Mukanda wu Pawuli ku bisi- Loma6
Kubotoko mu Yesu-Klisto
1Nki bwabu tulendi ta e? Nganunu tutatamana mu zinga mu masumu mwanki mulemvo wu Nzambi wuvula nyeka e?2Kaani! Yeto tudi bafwa mu masumu: bwedi tulendi bwesa zingila dyaka mu masumu e?3Luzebi ko ti yeto bamvimba tubotoko mu Yesu-Klisto, mu lufwa lwandi tutambudila mbotokolo e?4Buna, mu mbotokolo batuziika ha kimosi nandi mu ba kintwadi mu lufwa lwandi, mwanki, bonso bufuluka Klisto mu bafwa mu lulendo lu nkembo lu Tata, yeto bumosi mpe tudyata mu luzingu lumona.5Buna, tala ti batutuula kintwadi nandi mu lufwa lufwanakani bonso lu lwandi, mbo tuba mpe kintwadi nandi mu mfulukulu yifwanakani bonso yi yandi.6Watuzebi ti: nitu eto yintama yabakoma ha kulunsi ha kimosi na Klisto, mwanki nitu eto yi masumu yifwa na tulembolo bwesa ba mindongo mi masumu.7Mu dyambu ti yondowo fwidi na Klisto weka muntu wulunungu, na kasiidi dyaka na masumu ko.8Kansi tala ti tufwidi ha kimosi na Klisto, tukwikidi ti mbo tuzinga mpe ha kimosi nandi.9Tuzebi ti Klisto, bu kafuluka mu bafwa, kalendi bwesa fwa ko: lufwa lusidi dyaka na lulendo mu yandi ko.10Bu kafwa, wufwa nkumbu yimosi kaka ki mankululu mu dyambu di masumu ma bantu. Kansi bwabu bu kadi wumoyo, wuna zinga mu dyambu di Nzambi.11Yeno mpe bumosi, lukibongila bonso bantu bafwa mu masumu, mpe bantu bamoyo mu dyambu di Nzambi, mu kintwadi na Yesu-Klisto.12Masumu malendi bwesa yaala nitu eno yaafwa ko, mwanki malembolo lusindisila mu tumimina nsatu zeno zi kinsuni.13Lubikandi binama byeno bi nitu mu masumu ko bonso bisalulu byehidikila misamu mimbi. Kansi lufweti kiyekola kimankululu yeno bende ku Nzambi bonso bantu bafulukidi mu bafwa na beka bamoyo. Mboki haaneeno nitu zeno zimvimba zisadila Nzambi bonso bisalulu bi lunungu.14Bwabu, masumu malendi bwesa ba na luyaalu mu yeno ko. Mu dyambu ti lusidi dyaka ku nsye Misiku ko, kansi ku nsye mulemvo wu Nzambi.Mindongo mi misamu lunungu
15Nki bwabu e? Nganunu tulendi hidika kweto masumu mu dyambu ti tusidi dyaka ku nsye lutumu lu Misiku ko, kansi mu mulemvo wu Nzambi e? Kaani!16Walutomini zaba ti: tala ti luna sadila muntu mu mutumimina, lweka bonso bisadi bi mfumu beyoyo yi luna tumimina, hoti luna tumimina masumu, makwe natanga ku lufwa, hoti luna tumimina Nzambi, yandi kwe natanga ku luzingu lu lunungu.17Kansi tuvutuleeno matondo ku Nzambi mu dyambu ti, yeno luteka ba mindongo mi masumu. Bwabu lutumamani mu mitima myeno mimvimba, mu ndongosolo yi kintwadi yi lutambula.18Lukululu mu bundongo bu masumu, mpe lweka mindongo mi misamu mi lunungu.19Nina zonzila bonso bukwe zonzilanga bantu mu dyambu dilebakani kweno mu bakula. Mu ntama, lusadila binama bi nitu zeno mu kitula byo bonso mindongo mi misamu mi busafu na mimbi. Bumosi mpe mu ntangu beyiyi, sadileeno binama bi nitu zeno mu kitula byo bonso mindongo mi misamu mi lunungu mu ba na luzingu lu bulongo.20Mu ntangu yi luba mindongo mi masumu, mu kimpwanza luba ha ntadisi yi lunungu.21Buna nkye mpila mbutu ziba neeno e? Mbutu zi lweyenina nsoni bwabu, mu dyambu ti nsukunu yawu, ni lufwa.22Kansi bwabu, lukulukidi mu masumu, mpe lweka mindongo mi Nzambi. Bwabu mbutu zi luna yonzika, ni luzingu lulongo, mpe ku nsukunu, ni luzingu lu mimvu ka mimvu.23Mu dyambu ti, mufutu wu masumu ni lufwa, kansi munkayulu wumpamba wukwe haananga Nzambi, ni luzingu lu mimvu ka mimvu mu Yesu-Klisto, Mfumu eto.Wycliffe Bible Translators, Inc.