عزرا9
1یِمہٕ چیز سپدنہٕ پتہٕ آے کینٛہہ یہُودؠ زِٹھؠ مےٚ نِش تہٕ وونُکھ، "واریاہ اسرائیلی لوٗکھ، کاہن تہٕ لاوی ہیٚکؠ نہٕ پنُن پان تمہِ نشہٕ الگ تھٲوِتھ یہِ کینٛژھا اتِکؠ روزن وٲلؠ کران ٲسؠ۔ تم تہِ بنیاے تہنٛدین بُرٕ رسمن ہنٛدؠ پٲرو کار۔ یمو کرِ کنعانؔ، حِتی، فِرزی، یبوسؔی، عمونیؔ موآبیؔ، مِصریؔ تہٕ اموریؔ لوٗکن ہنٛز غلط صحبت اختیار۔2خاص کرِ یہِ زِ اسرائیلی مردو کوٚر غٲر اسرائیلی زَنیٚن سٟتؠ خانٛدر، تہٕ پنیٚن شُریٚن تہٕ دِتُکھ یہِ کرنُک اجازت۔ تہٕ یتھ کِنؠ گییہ تھزٕ تہٕ مقدس زٲژ اتہِ چیٚنہٕ باقی زٲژن سٟتؠ رلہٕ۔ پزر چُھ یہِ زِ اتھ منٛز ٲسؠ سٲنؠ کینٛہہ زِٹھؠ تہٕ حٲکم خدایس یِمہٕ بٔڈؠ مجرم ٲسؠ۔3ییٚلہِ مےٚ یہِ بوز مےٚ ژٔٹؠ پلو، مےٚ کوٚڈ پانس مس۔ بہٕ اوسُس حٲرانگی منٛز تہٕ بیوٹھُس پتھر۔4وُنہ ٲسؠ وارایاہ یہُودؠ یم خدایہ سٕنٛدِ حکمٕچ تعمیل کٔرتھ غٲر ملکی زنیٚن سٟتؠ خاندر ٲسؠ نہٕ کران، مگر تم ٲسؠ پننٮ۪ن جلایہ وطنی پٮ۪ٹھٕ واپس آمتیٚن ہنٛزٕ یمہٕ حرکٔژ وُچِھتھ مایوس، تِم ٲسؠ مےٚ انٛدؠ انٛدؠ جمع ییٚلہ بہٕ امہِ دوٚہہ دم پُھٹؠ گٔژھِتھ خاموش اوسُس شامچہ قربٲنی ہنٛدِس وقتس تام۔5مگر ییٚلہ شامچہ قربٲنی ہُنٛد وقت ووت بہٕ وُتھس شوژزَدٕ ہیٚوٗ ژھۅپہٕ دم کٔرتھ کوٚٹھؠ کھوٚکھشہِ یم ژھنمٕتؠ پلو تہٕ ژادر ؤلِتھ تہٕ تُلم پننِس خداوند یہُوواہؔ ہس کُن دعا خٲطرٕ اتھٕ6تہٕ دعاہس منٛز مونٛگم یتھٕ کِنؠ: "اے میانہٕ خدایہ بہٕ چُھس سیٹھاہ شرمنٛدٕ گژھِتھ توٚہہ برونٛہہ کُن یوان۔ اتھ منٛز چُھنہٕ کانٛہہ شک زِ اسہِ اسرائیل یو کٔرؠ تیٖتؠ بٔڈؠ گناہ یم سانیٚو کلو پیٚٹھؠ گے۔ تیٖتؠ خطا گے سرِزد یم آسمانو ہیٚور کٔھتؠ۔7پننیٚو جدو اجداد پٮ۪ٹھٕ رودؠ اسہِ یم خطا سرِزد گژھان، یمہِ باپتھ أسؠ سیٹھاہ شرمنٛدٕ چھِ۔ اوے تہِ کٔرؠ خداین غٲر قومن ہنٛدؠ جٲبر تہٕ ظٲلم حکمران اسہِ پٮ۪ٹھ، سانیٚن بادشاہن تہٕ کاہنن پٮ۪ٹھ مُسلط۔ یمو کینٛہہ قتل کٔرؠ، کینٛہہ قٲدؠ بنٲوؠ تہٕ کینٛہہ لوٹِتھ نِوؠ، یتھ کِنؠ گے أسؠ سٲری رسوا تہٕ خار تہٕ یی چُھ ازیُک حال تہِ۔8مگر وُنؠ گو سون خداوند یہُوواہؔ اسہِ پٮ۪ٹھ مہربان۔ سانیٚن پتھ کُن رودؠ متیٚن بچن برانٛتھ پٲدٕ کٔرِتھ کُوٚرن اسہِ بیٚیہِ پننِس گرس منٛز اژنُک موقہٕ فراہم۔ سٲنؠ روح گے تازٕ تہٕ اسہِ میٚول نوو سوٚکھ، حالانٛکہ وُنتہِ چھِ أسؠ غلامےٕ۔9آ۔ یوٚدوے أسؠ وُنہِ تہِ غلامےٕ چھِ مگر پنٕنؠ خداین ترٲوؠ نہٕ وُنہِ أسؠ۔ ییٚلہ زن توٚہہِ اسہِ پٮ۪ٹھ فارس کِس بادشاہ سنٛز رفاقت عنایت کٔرِتھ سٲنؠ رِہٲیی ممکن بناوو تاکہِ أسؠ کرو پننِس خدایہ سُنٛد گرٕ بیٚیہِ تعمیر یُس تباہ سپُدمت چُھ۔ یمو اسہِ موقہٕ فراہم کوٚر حفاظتہٕ سان یہُوداؔ کِس یروشلمؔ شہرس منٛز دُبارٕ روزنُک10سانہِ خدایہ، بیٚیہِ کیاہ ہیٚکو أسؠ ؤنِتھ؟ توٚہہِ کیاہ نہٕ کُرو سانہِ باپتھ مگر أسؠ چھِ توتہِ تُہنٛز نافرمٲنی کران۔11تِم احکام بجا اننہٕ باپتھ سوزویٚو توٚہہ پنٕنؠ خٲدم یعنی نبی سانہِ باپتھ۔ یمو اسہِ ووٚن زِ یتھ زمیٖنس پٮ۪ٹھ توٚہؠ قٲبض چُھو، سۅ چھےٚ ناپاک سپٕزمٕژ تِمو حرکٔژو سٟتؠ یمہٕ اتِکؠ لوٗکھ کران چھِ۔ تِمو ووٚن یہِ سرِ زمین چھےٚ اکہ انٛدٕ پٮ۪ٹھٕ بیٚیس انٛدس تام لوٗکو ہنٛزو نازیبا حرکژو سٟتؠ مکمل ناپاک تہٕ اولوٗدٕ سپٕزمٕژ۔12لہٰذا پزَن نہٕ اسہِ پننہِ کورِ تہنٛدین گۅبرن نیتھٕرؠ دنہِ! اسہِ پزِ نہٕ پننٮ۪ن گۅبرن تہنٛزن کوریٚن سٟتؠ خانٛدر کرنُک اجازت دیُن! تہٕ اسہِ پزِ نہٕ تِژھ کانٛہہ کٲم کرٕنؠ یمہِ سٟتؠ تِمن حوصلہٕ تہٕ کامیٲبی میلہِ! ییٚلہِ أسؠ یمن احکامن کٲم ہیٚمو سون ملک بنہِ مضبوط۔ اسہِ پزن تِم چیز خوشی سان کھیٚنؠ یم اتھ زمینس پٮ۪ٹھ ۅپدن، تہٕ سٟتی پزِ پننٮ۪ن وٲرثن باپتھ یہِ زمین ہمیشہٕ خٲطرٕ رٔژھراوٕنؠ۔13مگر توٚہہ دِتو اسہِ سزا تکیازِ أسؠ چھِ یَچھ کامہِ کٔرتھ خطاکار سَپدؠ مٕتؠ، مگر توتہِ میٚول نہٕ اسہِ سُہ سزا یمیٚکؠ أسؠ حقدار چھِ۔ بہٕ چُھس یہِ اوٕ موٚکھٕ ونان زِ ژٕ چُھکھ در گُذر کرتھ اسہِ پکہٕ ناوان۔14تاہم چھِ وُنتہِ کینٛہہ تُہنٛدین حکمن ہنٛز نافرمٲنی کران۔ أسؠ چھِ تِمن قومن ہنٛزن کوریٚن سٟتؠ خانٛدر کران یم قٲبلِ نفرت کامہِ کران چھِ۔ اگر أسؠ یم کامہِ کران روٗدؠ گو زِ أسؠ ہیٚمو تُہنٛز ناراضگی مٔلؠ تہٕ توٚہؠ کٔریو اسہِ مکمل تباہ تاکہِ کانٛہہ تہِ باقےٕ یا بچن وول روزِ نہٕ موجود۔15اے یہُوواہؔ، اسرائیل کہِ خداوندٕ ژٕ چُھکھ بے لوٗث، ہمیشہٕ رُت کرن وول! ژےٚ بچٲوتھکھ ونیُک تام اسہِ منٛزٕ کینٛہہ۔ أسؠ چھِ مٲنِتھ زِ أسؠ چھِ نافرمانی ہنٛدؠ مجرم تہٕ یہِ کینٛژھا اسہِ ورتوو تہِ وُچِھتھ چُھنہٕ أسؠ توٚہہِ خٲر منٛگٕنؠ لایِکھےٕ۔"
Bridge Connectivity Solutions Pvt. Ltd.