1 Cor14
1emmale yelzem e θkuwn γerwem exse, w exseθ eSbiyH zade elmwaheb n erruwH w exSuwSi elmuhbeθ n ennubuwweθ.2max eyuθlay iyjen s elluwγeθ ettessinenc leεbaδ, eθfehmenc leεbaδ, εlexaTer s erruwH yδukke g elHajaθ, entessin kan δ erruwH.3emme elli yetteθnebbe, yδukke y leεbaδ s elli yneffeε w yečejjeε w yetεezze.4elli yδukke s elluγaθ ybenne y imenes, emme elli yetteθnebbe ybenne y meSleHθ n elkeniyseθ.5exse elkulkum e θuθlayem s elluγaθ, emme e θeθnebbam ebjel, εlexaTer elli yetteθnebbe eεDem n elli yδukke s elluγaθ, kunc iδekan nette ziyγ iyjen xlaf yetfesser g mat i yeqqar elmi ettefhem elkeniyseθ, usinc e θawi essis elli ettiεezze.6w ture iδekan useδγawem, ey ewmaθen, uθleyγawem s elluγaθ, max exennenfεe iδekan edwiyw eddiyc elweHy ziyγ δ elmeεrfeθ ziyγ δ ennubuwweθ ziyγ δ eseqri.7w Hette y elmeεεuwn n temuwsiqθ elli eddiyc eddar m elmezmar ziyγ elgitar, iδakan essufaγen eSSuwθ iyjen, max γ nessen δ mantan elmeεεuwn?8w iδekan eSSuwθ n elbuwq δ imδiγδec, δ wiyn e yHeDDer imenes y elHerb?9cex zade, iδekan eddukkiyδ s elluγaθ etmefhimnec, Hette iyjen elyessin elmeεne n elli teqqareδ diys. eθkuwneδ m wiyn yδukke y elhwe.10g eddunyeθ elluγaθ ettimeθnewεin, emme eHebbac icθ leγrec elmeεne.11iδekan eltefhimec elmeεne n elluwγeθ elli selle δiys, ekuwne δ eberrani y elli yδukke, w elli yδukke δ eberrani y neč.12neč essene elli xenyum texsem elmwaheb n erruwH, eĎlbeθ erreb exenyerni essisneθ f elxaĎer n meSleHθ n elkeniyseθ.13heδake εlac elli yδukke s elluwγeθ e yeĎleb seg erreb e syuc elmuhbeθ n eterjmes.14εlexaTer iδekan etzelliγ s elluwγeθ, erruHiyw netteθ elli etzelle, emme elεeqliyw elyθeg ciy.15mat age, emmale? ezzelle s erruHiyw d elεeqliyw zade. usinc e γenniγ ezzelle s erruHiyw d elεeqliyw zade.16w iδekan tHemdeδ g erreb kan s erruwH, max i θexseδ elεebδ ayen "amiyn!" f eHmeδex, w nette δ jδid g eliman w elyessinc mat i θeqqareδ.17εlexaTer reγm elli eHmeδex yebhe, elγirex elyerbiyH ciy.18eHemde erreb εlexaTer δukkiyγ s elluγaθ xirewwem.19emme g elkeniyseθ exse enne xemse δ elkelimaθ etmefhemneθ bac e seqriyγ elγiriyw, xiyr n elli enne εecre elaf kelimaθ s elluwγeθ etmefhimc.20eθkunemc, ey ewmaθen, m idrari g efekrewwem. emme g eccer kuwneθ m ege n idrari w g efekker m elbullaγ.21yenne elxθab, "δ eδuθlaye y ecceεbe s elluγaθ δ tiγriybin d ecwareb δ iγriyben, emme mehumc δ eyyeslen.22emmale edwi s elluγaθ δ elmuhbeθ y elli muc δ imumnen. emme ennubuwweθ δ elmuhbeθ y elli δ imumnen, muc y elli muc δ imumnen.23w lukan emlemden imumnen uθlayen kul iyjen s elluwγaθ, usinc eδaδfen fellawem elli muc δ imumnen, endre ennen fellawem δ imehbal?24emme max e bδan elkul etteθnebban, usinc e yaδef iyjen muc δ imuwmen, usinc e ysel elli e θwebbexen eHkemen fellas,25usinc emmekcfen lesrar n ules, usinc e yesjeδ yeHmed y erreb, usinc e yecheδ elli erreb binetkum.26emmale, ey ewmaθen, max e θemlemdem w kul iyjen essiywem γers θeγunneyθ ziyγ δ eseqri ziyγ δ elweHy ziyγ δ edwi s elluwγeθ eltemmessenc ziyγ δ eterjmes, yelzem eykuwn kul ciy y eseqwi n elkeniyseθ.27w iδekan yelle δ wiyn yexs e yuθlay s elluγaθ, edjeθ y sen ziyγ tlaθe b elkeθiyr, iyjen beεεeδ iyjen, w iyjen e yterjem.28emme iδekan eHebbac elli e yterjem, elli yexs e yuθlay s elluγaθ yelzem e yessuwsem g elkeniyseθ, usinc e yehmes s edwi jares nette d erreb.29w lenbye edj e yuθlay essisen sen ziyγ tlaθe, w edj iddiyn e Hekmen.30w iδekan iyjen seg elli eqqiymen yuseδes elweHy, edj e yessuwsem elli ykan yδukke,31εlexaTer eθgeddem elkulkum eθeθnebbam, iyjen beεεeδ iyjen, bac e θεelmen elkul eθcejεen.32w elli etteθnebban yelzem e θHekmen g ennubuwθensen elli γersen.33εlexaTer erreb liγic elhemejiyyeθ, emme eslam. edj essusemneθ elwecunewwem g elkeniyseθ emmax g eljmeεεeθ n imumnen, meyelzemhumc eδuθleyneθ. w yelzem eslneθ emmax i θeqqar ecceriyεeθ.35w iδekan exsneθ e θεellemneθ elHajeθ edj enceδneθ iryezennesneθ g elHuwc, εlexaTer δ elεar e θuθlay temeTTuθ g elkeniyseθ.36endre elkelimeθ n erreb tuseδ essiywem, welle tiweδ tweliwwem xenyum weHδawem?37w iδekan iyjen yetεilak imenes δ enbi, welle γers elmuhbeθ n erruwH, yelzem eyessen elli uriγewemt nette δ elwSeyyeθ n erreb.38w iδekan elyessinc wah, rebbi b elHeq eθyessinc.39emmale ey ewmaθen, exseθ elmewHbeθ n ennubuwweθ w eθemnεemc edwi s elluγaθ.40w edj kul ciy e ySar s enniDam.
Chutney Media Agency Limited