2 Krónikasi23
1Luagu lisedün irumu lau tarúeihan Atalía, aba lóunahan Hoyadá hawagu úfisigu: Asaríasi le liráü Heroamü, Ísümaeli le liráü Hoanán, Asaríasi le liráü Owedi, Maseíasi le liráü Adaíasi luma Elisafátü le liráü Sikürí, aba ladügün lun hóundarun lumoun.2Aba héibuguni Hudá, aba hóundaraguniña Lewitagu ha lílana sun luburugute burí Hudá hama hábutigu sun iduheñu Ísüraelina, aba houdin sun hagía Herusalén.3Sun buga ha óundaragubaña ñein aba hadügün aban daradu lau Hoasi le liráü urúei litenpulunrugu Wabungiute.
Aba lariñagun Hoyadá houn:
—Anihán liráü urúei! Ligía lunbei urúeibei lan kei meha füramase lani Wabureme habügürü ladügawagun Dawidi.4Anihán le lunbei hadügüni: Huguya fádirigu hama Lewitagu, fánreinragua humá lidan ǘrüwa sétanu. Ha eseriwidubaña lidan luéyuri emeraaguni, hagíaba óunigirei tubenari ténpulu;5ábame sétanu tidan lani urúei palasiu, leme aban sétanu luagu lubenari iderebugu. Añahameti sun gürigia lidan tibürürün ténpulu.6Gama lumoun mebeluralá ni aban ténpulurugun bóugudin hawéi fádirigu hama Lewitagu ha láubaña eseriwiduni. Hagíarügübaña gayara hebelurun, lugundun anuadirúatiña; ha híbiri gürigia herederuba óunigira lidan liri Wabungiute.7Hegeyedaguba Lewitagu lau urúei, kada aban tau lárumate lúhaburugu, furumiñeguarügüme le áluguti lebelurun ténpulurugun, lóunweba. Hóudiba luma urúei le ñein lumuti lidin.8Aba hadügüni Lewitagu hama lílana Hudá sun le uágubei lariñaga fádiri Hoyadá houn. Aba lárügüdüni kada aban gumadi hawagu luwügüriñanigu, dandu ha ebelurubaña óunigira lidan luéyuri emeraaguni, kei ha áfuridubaña, lugundun mígirunti fádiri Hoyadá lun hóudingua ha agumuchuti lidaani heseriwidun.9Ábati lederegerunu fádiri Hoyadá eféin luma burí idaüdinaü le hadáü ageindagutiña le meha lani urúei Dawidi le litenpulunrugubei Wabungiute houn úfisigu.10Lárigiñe aba líchuguniña lumutuniña bénabu lúmagiñe luéigiñe tóunwenren ténpulu chülǘ luagun tubaünan, luma geyegua lau latarü, kada aban tau lefeinte lúhaburugu óunigirei urúei.11Ábati lasagaruni Hoyadá hama lirahüñü liráü urúei, aba hadaürüni ridi tuma ladaüragun urúei luagu, lárigiñe háwiyurun garaba luagun, aba híchuguni keisi urúei. Lárigiñe aba hagúaragun súngubei ariñaga:
—Gabagarilá urúei!12Dan taganbunbálin Atalía hagúarahan gürigia ha agúarahabaña luagu lufulesein urúei, aba tidin litenpulunrugun Wabungiute le ñein habéi súngubei.13Aba tarihini urúei ñein rara bénabu. Ñéinñanu hábutigu áfarutiña lóubagiñe, añahán gürigia gúndaañu íñaaha fidu; añahán eremuhatiña agúaha uremu lun Wabungiute. Ábati taheiridagunu Atalía tadaüragun, aba tagúaragun ariñaga:
—Agarabaaguni! Agarabaaguni!14Gama lumoun aba láfuridagüdüniña fádiri Hoyadá ábutigu ha gámabaña gürigia lábugiñe haríaahan, lariñaga houn:
—Sagá humoun ani miragua huméi le asigirutu!
Kei ariñagaali lan buga fádiri lun máfarun hamanu litenpulunrugu Wabureme,15aba hárügüdünu aba hasagarunu lídangiñe bena le habenari gabayu lun tidoun lani urúei palasiu, aba háfarunu ñein.16Lárigiñe aba ladügün Hoyadá daradu hama lílana fulasu labu luma urúei luagu hagíaba lan lumutuniña Wabureme.17Lárigiñe aba houdin súngubei litenpulunrugu Baali aba háguruni múarugun, günringua haméi burí lani latarü hama lani guáriuagu. Ánheinti Matán le lufadirin Baali, aba hadürürüni lichügü ligibugiñe latarü.18Lárigiñe aba líchugun Hoyadá óunigirutiña litenpulunrugu Wabungiute lábugiñe hagumadihan fádirigu hama Lewitagu ha bugaha líchugubaña Dawidi lun heseriwidun litenpulunrugu Wabungiute, lun hadagaragüdün adagaragüdüni gudawarügüti lun Wabureme según lariñaguni lilurudun Moisesi, eremuheina lau ugundani kei bugaha lariñaguni Dawidi.19Ruti giñe óunigirutiña bena tubenari litenpulun Wabureme, lun ua lan ni aban le wíyeti según igaburi ebeluruti ñeinhin.20Lárigiñe aba lanügüniña úfisigu, gürigia ha wéirigutimabaña, gumadimatiña ha fulasurugubaña hama sun gürigia, aba lidin hau úara luma urúei lúmagiñe litenpulunrugugiñe Wabureme darí tidoun lani urúei palasiu, aba hebelurun lídangiñe bena le íñugiñebei. Aba hañuuragüdüni urúei luagu lálana larúeihan,21aba hagundaaragun sun lílana fulasu. Kei bugati hilá tan Atalía, aba lerederun uburugu lidan darangilaü.
Aba lariñagun Hoyadá houn:
—Anihán liráü urúei! Ligía lunbei urúeibei lan kei meha füramase lani Wabureme habügürü ladügawagun Dawidi.4Anihán le lunbei hadügüni: Huguya fádirigu hama Lewitagu, fánreinragua humá lidan ǘrüwa sétanu. Ha eseriwidubaña lidan luéyuri emeraaguni, hagíaba óunigirei tubenari ténpulu;5ábame sétanu tidan lani urúei palasiu, leme aban sétanu luagu lubenari iderebugu. Añahameti sun gürigia lidan tibürürün ténpulu.6Gama lumoun mebeluralá ni aban ténpulurugun bóugudin hawéi fádirigu hama Lewitagu ha láubaña eseriwiduni. Hagíarügübaña gayara hebelurun, lugundun anuadirúatiña; ha híbiri gürigia herederuba óunigira lidan liri Wabungiute.7Hegeyedaguba Lewitagu lau urúei, kada aban tau lárumate lúhaburugu, furumiñeguarügüme le áluguti lebelurun ténpulurugun, lóunweba. Hóudiba luma urúei le ñein lumuti lidin.8Aba hadügüni Lewitagu hama lílana Hudá sun le uágubei lariñaga fádiri Hoyadá houn. Aba lárügüdüni kada aban gumadi hawagu luwügüriñanigu, dandu ha ebelurubaña óunigira lidan luéyuri emeraaguni, kei ha áfuridubaña, lugundun mígirunti fádiri Hoyadá lun hóudingua ha agumuchuti lidaani heseriwidun.9Ábati lederegerunu fádiri Hoyadá eféin luma burí idaüdinaü le hadáü ageindagutiña le meha lani urúei Dawidi le litenpulunrugubei Wabungiute houn úfisigu.10Lárigiñe aba líchuguniña lumutuniña bénabu lúmagiñe luéigiñe tóunwenren ténpulu chülǘ luagun tubaünan, luma geyegua lau latarü, kada aban tau lefeinte lúhaburugu óunigirei urúei.11Ábati lasagaruni Hoyadá hama lirahüñü liráü urúei, aba hadaürüni ridi tuma ladaüragun urúei luagu, lárigiñe háwiyurun garaba luagun, aba híchuguni keisi urúei. Lárigiñe aba hagúaragun súngubei ariñaga:
—Gabagarilá urúei!12Dan taganbunbálin Atalía hagúarahan gürigia ha agúarahabaña luagu lufulesein urúei, aba tidin litenpulunrugun Wabungiute le ñein habéi súngubei.13Aba tarihini urúei ñein rara bénabu. Ñéinñanu hábutigu áfarutiña lóubagiñe, añahán gürigia gúndaañu íñaaha fidu; añahán eremuhatiña agúaha uremu lun Wabungiute. Ábati taheiridagunu Atalía tadaüragun, aba tagúaragun ariñaga:
—Agarabaaguni! Agarabaaguni!14Gama lumoun aba láfuridagüdüniña fádiri Hoyadá ábutigu ha gámabaña gürigia lábugiñe haríaahan, lariñaga houn:
—Sagá humoun ani miragua huméi le asigirutu!
Kei ariñagaali lan buga fádiri lun máfarun hamanu litenpulunrugu Wabureme,15aba hárügüdünu aba hasagarunu lídangiñe bena le habenari gabayu lun tidoun lani urúei palasiu, aba háfarunu ñein.16Lárigiñe aba ladügün Hoyadá daradu hama lílana fulasu labu luma urúei luagu hagíaba lan lumutuniña Wabureme.17Lárigiñe aba houdin súngubei litenpulunrugu Baali aba háguruni múarugun, günringua haméi burí lani latarü hama lani guáriuagu. Ánheinti Matán le lufadirin Baali, aba hadürürüni lichügü ligibugiñe latarü.18Lárigiñe aba líchugun Hoyadá óunigirutiña litenpulunrugu Wabungiute lábugiñe hagumadihan fádirigu hama Lewitagu ha bugaha líchugubaña Dawidi lun heseriwidun litenpulunrugu Wabungiute, lun hadagaragüdün adagaragüdüni gudawarügüti lun Wabureme según lariñaguni lilurudun Moisesi, eremuheina lau ugundani kei bugaha lariñaguni Dawidi.19Ruti giñe óunigirutiña bena tubenari litenpulun Wabureme, lun ua lan ni aban le wíyeti según igaburi ebeluruti ñeinhin.20Lárigiñe aba lanügüniña úfisigu, gürigia ha wéirigutimabaña, gumadimatiña ha fulasurugubaña hama sun gürigia, aba lidin hau úara luma urúei lúmagiñe litenpulunrugugiñe Wabureme darí tidoun lani urúei palasiu, aba hebelurun lídangiñe bena le íñugiñebei. Aba hañuuragüdüni urúei luagu lálana larúeihan,21aba hagundaaragun sun lílana fulasu. Kei bugati hilá tan Atalía, aba lerederun uburugu lidan darangilaü.
Bible Society of Honduras