Sálumu38
Ayumuraguni amuriahei lídehan Bungiu
1Nabureme madeinhabá nun lidan basafaragun, mabeichunbaname lau bigañi.2Ladüga charuharu burí bigimaran nuagu, ru baali lihürü búhabu nuagun!3Sánditi sun núgubu lárigi bigañi ladüga nifigoun, úati ni aban abun buiti látuadi nidan!4Buchagüda nuriban nuagu; ítara liña nun kei aban anügüni le siñá numuti awanda.5Lañaladuña biti burí le nuágubei, hingi ligía ladüga numaganbadin.6Barugu niña, maguraasun au; ayahu niña sun weyu.7Éigaaguati nanagan lau abiruaü, sun núgubu lauñein sandi!8Ñounti nasandiruni nura ani méreedina, sun naünhan tídangiñeti nanigi.9Nabureme, subudi bumuti sun nayumahan, le nabusenrubei mama aban katei aramudaguati bun.10Fureseti tádühan nanigi, alouguadei naali nere, íbini narihin búriha!11Diñuhaña besi numadagu hama niduheñu nuéi, ladüga guméi le nuágubei.12Ha busenbaña háfarunina hilagubei, rútiña sádara nubá; ha busenbaña hañawarihanina, ayanuhatiña luagu hagünrinchagunina, súnwandan haransehaña lun hadügün wuribani.13Gama lumoun aba nadügün kamá le hamuga maganbuntina; maní au kamá mariñagaditina.14Ítara niña kei le maganbunbei, siñá lariñagun ni kata luéigiñegua.15Agurabatina búmagiñe Nubungiute, lun buguya lan óunabaña.16Amuriaharügütina lun méherahan hamá nau; lun meremuhan hamá uremu lánina agañeiruni danme le nábürühan.17Lidan linarün katei, madiseedina lun nábürühan; mígirun lumutina nigarigu ni murusun oura.18Nagufeseraali nifigoun, ladüga buíngüda lumutina lau íruni.19Gíbeguaaña náganiñu; gíbetiña iyereegutina houn madurunga.20Fáyeihaña wuribati nun luagu buiti, kóntürañanu nuguya luéigiñe náluahan nadügüni le buídubei.21Nabureme, mígirabana nábugua! Nubungiute, madisedabá nuéi!22Bungiu Nesefuragüle, higabu furese íderaguana!Bible Society of Honduras