Acts8
1yerla cawel af tmenγiwt n istifanus. seg aydin n as yuḏel ḍḍulem d meqqar af lmejmeƹ n lmumnin g uwrceliym. aḏ mferqen g leḍraf n lyehuwdiya aḏ ssamira. aḏ wiqqimen diyn kan imersal.2amma istifanus dfenent lbeƹḍ n lliy ittegeḏen seg rebbiy. aḏ ƹiden felles ggeṯ.3aḏ cawel yusi yexs ayekkes lmejmeƹ n lmumnin. aḏ yusi iṭenneḍ seg lḥuc al lḥuc yetkerker g irgazen aḏ tseḏnan, iḥebbes disen.4indin lliy mferqen wsiyn treḥḥen seg umkan al umkan tbecren.5ireḥ filibbus al tmura g ljiheṯ n ssamira aḏ yuḏel yetbeccer s lmesiyḥ.6yaxy ucennas midden timezuγinesen afelxaḍert slen s lmuƹjizaṯ aḏ lemayer lliy yeggineṯ naγ afelxaḍert zrenten s ṭiṭewinesen.7aḏ wsiyn lejnun lliy skenen lbeƹḍ n midden tṣeyḥen aḏ tefγen sisen. aḏ ggeṯ d lliy uḍennen s ccaq aḏ lƹeybin ḥlan.8yaxy freḥḥen midden n tmura lkul.9aḏ yusi diyes g aydin n tmura seḥḥar ismis simƹan, yetteg ssuḥer. aḏ midden n ssamira tqiman fehhen almiy zren aydin. aḏ yettera imanis d lhedreṯ temeqqart.10aḏ wsiyn midden lkul seγdan dwiys aḏ mmalen: «ayuh n argaz netta d lqudreṯ temeqqart n rebbiy.»11aḏ sseγdan g dwiys afelxaḍert yesḥerin s mag yetteg.12amma mniyn ybecrin filibbus s lmelekuwt n rebbiy aḏ s ysem n yesuwƹ lmesiyḥ, ttuzizdyen lkul am irgazen am tseḏnan.13ḥetta simƹan yumen aḏ yettuzizdi aḏ yeqqim yetḥaḏa g filibbus. mniyn yezra lmuƹjizaṯ d lemayer aḏ leƹjayeb ifeh.14mniyn slen imersal g uwrceliym lliy midden n ssamira qbellen dwiy n rebbiy aḏ umennen siyes, nkiynasen buṭrus aḏ yuwḥenna.15ẓullen afelxaḍresen g ssamira bac asenyuc rebbiy rruwḥ lqudus.16afelxaḍert wicci wiyezwic af ḥetta d yjen sisen. amma wsiyn ttuzizdyen s ism siydneγ yesuwƹ.17lweqteḏin buṭrus aḏ yuwḥenna ggen ifesnesen fellasen. yaxy yezwad fellasen rruwḥ lqudus.18yezra simƹan lliy rruwḥ lqudus yezwa af indin lliy umennen mniyn ggen imersal fellesen ifesnesen. ireḥ al buṭrus aḏ yuwḥenna yeƹereḍ fellasen iflusen aḏ yuwayasen:19<uctiḏ ḥetta neči ayuh n lqudreṯ bac ayezwa rruwḥ lqudus af lliy aggeγ felles fusiw. >20yuwayas buṭrus: «γez ifluseniḵ temmuṯeṯ cek yiḏesen. yenda teḥsebeḏ tetqudduḏ aṣγeḏ uca n rebbiy s iflusen?21rahiy wiγreḵc lḥeq aḏ lbay g ayuh, afelxaḍert uliḵ muc ṣafi yid rebbiy.22tab af ccer lliy teggit, teḍelbeḏ rebbiy balek afyeγfer lliy tesmuḏet g uliḵ.23rahiy neči sseneγ lliy cek tetƹeddiḏ g lemrar n lḥuseḏ, aḏ tkeḏfeḏ s ubekkeḍu.»24yuwa simƹan: «ẓelleṯ kennim afelxaḍriw bac wiyesezwic fella leƹqab lliy tuflayem felles.»25seṣlen buṭrus aḏ yuwḥenna tufleyt n rebbiy aḏ becren siyes dinet qebbel man ḏwellen al uwrceliym. aḏ g ubriḏesen becren ggeṯ d lḥumaṯ g ljiheṯ n ssamira.26wembeƹd, yuflay lmleyka n rebbiy y filibbus yuwayas: «kker yyur al lqibelt g ubriḏ n ṣṣeḥreṯ jar uwrceliym aḏ γezza.»27yaxy ireḥ.
aḏ ilaqa yjen seg lḥebeca xṣenṭ aḏ d luzir n lexzineṯ al kendaka lmelika n lḥebeca. yused al uwrceliym bac ayḥidj we ayezzul diyes.28mniyn yusi netta g ubriḏis al lḥebeca af tekerriṭis iƹezzem g lektab n nnabiy icƹeya.29yuwa lmleyka y filibbus: «qreb teyureḏ yid ayuh n tkerriṭ.»30yaxy ireḥḥas filibbus aḏ yeslas iƹezzem g lektab n icƹeya. aḏ yuwayas: «tfehmeḏ g mag tƹezmeḏ naγ aha?»31yerras, «mammeḵ tafehmeγ iḏa wilisiḵen ḥetta ḥed.» aḏ yuwa y filibbus ayeli we ayerkeb yiḏes.32aḏ yusi yuṣel g leƹzem n lektab al ayuh:«am tilli awyent al teγrest,am izmer lliy yesusum zzaṯ lliy tatyeqreḍwiymirc imiswiyewi ḥaja.33rahiy yetweḍlem ggeṯ.wisucenc lḥeqqis.mam yetquddu ayuflay af ṭarwas?rahiy muksent seg tammurt.»34aḏ ysesten luzir filibbus: «mliḏ af mam ydugga nnabiy deh? yaxy af imanis naγ af yjen iḍen.»35yaxy yuḏel yetbeccer diyes s yesuwƹ seg lektab n ayuh n nnabiy.36mniyn tusi tekerriṭ teggur sisen uṣellen al mkan diyes aman. yuwa luzir, «qa aman, maγer wiltezizdeyec?»37yerras filibbus: «tetqudduḏ aggeḏ ayuh kan uliḵ yečur s liyman.» yuwa luzir: «neči umenneγ lliy yesuwƹ lmesiyḥ am memmis n rebbiy.»38aḏ ysebbed tekerriṭ, zwan al aman jmiyƹ, aḏ izizdi filibbus y lwuzir.39aḏ s manis ffeγen seg aman yexdef lmleyka n rebbiy filibbus. aḏ wityufi lwuzir, amma ykemmel abriyḏis aḏ netta yefreḥ.40amma filibbus zrent g cduwd, wembeƹd yeqqim yeggur yetbeccer g tmurewin lkul almiy yuṣel al lqeyṣeriya.
aḏ ilaqa yjen seg lḥebeca xṣenṭ aḏ d luzir n lexzineṯ al kendaka lmelika n lḥebeca. yused al uwrceliym bac ayḥidj we ayezzul diyes.28mniyn yusi netta g ubriḏis al lḥebeca af tekerriṭis iƹezzem g lektab n nnabiy icƹeya.29yuwa lmleyka y filibbus: «qreb teyureḏ yid ayuh n tkerriṭ.»30yaxy ireḥḥas filibbus aḏ yeslas iƹezzem g lektab n icƹeya. aḏ yuwayas: «tfehmeḏ g mag tƹezmeḏ naγ aha?»31yerras, «mammeḵ tafehmeγ iḏa wilisiḵen ḥetta ḥed.» aḏ yuwa y filibbus ayeli we ayerkeb yiḏes.32aḏ yusi yuṣel g leƹzem n lektab al ayuh:«am tilli awyent al teγrest,am izmer lliy yesusum zzaṯ lliy tatyeqreḍwiymirc imiswiyewi ḥaja.33rahiy yetweḍlem ggeṯ.wisucenc lḥeqqis.mam yetquddu ayuflay af ṭarwas?rahiy muksent seg tammurt.»34aḏ ysesten luzir filibbus: «mliḏ af mam ydugga nnabiy deh? yaxy af imanis naγ af yjen iḍen.»35yaxy yuḏel yetbeccer diyes s yesuwƹ seg lektab n ayuh n nnabiy.36mniyn tusi tekerriṭ teggur sisen uṣellen al mkan diyes aman. yuwa luzir, «qa aman, maγer wiltezizdeyec?»37yerras filibbus: «tetqudduḏ aggeḏ ayuh kan uliḵ yečur s liyman.» yuwa luzir: «neči umenneγ lliy yesuwƹ lmesiyḥ am memmis n rebbiy.»38aḏ ysebbed tekerriṭ, zwan al aman jmiyƹ, aḏ izizdi filibbus y lwuzir.39aḏ s manis ffeγen seg aman yexdef lmleyka n rebbiy filibbus. aḏ wityufi lwuzir, amma ykemmel abriyḏis aḏ netta yefreḥ.40amma filibbus zrent g cduwd, wembeƹd yeqqim yeggur yetbeccer g tmurewin lkul almiy yuṣel al lqeyṣeriya.
Chutney Media Agency Limited