Exod2
1yenjef yjen seg ifrex n leƹcireṯ n lawiy ijeṯ seg tifrexis.2yaxy tqam rra tuγed afrux. mniyn tufi yezƹem teḥrezzi 3 chuwr.3mniyn maƹadc tetquddu ateḥrez tegga lgruz ƹriḍ seg tqeṣbeyin n lberdi teḏhenni s lguṭran aḏ tessuṣ diyes afrux teggiy g amas n tqeṣbayin af lḥacit n lwaḏ.4aḏ tebbed weltmas s yebƹeḏ tetḥekkar man asyeṭra.5mniyn tused yellis n ferƹuwn bac atƹewem g lwaḏ, aḏ tiqrinnis ggurneṯ af lḥacitis, tezra aydin n lgruz jar tiqeṣbeyin. yaxy tenki tečiwtis bac atiḏeγ.6tmir lgruz yeffeγed diyes meckun aḏ netta d afrux yetƹeyyeḍ. yaxy ysexfas tuwa: «ayuh d yjen seg ifrex n iƹebraniyen.»7yaxy tused weltmas n ufrux, tuwa y yellis n ferƹuwn: «areḥeγ amesγuyeγ y tmeṭṭuṯ teƹebrenit bac atsessef.»8terras yellis n ferƹuwn: «barra.» treḥ tesγuy y yedj n ufrux.9tuweyas yellis n ferƹuwn: «xxen ayuh n afrux. sesfitiḏ we amxelṣex.» telqa temeṭṭuṯ afrux tesessaf diyes.10mniyn yemγer teri y yellis n ferƹuwn. testebnayi aḏ tsemmeyi d muwsa, tuwa: «sefγeγt seg aman.»11beƹd mag yemγer muwsa ireḥ ijuwas bac ayḥekker yeṯmas iƹebraniyen we ayzer mag tƹanen. yaxy yezra argaz d miṣri yečaṯ g yjen d ƹebreni.12yesmuqel muwsa al deh aḏ al deh, mniyn wiyufi ḥed yenγa aydin n umiṣri aḏ yenbelliy adug ijdi.13al ača yeffeγ aḏ yufa sen d iƹebraniyen tnuγun. yaxy yuwa y lliy d ḍḍelem: «ima tečeṯeṯ g memmis n ƹemmiḵ.»14yerras: «mam yeggaḵ d rreys bac aḥekmeḏ jarenneγ? yaxy tesmuḏeḏ taltenγeḏ ḥetta neči mammeḵ tenγiḏ miṣri.» yugeḏ muwsa aḏ yuwa y imanis: «rahiy lexbar yeffeγed.»15yesla ferƹuwn, yesmuḏ tayenγ muwsa, lekenti muwsa yerwel. aḏ ireḥ al tammurt n midyan. mniyn yuṣel ygeƹmez tman anu.16aḏ yusi diyes yjen d lkahen n midyan γares 7 n temickanin usented bac ačarneṯ aman we aƹebbeneṯ ifedjeyen bac asesuneṯ tulli n babesneṯ.17yaxy usend lbeƹḍ seg indin lliy sefreḏen zeƹezqentent, lekenti muwsa yseswesneṯ tulinesneṯ.18mniyn ḏwelneṯ timeckunin al babesneṯ lliy ismis reƹuyil, ysesetnineṯ: «mammeḵ terimted bekri as wuh.»19uwantas: «rahiy argaz d miṣri ysemenƹaneγ seg lliy sefreḏen aḏ yečurenneγ aman aḏ ysessu tullineγ zada.»20yaxy yuweyesneṯ: «mani yella? maγer tedjimet diyn? ureḥmeṯ sγuyemtas bac ayeč.»21afelxaḍert freḥen siyes ggeṯ, yerla muwsa bac ayesken yid ayuh n argaz. wembeƹd yucas yellis ṣefuwra.22yaxy tuγesd afrux ysemmeyi jercuwm, afelxaḍert yuwa: «usiγ d aγrib g tammurt muc d tammurtiw.»23aḏ beƹd isuggesen d iziraren yemmuṯ lmelk n miṣr. aḏ qqimen aṯ israyil tkuttun seg lxeḏmeṯ lliy tuƹer aḏ tzawken. yaxy yesla rebbiy zwikesen.24yeslesen rebbiy aḏ wiyettuc lƹehdis y ibrahiym aḏ isḥaq aḏ yeƹquwb.25aḏ yesmuqel al aṯ israyil sexefnas.
Chutney Media Agency Limited