Aibraniyi8
Pirisiti dnagbmai ɓəgbeshi woiwoyi nya
1Nsaiye əɓo kpokəloi n yi da, əkwo nu nyi: Yi n pirisiti dnagbmaii lo, n wo sasetu n əbeshnikpegye ɓwaizheɓwa Latu Duduyi nya n əshemi,2jesnu n wo zhni tnutnu n nyakwnugyigyiyi nu, Dagayilubwui ɓəhnihni nya, n Dagayi nu ɓə shi kwo nyi, toge zanyikwoci m.3Ntuge Pirisiti dnagbmai dəhodəhoi, wo zhni knyiknyii nu, n wo ga anyaga n anya akwnukwnuii, ntulonu kwo ɓə zhni ɓəshishi nu, ntu əza dəye ɓo ce, wa ɓwa nyaho n wo ɓa ga.4Ndei wo ɓə gna wo dna n anyì nu, wo to ɓə ɓa zhni pirisiti m, ntuge apirisiti ɓə pmazhizhi n ɓa ga anyaga shi owa n əgbei ga ge a zhni.5Ɓa zhni tnutnu fyi n nyakwnugyigyiyi nu, n əkwo nu zhni dogbe jesnu jejelukwo ədo nya n kwo dna n əshemi nyi. Cenu ɓə zhni apma Mwusa ɓəkwnù, she wo ɓə ye wa mi Dagayilubwui nyi: “Zhni nyahonyahoi dəidəi ngye ofye n a ɓə wu ho kwo tu n əpe nyi.”6Ama ɓəhnihni; ɓəvyitnutnu n Yeisu wo la gwo nyi, kwo du əɓa nya lo ngye shi ɓəgbeshi n əwo nu zhni ɓəwnazhiyi nyi, kwo du kwokwoi nya lo, shikwonyi ɓəgbeshi woiwoyi n shi tu n aɓəgbeshi gnabmyai nu.7Ntuge nyaho to ɓə gna ge kwo wnuwnuiya lo n ɓəgbeshi kpmisnui m, a to ɓə ɓa shna zokwo ədo znashni a dna n dəye əɓwi m.8Ama Shekwoyi ɓə kwu aza leifyi gye wa gna,“Anyipyei ɓe lo, Dagayi nu da lonu,she mi ɓə shi ɓəgbeshi woiwoyin Israila azaijesnu n Yahuda azai.9Kwo to ɓə wú ngye ɓəgbeshi nun mi ɓə shi əɓa azakwoyi nyi m,əsa n mi ɓə n ɓai shiɓwa, ma gyiabye n ɓai ma kwnu ɓa ya ń Masarntuge ɓa to ɓə gwodu fyi n əmi ɓəgbeshi n gbenuii m,jesnu maa pmyiya n əɓa aba.Dagayi nu da nlonu.10Ɓəgbeshii nu nyi n mi ɓə shi kwo n Israila azain əsa dəyi avnu, Dagayi nu da nlonu.Mi ɓə fyi əmi awa n əɓa aɓonubwozhnijesnu mii kwu ɓa kafyi n əɓa adu.Mi ɓə zhni əɓa Shekwoyi,jesnu ɓa ɓə kwu zhni əmi aza.11Aza to ɓə je əɓa kwnuzhiyi nyawu m,kwo əza woi wu əwodo, woi gna,‘Kpe Dagayi əye m,’ntuge əɓa vnyanya ɓə kpe əmi əye ye,ənya n kwo ya n əza gnagbagbai vnyanyakwoi lo əza yaakwo dudui.12Ntuge mi ɓə zo ɓa əɓa əkpízhnijesnu mi to ɓə pá əɓa aleifyi ɓo n shnasnu m.”13Shi a yi ɓəgbeshi ye, “woiwoyi,” wo la kpmisnui nya zè gbəloi nuu; jesnu ənya n kwo zhni kwokwoi jesnu gbəloi; əsa fyewyi, kwo ɓa ɓwuwye.Biblica, Inc.