ኢስያሳ20
ግብጼ ቦላነ ቶጵያ ቦላ ኦደቴዳ ትምቢትያ
1አሶረ ጋድያ ካቲ ሳርጎን ኪቴዳ ኦላ ጋዳዋይ ዪደ፥ አሽዶዳ ግያ ፕልስጼማ ካታማ ኦሊደ ኦይቄዳ ላይ፥2ሄ ዎደ መና ጎዳይ አሞጻ ናኣ ኢስያሳ ሀዋዳን ያጌዳ፤ “ባ፤ ነ ቦላፐ ማቃ ቃራ፤ ነ ገድያፐካ ነ ጫማ ከሳ” ያጌዳ፤ እስያስ ጾሳይ ጌዳዋዳን ሀኒደ፥ ካሎ ጺራነ መላ ገድያን ሀመቴዳ።3መና ጎዳይ ሀዋዳን ያጌዳ፤ “ታ ቆማይ እስያስ ግብጼነ ቶጵያ ቦላን ጋክያባዉ ማላታ ግዳና ማላ፥ ሄዙ ላይ ካሎ ጺራነ መላ ገድያን ሀመቴዳ።4ሄዋዳን አሶረ ካቲ፥ ግብጼፐ ኦሞደቴዳዋንታነ ቶጵያፐ በቲደ ከሴዳዋንታ ካሎ ጺራነ መላ ገድያና፥ ዱሊካ ካሎ ደእሽን ላግ፥ ግብጼ ዬላዉ አፋና።5ቶጵያን አማነትያዋንቱነ ግብጼን ጬቀትያዋንቱ ያዪደ ዬላታና።6አባ ማታን ደእያ አሳይ ሄ ጋላስ ሀዋዳን ያጋና፤ ‘በእተ፥ ኑን አሶረ ካትያፐ አታናዉ ማዲኖ ጊደ ኑ ህዶታ ዎዳነ ኡንቱንቱኮ ባቃቴዳ አሳ ቦላ ሀዌ ጋኬዳ፤ ያትና፥ ኑን ዋን አታናዉ ዳንዳዬቶ?’ ያጋና” ያጌዳ።The Word for the World International