Sálumu14
Hagadeirun gürigia
1Ha ibidiouguabaña aau haritaguatiña luagu ua lan Bungiu; gádeihaña sun hagía; adügaaña burí katei hanarimeti luriban; Úaaña adügütiña buiti!2Ariha lumutiña Aburemei gürigia siélugiñe lun larihin anhein anihein lubéi aban hádangiñe le gunfurandati hadan lun láluahani Bungiu.3Gama lumoun sun hagía, ragǘ hamaali üma le wuribabei; sun hagía gádeihaña. Úaaña adügütiña le buídubei! Úati ni íbini aban!4Úati gunfuranda hamá ha adaagubaña wuribani, ha éigibaliña numutuniña kei heigin fein, ha magúarunbalin liri Aburemei.5Hadadagaruba lau anufudei, ladüga Bungiu, hámañein ha aganbubalin.6Éherahatiña lau hayumahan ha gudemebaña, lau sun lira góunigi lumutiña Aburemei.7Liábindügü hamuga lesefurun Ísüraeli lídangiñe wübü le Sión. Danme lasansiruni Aburemei habunurun lánigu, ábame hagundaaragun ladügawagun Hakobu, sun lumutuniña Ísüraeli.Bible Society of Honduras