1 Cor15
1w ture, ey ewmeθniyw, exse exennesfekre s ellinjiyl elli beccerγawem essis teqblemt teθbθem δiys,2εlexaTer e θemnεem essis, max e θeTfem g edwi elli beccerγawem essis, welle elimenewwem liSalleH y cey.3neč iwiye wah w beεεeδ uciγewemt εlexaTer muhem egget: εlexaTer elmesiyH yemmuwθ f elxaĎer n eδnubenne, emmax i dyuse g elxθab.4yemmerδem yemsikker as eθθaleθ emmax i dyuse g elxθab.5w beεεeδ yban y buTrus d etlemδe leθnac.6w beεεeδ yban g elweqθ iyjen y exθer n xemse miyye waHed seg ewmaθen jmiyε, elmexθrensen elluciyn edderen w lebHaD yemmuwθen.7w yban y yeεquwb w elbeεεeδ y imersal elkul.8w g ellexxer yban y neč, ekenni δ englus yemmaru muc elweqθes!9w neč eqel waHed g imersal, w g elHeq ettesθHeqqexc emsemmiyγ emersal εlexaTer θεeddiyγ f elkeniyseθ n erreb.10emme elli δiys neč ture seg enneεmeθ n erreb felle. w enneεmeθ elli yuceyit eltkanc δ elbaTel, emme jehδe exθer n imersal iddiyn elkul. emme δ wiyn elli yjaheδ g elHeq? endre δ nec? la, emme δ enneεmeθ n erreb elli δiyyi.11siwe δ neč ziyγ δ nihnin, wah elli enbeccerawem essis w wah elli θemmenem essis.12w iδekan netbeccer s elli elmesiyH yemsikker seg jar inemmutte, max ennen lebHaD essiywem elli inemmutte ettemsekrinc?13iδekan inemmutte ettemsekrinc, meεnahe elli elmesiyH elyemsikkerc zade!14w iδekan elmesiyH elyemsikkerc, netbeccer s elbaTel w elimenewwem δ elbaTel.15w enkuwn zade δ eccuhhaδ n ezzuwr f erreb, iδekan inemmutte ettemsekrinc. εlexaTer necheδ elli erreb yemsikker elmesiyH emme nette eθyessikkerc.16iδekan inemmutte ettemsekrinc, elmesiyH elyemsikkerc zade.17w iδekan elmesiyH elyemsikkerc, elimenewwem δ elbaTel w xenyum eltucim g eδnubewwem.18w elli emmuwθen zade g elmesiyH, hlexen.19w iδekan eθmenninne g elmesiyH yetteθεeddiyc eddunyeθe, nečin etεeb n elli emmexlqen elkul.20emme elHqiyqeθ elli elmesiyH yemsikker seg jar inemmutte, w nette emenzu n elli emsikren seg temettent.21temettent tuseδ f afus n elεebδ, w f afus n elεebδ edyes ekkar n inemmutte.22w emmax leεbaδ elkul etmetten εlexaTer nihnin m adem, δ edren εlexaTer nihnin θbeθen g elmesiyH.23emme kul iyjen s errutbθes: elmesiyH yekker g ellewwel, w max edyes elmesiyH elmerreθ xlaf, ekren elli tebεiyne.24w elbeεεeδ ettas ellaxreθ, usinc e yerbeH elmesiyH elmemlxaθ elkul d essulTaθ elkul d elquwwaθ elkul elli ettimεaδiθ y erreb deddeθne, usinc e eyuc elmelx y erreb elli lennej.25εlexaTer lazem e yeHkem elmesiyH usinc yHut leεδas elkul eddu ikreεnes.26w exxer waHed g leεδe e yemmehlex nette δ temettent.27w elxθab yeqqar elli erreb yedje kul ciy eddu ikreεnes. w max ayen kul ciy meεnahe yekkes kan δ erreb elli yedje kul ciy y elmesiyH.28w max ayedj kul ciy y elmesiyH, elmesiyH biyδe yetĎaweε g erreb, elli yucayes kul ciy, bac e yeδwel kul ciy y elkul.29w iδekan inemmutte ettemsekkirinc, mat elmeεntes elli θegen δiys elli etteθεemmeδen reγm elxTer n temettent? w imat etteθεemmeδen y nihnin?30w y nečin zade, imat neTHut g imenenne g elxTer kul saεe?31w neč medye g temettent kul yuwm, enne wah, ey ewmaθen, εlexaTer belHeq eθfuxre essiywem d imumnen elkul s elmesiyH yesuwε.32meδemni δ elεebδ δ elfani, mat elfeyδeθ elli iwyext max i Harbe elhwayec g efesus? iδekan inemmitte ettemsekkirinc, emmale:edj aneč nesw,εlexaTer eyče enemmuθ.33eθexδεemc imenewwem: elεecreθ temuHecθ eθfesseδ lexlaq ibehhayen.34eθSerfeθ s δkaweθ elbelewwem, w eθeγldemc, εlexaTer belHeq lebHaD essiywem ellessinenc erreb. wah exenyHuT g elHuθmeθ.35emme lebHaD essiywem enecδen: "max emsikren inemmitte? w s menten elbδen erejεen?"36ey ejjahel! elli ettezrεeδ linebbeθc kan max eθemmunkes eθqucrettes.37w elli ettezrεeδ muc δ nette ennebθeθ elli eθembeθ, muc m elHebbeθ n irδen ziyγ δ elHabbeθ xlaf.38w erreb e syeg elbδen emmax i yexs, w kul elHebbeθ γers elbeδnes elxaS.39w elbδen n elHajaθ elli edderneθ elkul muc kifkif. leεbaδ γersen ennuε n elbδen, w elhwayec ennuε xlaf, w izenniwen ennuε xlaf, w elHuwθ ennuε xlaf.40w ellan lebδan δ ismewiyyen, w lebδan δ iberriyyen. emme lebδan ismewiyyen ečebhenc y lebδan iberriyyen.41w tefuθ γers ezzin, w teziyri γers ezzin xlaf, w kul iθri γers ezzin yečebbehc y wissen.42w wah eyendeγ elHal g ekkar n inemmutte. elbδen elli eyemmerδem δ yefseδ emme e yekker meεεeč e yefseδ xlaS.43eyemmerδem blac elkerameθ usinc e yekker s elmejδ. w eyemmerδem Dεiyf usinc e yekker yeqwe.44eyemmerδem δ elbδen n elbecer usinc e yekker δ elbδen s erruwH. madem yelle elbδen n exsum, yelle zade elbδen n ekker s erruwH45w elxθab yeqqar: "ykan adem emexluwq emezwar δiys eddar." emme adem igluxxer, yeδwel δ erruwH tessedder.46w erruwH muc δ iglewwel, emme exsum δ iglewwel, w erruwH beεδes.47elεebδ iglewwel yuseδ seg ecal, emme eθθani yuseδ seg esme.48w elli δ iberriyyen nihnin m elεebδ seg ecal, w elli δ ismewiyyen nihnin m elεebδ elli yuseδ seg esme.49w emmax i ncebbeh y elli yuseδ seg ecal, e ncebbeh zade y elli yuseδ seg esme.50exennenne, ey ewmaθen, elli exsum d iδemmen etgeddenc eδurθen elmemlxeθ n erreb, w la δ elfani e yureθ elli lifennic.51erreθ elbelewwem, wah δ elHajeθ elli θemmeHrez exennettenne: ennetmettic elkulne, emme e nembeddel elkulne,52g elleHDeθ ziyγ g elγemzeθ, max e ynabe elbuwq igluxxer w belHeq δ ynabe. elweqθes ekren inemmitte w elfennanc, w nečin e nembeddel.53εlexaTer elfani yelzem eyembeddel y elHajeθ eltfennic, w wah elli e yemmuwθ e yembeddel y elHajeθ etmettic.54w max e ySar wah, usinc e yembeddel elfani y elli lifennic, w elli yetmette y elli yetmettic, eySar edwi n elxθab: "temreq temettent, yaseδ enneSr!55ha temettent, exentγelbec! ha temettent, exentledγec!"56w eldaγ n temettent nette δ eδδenb, w ecceriyεeθ netteθ elli θuce elquwweθ y eδδenb.57emme elHemdulle elli yuceyane enneSr s seyyedne yesuwε elmesiyH.58emmale, ey ewmeθniyw elli xsexθen, eθbθeθ bac exenyetHerrex Hed seg elbleSθewwem, kuwneθ diyme g elxeδmeθ n elmesiyH, w xenyum tessenem elli etteεbewwem f elxeĎres δ δyaγ elγeltes.
Chutney Media Agency Limited