسؠ باقےٕ 300 نفر آمٕتؠ۔6عدینؔ قبیلہٕ منٛزٕ یونتنؔ سنٛدِس نیٚچو عبدؔ تہٕ 50 باقےٕ نفر۔7عیلام قبیلہٕ منٛزٕ عتلیاہؔ سُنٛد نیٚچو یسعیاہؔ تہٕ بیٚیہِ 70 نفر۔8سفطیاہؔ قبیلہٕ منٛزٕ مِیکاایل سُنٛد نیٚچو زبدیاہؔ تہٕ تس سٟتؠ مذید 80 نفر۔9یوآبؔ قبیلہٕ منٛزٕ یحی ایلؔ سُنٛد نیٚچو عبدیاہؔ تہٕ تس سٟتؠ 218 نفر۔10بنی قبیلہٕ منٛزٕ یوسُفیاؔہ سُنٛد نیٚچو سلُومِیت تہٕ باقےٕ 160 نفر۔11ببئیؔ سُنٛد نیٚچو ذکریاہ تہٕ باقےٕ 28 نفر تمِس شخصہٕ سٕنٛدِ قبیلہٕ منٛزٕ یمؠ سُنٛد ناو اوس ببٔیؔ۔12عزجادؔ قبیلہٕ منٛزٕ ہقّاطاؔن سُنٛد نیٚچو یُوحنانؔ تہٕ باقےٕ 110 نفر۔13ادُونقام قبیلٕکؠ ترٛےٚ زٔنؠ الیفلطؔ، ایلؔ تہٕ سمعیاؔہ تہٕ باقےٕ 60 نفر۔ تِم ٲسؠ ٲخری ترےٚ زِٹھؠ ادُونقام قبیلٕکؠ منٛزٕ یِمنہٕ گۅڈٕ زُربّابلؔس سٟتؠ واپس ٲسؠ آمٕتؠ۔14بِگویؔ قبیلہٕ منٛزٕ عُوطیؔ تہٕ زکورؔ، تہٕ مذید 70 نفر۔15عزراؔ چُھ ونان زِ مےٚ کٔرؠ یم سٲری لوٗکھ تتھ دریاوس نِشہ جمع یُس بابلؔ پٮ۪ٹھٕ اہاواؔ کُن گژھان چُھ۔ اسہِ دِتؠ خٟمہٕ تہٕ ٹھہریاے اتہِ ترٛین دوٚہُن۔ اتھ وقتس دوران دِژ مےٚ لوٗکن ہنٛدس فہرِستس نظر اتہِ وچُھم صرف اسرائیلی۔ کاہن تہٕ لاویو منٛزٕ اوس نہٕ کانٛہہ تہِ اسہِ سٟتؠ آمُت۔16مےٚ أنؠ الِیعزرؔ، ارِیئیل، سمعیاؔہ، اِلناتن، یرِیب، اِلناتن، ناتنؔ، ذکریاہ تہٕ مسلامؔ یم سٲری لوٗکن ہنٛدؠ زِٹھؠ ٲسؠ، بیٚیہِ یُویرِؔیب تہٕ ترییِم نفر یمِس الناتنؔ ناو اوس بُلاوِتھ یم گاٹٕلؠ ٲسؠ۔17مےٚ سوٗزؠ یم لاوین ہنٛدس زِٹِھس عدُو ہس نِش یُس کسِیفیا ناوچہِ جایہ روزان اوس۔ تِمو ووٚن تہِ عدُو ہس تہٕ مقدِس کیٚن خٲدمن یہِ کینٛژھا مےٚ تِمن ونمُت اوس زِ اسہِ سٟتؠ سوزؠ ہوکھ کینٛہہ نفر یم خدایہِ سٕنٛدِس مقدس کِس تعمیرس منٛز اسہِ مدد کرن۔18اسہِ پٮ۪ٹھ اوس خدا مہربان، تِمو سوٗزؠ اسہِ سٟتؠ واریاہ فکِر منٛد سرِبیاہؔ تہٕ تٔمؠ سنٛدیو شُریٚو تہٕ رشتہٕ دارو منٛزٕ 18 نفر۔ سُہ اوس محلی سُنٛد اولاد، یُس اسرائیل سٕنٛدِس نیٚچو، لاوی سُنٛد زُر اوس۔19تِمو سوٗزؠ اسہِ نِش حسبیاہؔ تہٕ یسعیاہؔ ہس سٟتؠ تہنٛدؠ بٲے تہٕ شُرؠ ہیٚتھ 20 نفر۔ دونوے نفر ٲسؠ مراری سٕنٛدؠ اولاد ھُس لیوی سُنٛد نیٚچو اوس۔20بیٚیہِ سوزِکھ 22 نفر یم خدایہ سٕنٛدِس گرس منٛز کٲم کرَن۔ بادشاہ داوود تہٕ تمسنٛدیو حٲکمو کٔرؠ مختلف قبیلہٕ لاویؔن ہنٛزِ خدمٕژ باپتھ مقرر۔ مےٚ کٔرؠ تِمن تمام فردن ہنٛدؠ ناو درٕج۔21أتی موجود اہاواؔ کۅلہِ نِش کوٚر مےٚ اعلان زِ أسؠ سٲری کرو عٲجزی تہٕ بیٚیہِ تھاوو اکہ مقرر وقتہٕ خٲطرٕ روزٕ۔ مےٚ ووٚن تِمن یِتہِ زِ اسہِ پزِ پننِس خدایس برونٛہہ کنہِ نٲدم سپدُن۔ أسؠ منٛگو تس پننٮ۪ن بچن ہنٛز سلامٔتی، پنَنہِ مالٕچ حفاظت تہٕ یہِ سفر سیٚدِ بُتھِ کامیٲبی سان انٛد واتناونُک دُعا۔22امہِ برونٛہہ چُھ اسہِ بادشاہس یہِ ونمُت زِ سون خدا کرِ تِمن رٲچھ یم پزِدلہٕ تمؠ سنٛز پژھ تھاون، مگر تمن پٮ۪ٹھ چُھ سُہ سخت ژکھِ گژھان یم تس سنٛز نافرمٲنی کران چھِ۔ اوے اوسُس بہٕ بادشاہس یہِ وننہٕ منٛدچھان زِ اسہِ سوزؠ ووکھ کینٛہہ فوجی تہٕ گُرؠ سوار یم اسہِ وتہِ وتہِ دشمنو نِشہ حفاظت کرن۔23حطاکہِ اسہِ آسہ روزٕ تہِ تھاوِمَژٕ تہٕ پننِس خدایس حفاظتہٕ خٲطرٕ منٛگ منٛگ تہِ کٔرمٕژ۔ تہٕ تٔمؠ اوس سون منٛگن بوزمُت۔24مےٚ ژٲرؠ کاہنو ہنٛدیو زِٹھیٚو منٛزٕ باہ نفر، سرِبیاہؔ تہٕ حسبیاہؔ ہس سان بیٚیہِ داہ لاوی۔25مےٚ کٔرؠ تِمن چانٛدِ ہنٛدؠ، سۅنہٕ سنٛدؠ تہٕ باقی قٟمتی تحفہٕ یروشلم واتناونہٕ خٲطرٕ حوالہٕ۔ یم بادشاہن، تمسںنٛدیو وزیرو، حٲکمو تہٕ تِمو اسرائیلی باشنٛدو خدایہ سُنٛد گرٕ تعمیرٕ کرنہٕ باپتھ جمع ٲسؠ کٔرمٕتؠ یم بابلؔس منٛز روزان ٲسؠ۔26یُتھےٕ مےٚ یم چیز کاہنن حوالہٕ کٔرؠ مےٚ تولؠ یم اکہ اکہ۔ یم ٲسؠ تقریبن زٕتووہہ ساس کِلو چٲنٛدؠ تہٕ چانٛدِ ہنٛدؠ بنٲوؠ مٕتؠ چیز قریبن ترٛے ساس ژوٚر ہتھ کلو، سۅن ترٛے ساس ژوٚر ہتھ کلو27سۅنہٕ سنٛدؠ 20 پیالہٕ یمن ہُنٛد کُل وزن ساڑ ٲٹھ کلو اوس تہٕ سرتلہِ ہنٛدؠ کلاے کٔرتھ زٕ خوبصورت بانہٕ یم لگ بگ سۅنہٕ کہِ مۅلہٕ ٲسؠ۔28مےٚ ووٚن تِمن کاہنن تہٕ لاوینؔ، "توٚہؠ چُھو یہُوواہؔ سٕنٛدِ باپتھ مقدس۔ یتھے پٲٹھؠ چھِ تِہنٛدِ باپتھ یم قٟمتی چیز تہِ مقدس۔ یہِ سۅن تہٕ یہِ چٲنٛدؠ چھےٚ لوٗکو عقیدتہٕ سان یہُوواہؔ ہس سٲنِس جَدٕ اجدادن ہنٛدس خدایہ یہُوواہؔ سٕنٛدِ خٲطرٕ نذر کٔرمٕژ۔29لہٰذا کٔرؠ زیٚو یمن ہُشیٲری سان حفاظت۔ یروشلمؔ وٲتِتھ تولؠ زیٚو یم بیٚیہِ کاہننؔ، لاوینؔ تہٕ باقی اسرائیل زِٹھیٚن برونٛہہ کنہِ۔ تم تھاون پتہٕ یم نوِ مقدِس ہنٛدیٚن سنٛگین گُدامن منٛز۔30یتھ پٲٹھؠ رٔٹؠ کاہنو تہٕ لاویو یم سٲری تحفہٕ، چٲنٛدؠ، سۅن تہٕ باقی قٟمتی چیژ مےٚ نِشہ خدایہ سٕنٛدِس گرس منٛز یروشلمؔ واتناونہٕ باپتھ۔31أسؠ دراے گوٚڈنکہِ ریٚتکہِ بہمہِ تٲریخہ، اہاواؔ دریاوٕ پٮ۪ٹھٕ یروشلمؔ کُن۔ اسہِ اوس پننِس خدایہ سُنٛد مدد سٟتؠ یمؠ سفرس دوران أسؠ دشمنن تہٕ گزنٛدن ہنٛدِ زاگ لٲگِتھ حملہٕ نِشہ بچٲوؠ۔32ییٚلہ أسؠ یروشلمؔ وٲتؠ اسہِ کوٚڈ تریٚن دوٚہُن تھکھ۔33پتہٕ ژاے أسؠ ژورمہِ دوٚہہ خدایہ سںنٛدس گرس منٛز۔ تتہِ روٚٹ زِٹھیٚو باقی چیزو سان سۅن تہٕ رۅف تولِتھ۔ یمن زِٹھیٚن منٛز ٲسؠ زٕ کاہن اُوریاہؔ سُنٛد نیٚچو مرِیموؔت تہٕ فینحاسؔ سُنٛد نیٚچو الِیعزرؔ تہٕ لاویو منٛزٕ زٕ یسوعؔ سُنٛد نیٚچو یُوزابادؔ تہٕ بِنویؔ سُنٛد نیٚچو نَوعِیدؔیاہ34تِمو گنٛزُر تہٕ تول پریٚتھ اکھ چیز تہٕ کُرکھ اکہ اکہ درٕج کُس چیز کوتاہ لوٚگ یُس تِمو روٚٹ۔35أسؠ یم تہِ بابلؔ ژٔلِتھ گٲمٕتؠ ٲسؠ تہٕ جلایہ وطنی پتہٕ واپس یتھ کرِ اسہِ خدایہ سٕنٛدِ ناوٕ زٲلِتھ قۅربٲنیہ پیش: اسرائیلی لوٗکن باپتھ 12 ؤژھؠ، 96 ہنٛڈؠ تہٕ 77 چِھر۔ تہٕ پننٮ۪ن گوٚنہَن ہُنٛد کفارٕ دنہٕ باپتھ کٔرؠ مذید 12 ژھاوٕلؠ قربان۔ یم سارے قربٲنیہِ آیہ قربان گاہس پٮ۪ٹھ زٲلِتھ یہُوواہسؔ نذر کرنہٕ۔36اسہِ سٟتؠ بابلہٕ پٮ۪ٹھٕ آمتیٚو کٔرؠ تم خط دریاو فراتکہِ مغربی علاقہٕ کِس گورنر تہٕ تمسنٛدیٚن باقی حٲکمن حوالہٕ یم تِمن بادشاہن دِتمٕتؠ ٲسؠ۔ یُتھے تِمو یہِ خط پوٚر تِمو کٔر اسرائیلی لوٗکن ہنٛز حمایت خدایہِ سُنٛد مقدِس بناونہٕ باپتھ۔
Bridge Connectivity Solutions Pvt. Ltd.