1 Cor6
1iδekan iyjen essiywem yexs e yecθxe s iyjen seg ewmaθen, endre eyged e yecθxe γer elli muc δ imumnen g elεuwD n elli e yemreq y imumnen?2eltessinemc elli imumnen δ Hekmen elεalem elkul? iδekankum δ θeHkmem elεalem, emmale eθgeddem θeHkmem elmecakel θimezyanin.3w xenyum tessenem elli nečin δ neHkem elmlayxe, emmale max enHekkemc elmecakel n eddunyeθe.4w iδekan ellan elmecakel jerawem f eddunyeθe, endre ettucem y elHukkam elli ettesθeεrifc essisen elkeniyseθ?5melle δ elfDiyHeθ! endre eHebbac jerawem δ wiyn γers elHekmeθ eyged eyeHkem jar ewmaθen?6endre eyged e yecθxe ewmeθ s ewmeθes γer elli muc δ imumnen?7emmale iδekan yelle jerawem ecθxe, meεnahe elli xenyum xasriyn dime. εlac etteθHemlemc eDDulm? εlac eltqeblemc eθemmexδεem? muc wah xiyr?8emme xenyum eθDelmem w eθxeδεem Hette δ ewmeθnewwem imumnen!9xenyum tessenem elli eHebbac e lblaseθ y elli Ďelmen g elmemlxeθ n erreb. eθemmexδεemc. emmale, la δ elfussaq, la δ elli εebδen g leSnam, la δ ezzunnay, w la δ elli γersen elfsaδ,10w la δ essurraq, la δ iĎemmaεen, la isukerjiyyen, la δ elli etsubben, w la δ elli selben, Hette iyjen seg iyh γers elblaseθ g elmelx n erreb.11w yelle δ wiyn essiywem ykan g elHeleθe, emme erreb yTehrawem yerrewem y nette yqedsawem yeHsbawem δ eSSullaH s elquwweθ n seyyedne yesuwε elmesiyH d erruwH n errebbenne.12kul ciy δ elHlal y neč, emme muc kul ciy yneffeε. w reγm elli kul ciy Hlal y neč, ettedjiγ Hette ciy eyyesθeεbeδ.13eče y θeδisθ w θeδisθ y eče, emme erreb δ entyehlex essenniyn. w elbδen n elεebδ muc yezne emme y elxeδmeθ n elmesiyH, w elmesiyH nette elli e yettelhe s elbδen.14w erreb elli yessikker elmesiyH seg θemettent, δ exenysikker nečin zade s elquδerθes.15eltessinemc elli elbeδnewwem δ leĎraf n elmesiyH? endre egedde eδewye eTTerf seg leĎraf n elmesiyH usinc entHutte d temeTTuθ δ θelfasedt? musteHiyl!16w xenyum tessenem elli ayeγ θelfasedt eyeδwel m netteθ. εlexaTer elxθab yeqqar: "essen eδuwlen elbδen iyjen."17emme elli eyeθbeθ d elmesiyH e yeδwel iyδes erruwH iyjen.18erwleθ seg ezne! elγeldaθ elkul elli yθeg δisneθ elεebd elberre n elbeδnes, emme elli eyezne yeγleĎ g elHeq n elbeδnes.19eltessinemc elli elbeδnewwem nette elheykel n erruwH elqudus elli yεemmer δiywem w elli yucewemti erreb? emmale xenyum muc δ elmelx y imenewwem emme y erreb.20nette yesγeyawem yeδfeε essuwm, emmale mejδeθ erreb g elbeδnewwem.
Chutney Media Agency Limited