Sálumu96
Aban uremu iseri lun Aburemei
1Heremuha aban iseri uremu lun Aburemei; heremuha lun Aburemei, lílana sun ubóu;2heremuha lun Aburemei, alawaha huméi liri; hadimureha sagü weyu luagu lesefuhan.3Hadimureha luagu luéirigun luma burí katei buiti le ladügübei hadimureha luagu hagibugiñe sun néchanigu.4Wéiriguti Aburemei, ani gadünati lun leremuhóuniwa lun: Hanufunati hawéi sun búngiugu!5Ladüga ha burí lubungiutegu líbiri fulasu, ni kata hagía, ánheinti Aburemei, ligía adügübalin sielu.6Anihein óunwenbu uéiriguni ligibugiñe! Anihein ubafu luma uéndeni tidan lisanduariun!7Lílana sun fulasu, ru huméi ubafu luma uéiriguni lun Aburemei;8ru huméi uéiriguni le ladünabei Aburemei lun; belú humá lidoun libürürün lau idewesei,9hudugua humá lun Aburemei tidan tubuidunmeraü luban. Adadagara hamá súngubei ligibugiñe!10Ariñaga humá houn gürigia: «Urúei Aburemei!» Ligía íchugubei iderebugu lun ubóu lun mánhingichun lan; ligía agumadirubalin sun burí fulasu lau irichaü.11Gúndaaguala sielu luma múa! Lahuuha barana lau sun le lídanbei!12Gúndaaguala áraabu lau sun le lídanbei! Wáguala burí tídibu wewe le áraabubei lau ugundani,13ligibugiñe Aburemei le anitebei! Liábinba aguseragüda lidan múa! Laguseragüdübaña gürigia ubouagu lau irichaü luma ísuruni.Bible Society of Honduras