Sálumu95
Weremuha lun Aburemei lau ugundani
1Higougu, weremuha lun Aburemei lau ugundani weremuha lun le óunigirubaliwa ani sefuláwa.2Belú wamá ligibugiñoun lau eteingiruni, weremuha lun luéirigun.3Ladüga Aburemei Búngiubei wéiriguti, Harúeite sun búngiugu.4Lúhaburuguñein lilulin-agei burí fulasu ligibuagu múa, lani sun liñun-agei burí wübü.5Lani barana, ladüga ligía adügübalin, ligía adügübalin múa mábeiti lau lúhabu guánarügü!6Higougu, hudugua wamá lun; hudugua wamá ligibugiñe Aburemei, ladüga ligía adügübaliwa.7Ligía Wabungiutebei, wagía lumutuniña; lilügüniña mudún wagía.Aganba huméi le lariñagubei hun uguñe:8«Medereragüda humóun hanigi kei yágüta Meribá; kei meha weyu lügüra yágüta Masá, lidan fulasu mageirawati,9dan le hóuchagunbalina hagüchagu, lau sun meha ariha hamaali lan katei le nadügübei.10Rédeitina gáñiñu hama gürigia hagía luagu bián-wein irumu, aba nariñagun: “Bóugudiñanu gürigia ha luéi üma le buídubei; midin hagía lau nugumadin!”11Ligía náfiñurunbei lidan nigañi luagu mebelubaña lan lidoun fulasu le emeraaguagülei».
Bible Society of Honduras