Sálumu15
Le lagurabubei Bungiu hámagiñe gürigia
1Aburemei, Ka gayaraabei laganóun biñuarü? Ka gayaraabei laganóun lidan buwübüri le sándubei?2Hárügüñanu richaguabaña abagaridun, adüga haméi le buídubei, ha ariñagubalin inarüni tídangiñe sun hanigi,3ha mayanuhanbaña wuriba ni ka uagu ha madügünbaña wuribati houn hamadagu, manabun hamaña habesinanigu,4ha arihibaña lau mabahüdǘni luagun katei le gadünabei lun larihín luagun lau mabahüdüni, gama lumoun rútiña inebesei lun le íchugubei inebesei lun Aburemei; ha agunfulirubalin le füramase hamaalibei, íbini dan le wuriba lan lidin houn;5ha afuredeihabalin haseinsun mamuriahanga lanwoun, ha máhabaña lun hariñagun luagu gadurun lan le madurunbei lúnrügü heresibirun seinsu. Ha abagaridutiña ítara, méiguadundügübaña.Bible Society of Honduras