YESAYA56
Iɖi Itã Nɖebi Ɔɖuɖu
1Bosate sɔ,"Mibara ara wa loya fiɛ asia i ɔri isosi mibara nnɛ nlɛ,alasɔ ikuti kɛkɛĩ maaɖi mifiɛ wũ ara bɔlɔlɔa ibara ana aabɔrɛ kayi.2Maafere ɔturi wɔ nsɛ ɔbara i ara wagbe isoɔturi wɔ nsɛ ɔmɔɛ̃ wã ɔla teteree,ɔturi wɔ nsɛ ɔbara i Iwarãyi asɛra iso fiɛ ɔ̃isɛ ɔpia ne ɔgu,fiɛ ɔ̃isɛ ɔbara iranyanyariã kuiwɛ̃ kusɛkusɛ."3Midaatã ɔfɔ wɔ loɔsu so ɔtã Bosate si ɔɣɛ sɔ,"Gbaã ne Bosate to ɔ̃aɖi me ise i ɔ̃ maturi ame."Midaatã ɔrɛ̃rɛgɔã kuwɛ̃ si ɔɣɛ sɔ,"Kudziri korea kere loɖe."4Alasɔ Bosate sɔ,"Marɛ̃rɛgɔã ma nsɛ mamɔɛ̃ wũ Iwarãyi asɛra mala,mma loɖi nnɛ nsɛ iɣɔ me anɔfiɛ mamɔɛ̃ wũ ndamu mato ne -5mma loatã wũ isɔrɛyo ame gu ne abereinyigira gu iyere nɛ nlɛiɖo mabibirɛrɛĩ gu mabibirɔ̃gomi ne.Loasu iyere nɛ loibaro lotã mamaibanukutu ne manya.6Mafɔ ma losu so matã Bosatesɔ maasumu wũ,maaɖɔɛ Bosate iyerefiɛ maasɔrɛ wũ,mma ɔɖuɖu lobara i Iwarãyi asɛra iso fiɛ maisɛ mapia ne ɔgufiɛ masɛ mamɔɛ̃ wũ ndamu mala ne -7loatã ma masɛ wũ kube sekelea isofiɛ loatã ma isoɣɔ i wũ kayiikparama iyo ame.Loafɔ ma araifɛ̃ asɔrɛ gu asɔrɛi wũ isɔrɛkasege iso.Mato maakpere wũ iyo sɔnɖebi ɔɖuɖu kayiikparamakɔ̃."8Bosate Wɔ Nsiguso -nwɔ nsɛ ɔsa Israel mafɔrɔĩ kanya sɔ,"Loasa maturi mama kanya lobua anai mma loɔsakanya koko kama iso."Matã Israel Matɔ̃ɖedze Ipɔ
9Miba, kuputubɔi ɔɖuɖu miba miakɛkɛ araipoamemabɔi ɔɖuɖu!10Israel madzuɛ̃se ɔɖuɖu ɖe manɔbiɛdze,ma ɔɖuɖu na inɔkpa;maɖe makpɛkpɛ mumu,maisɛ mawo ɔfafã,marɛ kere i kakɔi biara mato masɛ̃ arɛmasɛ maɖɔɛ sirɛ irɛ.11Makpɛkpɛ ɖeɖei maɖe;maisɛ maɖe ara mami kuiyikuiyi.Masɛrɛkɔdze ma nna karɔ̃inɔ maɖe.Ma ɔbiara sɛ ɔsu ɔ̃ ɔri,ɔbiara to ɔbie ɔ̃ kusia.12Ɔbiara sɛ ɔɣɛ sɔ, "Miba, tã lobɔ wain!Mitã si bonɛ ndã mɛ mba ɔle bomi kukaakɔ!Kɔrãkaɖe to kaase lɛ nɔme,fiɛ ito ialɛ iɖo kɔraa."The Seed Company