Mukanda wu Pawuli ku bisi- Loma7
Bafwa ludi ha ntadisi yi Misiku
1Mpangi zani, bwabu ku bantu bazebi Misiku nina zonza, luzimbakanandi ko ti Misiku mikwe yaalanga muntu bu kakidi wumoyo.2Bumosi mpe ku mukento wukwela, wukangama kadi mu Misiku mi makwela ku mulumi andi tala ti wakidi wumoyo. Kansi tala ti mulumi wufwidi, kasiidi dyaka wukangama mu Misiku wu makwela na bakala bedyodyo ko.3Tala ti mulumi wakidi wumoyo na wenzi kwela bakala dihiika, weka nsuza. Kansi, tala ti mulumi wufwidi, yandi beki kimpwanza ha ntadisi yi Misiku, mpe baamutumisina nsuza ko bu keka mukento wu bakala dihiika.4Bumosi mpe ku yeno zimpangi zani, lweka bantu bafwa ha ntadisi yi Misiku bu lweka kintwadi na nitu yi Klisto. Muntu wuhiika bwabu wuluvwidi, ni yondowo wufuluka mu bafwa, mwanki tubuta mimbutu mu dyambu di Nzambi.5Mu dyambu ti mu ntangu yitwedi teka zinganga mu kimuntu, mpwila zi masumu mu luyaalu lu Misiku zedi salanga mu binama byeto, mwanki zibuta mimbutu mikwe natanga ku lufwa.6Kansi bwabu tweka mu kimpwanza ha ntadisi yi Misiku mu dyambu ti, tweka bafwa mu myo myedi tukanganga mu kinkole, mwanki tusadila mu nsalulu yimoona yi Mpeve, kansi ka mu luyaalu luntama lu Misiku misonama ko.Masumu na Misiku
7Nki tulendi ta bwabu e? Musiku, disumu didi e? Kaani! Kansi, ni mu Misiku kaka nzabidi masumu. Na keti zaba nzinunu ko tala ti Misiku mita ko ti: «Kuzininandi ko.»8Masumu bu mabaka hwahwa mu lutumu, ni mabuta mu meno nzinunu zimvimba zi mumpila-mumpila. Mu dyambu ti, tala ti kunaani Misiku, masumu kima kifwa kwandi kidi.9Mu ntama, Misiku bu myedi lembolo banga, nedi zinganga. Kansi lutumu bu lwizidi, masumu ma bwesi baka luzingu10mpe meno neka muntu wufwa. Ni hahoho, lutumu luketi nata ku luzingu, luneti ku lufwa.11Mu dyambu ti, masumu bu mabaka hwahwa mu nzila yi lutumu, mampuna, mpe ni manata ku lufwa.12Ni hahoho, Musiku wulongo wudi, mpe lutumu ludi lulongo, lunungu na mbote.13Nganunu misamu mimbote milendi tuukisa lufwa ku meno e? Kaani! Kansi masumu masadidi mi misamu mimbote mu nata ku lufwa. Bwabobo lutumu lusidi ti masumu mayenika nkatika kima kimbi, mpe mandonkidi bubi.Mundongo wu masumu
14Tuzebi ti Misiku misamu mi kimpeve midi. Kansi meno muntu wu kinsuni nidi, wuyaduku bonso mundongo wu masumu.15Kedika, misamu mi nina hidika, nina mye bakula ko. Myo mintidi, nina mye hidika ko. Kansi myo mi nina lembolo tya, myamyomyo nina hidika.16Tala ti, nina hidika myo mi nina lembolo tya, mbakudi ti Musiku wumbote wudi.17Bwabu, ka meno ko nina hidika bobo, kansi ni masumu mana zinga mu meno.18Kadi, nzebi ti nidi na misamu mimbote ko, mpila mosi mu kimuntu kyani. Nidi na luzolo mu hidika misamu mimbote, kansi nidi na lulendo ko mu hidika myo.19Mu dyambu ti, misamu mimbote mi natiidi, nina hidika myo ko. Kansi misamu mimbi mi nina lembolo tya, myamyomyo nina hidika.20Tala ti nina hidika misamu mi nina lembolo tya, nasidi dyaka meno ko nina hidika myo, kansi ni masumu mana zinga mu meno.21Bwabu ni nabakudi Musiku ewu: tala ti ntiidi mu hidika misamu mimbote, ni misamu mimbi kaka nakwe lendanga mu hidika.22Mu kati di mutima ani, nakwe yangalalanga Misiku mi Nzambi.23Kansi, mu kati di nitu ani yimvimba, nakwe yenanga ti Musiku wuhiika wukwe nwanisanga Musiku wu madyela mani, mpe wukwe nkitulanga nkole yi Musiku wu masumu wudi mu nitu ani.24Aa kyadi meno muntu! Nani kwani waankuula mu nitu yilufwa e?25Nina vutula matondo ku Nzambi mu nzila yi Yesu-Klisto, Mfumu eto!Bwabu, mu madyela mani, nidi mundongo wu Musiku wu Nzambi, kansi mu kimuntu kyani, nidi mundongo wu Musiku wu masumu.
Wycliffe Bible Translators, Inc.