Sálumu39
Murusunrügüñein ibagari
1Füramasehadina yebe lun nóunigiruni ligaburi nusan, lun mafigounhan nan tau niñeñe lun madaarun nubéi lan niyuma sun añaha lan wuribatiña niñúarü.2Aba nadügün kamá le mariñagaditina, rédeitina maniñu. Madimurehantina ni íbini luagu katei le buídubei! Gama lumoun aweiridagueina ligía nigarigu;3sütu nasandirunu nanigi naniguagu! Lidan anaha lan asaminara luagu katei le, aba ladurangun watu nidan, ábati nariñagun lau umalali héreti:4«Nabureme, subudigüdabei nun kaba lan lébeha niwinwan luma átiribei lan dan nabagaridun; busentina nasubudiruni ida liña lan lilouguan nibagari!»5Rúhadibu aban ibagari le murusunrügüti nun; ni kata nibagari bigibugiñe. Sun gürigia ítara liña hadurarun ubouagu kei aban awaraguni!6Sun gürigia sügütiña kei aban amuñani! Málati hadaagun saragu irisini, ladüga ibidiñeti houn kaba lan eredera lau.7Ítarati Nabureme, kábati nagurabaha guentó? Buagu nemenigida!8Sefubána lídangiñe nifigoun; mígiraba lun hadügün ha ibidiouguabaña aau bula nau.9Adügatina kei mariñagaditina, ani máwagachuntina, ladüga buguya asufuriragüdübalina ítara.10Sunla bagayuahan nuagu; ladüga buchá nuagu lárigi lagayuahan barüna.11Arufudahatibu houn gürigia, lau babeichaguniña luéigiñe hafigoun, adügabéi burí katei le hínsiñetimabei houn lun ni kátame. Inarüni luagu ni kátañanu lan gürigia!12Nabureme, aganbabéi nafurieidun ruba arigei lun baganbuni nayahun! Merederabá maniñu lau náguira! Aban terencha au bun; aban dunuru to tásügürarügüña kei binadu nagübürigu.13Hebé baríagunina, ruba murusun awaraguni nun, ragüguaraü náamuga nungua lubaragiñe nounwen.Bible Society of Honduras