1 Cor7
1w ture ejewbe f elHajaθ elli θecepem fellesneθ g eljewebewwem, xiyr y eryaz liθeγc.2emme bac e neθjenneb ezne, edj y kul eryaz temeTTuθes w y kul temeTTuθ eryazes.3w yelzem eryaz ayuc y temeTTuθes elHeqqes, w temeTTuθ zade aθuc y eryazes elHeqqes.4w temeTTuθ leγrec elHukm f elbeδnes εlexaTer y eryazes. w eryaz zade.5w elimenneε Hette iyjen essiywem wissen f imenes kan max e θemfehmem, w y elmuddeθ δ tuqSeyyerθ, bac e yezzal. w elbeεεeδ eθerjεem y eεeleqθewwem bac e lyetγurrec essiywem ecciyĎan max etteθHekkimemc g imenewwem.6emme exennedje eθegem wah, muc δ ellemr.7εlexaTer etteθmenniyγ ekuwnen leεbaδ elkul m neč. emme kul iyjen γers elmewHbeθ seg erreb, iyjen γers elmewHbeθe w wissen γers elmewhbeθ xlaf.8w enne y elli elluγinc d ihejjalen eqqiymen m neč xiyr.9emme iδekan elgeddenc eTfen imenensen yelzem eδaγen. εlexaTer aγe xiyr n elεδab n eccehweθ n elbδen.10emme elli wγiyn entweSSiyγ w wah muc δ edwiyw neč, emme δ elli yseqre essis elmesiyH: yelzem ettedjiyc temeTTuθ eryazes.11w iδekan ettedje δiys, yelzem eθeqqiym etteγc, welle eθsameH eryazes. w yelzem eryaz liθellefc y liweces.12emme elbaqi elli elyeHkiyc elmesiyH fellasen, esennenne neč: iδekan iyjen γers liweces muc δ timuwment w θexs eθedder iyδes, esiθellefc.13w iδekan icθ γers eryazes muc δ imuwmen w nette yexs eyedder iyδes, esettellefc.14εlexaTer eryaz elli muc δ imuwmen e yeδwel yeqreb y rebbi f elxaĎer n liweces timuwment. w temeTTuθ elli muc δ timuwment e θeδwel teqreb y rebbi f elxaĎer n eryazes imuwmen. welle idrarinsen eleqribenc y rebbi, emme g elHqiyqeθ nihnin qerben.15emme iδekan elli muc δ imuwmen yexs eyellef edj eyellef. elweqθes eykuwn elli muc δ imuwmen muc melzuwm s elεaheδ n aγe. w erreb yenneyane e nedder g esselm.16εlexaTer δ wiyn iyessen yumken eθkuwneδ cem temeTTuθ timuwment esbeb n emneε n eryazem? w yumken eθkuwneδ cex ha eryaz imuwmen esbeb n emneε n liwecex?17emme, eyeSSerref kul iyjen g eddunyeθ f elHesb n elmewHbeθ elli yuceyest elmesiyH, d elHal elli yHuTT δiys erreb. wah elli eθγeSbe f imumnen.18elli yemnabe w nette δ imĎehher liHerrezc eĎehres. w elli yemnabe w nette muc δ imĎehher yetHewelc e yemĎehher.19muc muhem δ imĎehher ziyγ la, elmuhem elxeδmeθ s elwSaye n erreb.20yelzem kul iyjen eyeqqiym f elHal elli yHuTT δiys erreb.21endre θkaneδ δ exδiym max i xinabe erreb? muc muhem. emme iδekan eθgeddeδ eθeδwleδ δ Hurri, eθDeyεec elfurSeθ.22εlexaTer iδekanek exδiym max i xinabe elmesiyH, meεnahe θemneεeδ seg elquwweθ n eδδemb. emme iδekanek δ exδiym Hurri max i xinabe elmesiyH, teδweleδ δ y elmesiyH.23yesγeyawem erreb s essuwm yeγle, eθeδewlemc δ ixδiymen y leεbaδ.24kul iyjen essiywem ey ewmaθen, yelzem eyeqqiym d erreb g elHal elli yHuTT δiys.25emme elli elluγinc, elγriyc y nihnin elwSeyyeθ seg elmesiyH. emme exennuce erray εlexaTer s enneεmeθ n rebbi teδwel γeri.26enne, f elxaĎer n eDDiyqe, kul iyjen eyeqqiym f elHeles.27endre cex merbuwT s temeTTuθ? eθeĎlbec e θebεδeδ felles. endre cex leγrexc temeTTuθ? eθeĎlbec temeTTuθ.28emme iδekan tuγiyδ elteγliĎec. w iδekan tuγe θeqeyyerθ elteγliĎc. yemenni elli eδaγen e teεben g eddunyeθ, w neč elγisexc e θetεbem.29ey ewmaθen exse enne elli elweqθ yeδwel δ iqSeyyer egget. emmale elli γersen elwacun ekuwnen ekenni blac elwacun.30w elli θerwen ekenni etterwenc. w elli ferHen ekenni elferHenc. w elli essaγen ekenni elmelxenc.31w elli etteθεemalen g lumuwr n eddunyeθ ekenni etteθεemilenc b elkul. εlexaTer eddunyeθe fenye s elli δiys elkul.32exsγawem ettedjemc γerwem elqleq. elli elyuγic eyettelhe s lumuwr n elmesiyH, εlexaTer yexs eθireDDe.33emme elli yuγe eyettelhe s lumuwr n eddunyeθ εlexaTer yexs eyreDDe liweces,34w elhas yemzuwn f cirθiyn. w sahen temeTTuθ elli eltuγiyc ziyγ θeqeyyerθ eθettelhe s lumuwr n elmesiyH, w eθkun y nette s erruwH d elbδen. emme elli θuγe eθettelhe s lumuwr n eddunyeθ. εlexaTer texs esserDe eryazes.35neč eqqare sah muc bac e xenneqne, emme g elmeSleHθewwem, bac e θegem ellazem texδmem elmesiyH belgde w s enniĎam yebhe.36iδekan yelle δ wiyn yθeg g emuwHec y θexĎibθes w netteθ tekbar, w eccehweθes ettemeqqerθ, yelzem eyenjef. edj ayeg elli yexs, eddiyc elεiyb.37emme elli eyfekker liθeγc w eθyeγSib Hed w nette cedd imenes, muc lazem ayeγ θexĎibθes xiyr.38emmale elli ayeγ ayeg elHajeθ tebhe, emme elli liθeγc, xiyr.39temeTTuθ temmeqqen g eryazes meδam yedder. emme max e yemmuwθ, γers elHeq aθeγ elli θexs, seg elli δ imumnen berk.40emme yeδhurli eθkun ferHanyeθ exθer lukan eθeqqiym siyn. w yeδhurli egedde enne wah s erruwH n erreb.
Chutney Media Agency Limited