Leviticus21
1यहोवा मूसा से कहलन, 'हारून के बेटवन याजकवन से कहऽ, कि तोहनी में से कोई अपन प्रजा के मर जाइ के चलते अशुद्ध नऽ होवऽ,2आउर ओकर सब नजदीक रिश्तेदार, मतलब, अपन माइ के छोड़ अशुद्ध नऽ होवऽ। ओकर बाबू जी, ओकर बेटा, ओकर बेटी, ओकर भाई,3चाहे कुँवारी बहिन, जे ओकर पर आश्रित हे काहेकि ओकरा कोई पति न हे, ओकर वजह से ऊ अपने आप के अशुद्ध कर सकऽ हे।4तोहनी याजक होवे के चलते अपन लोगवन में प्रधान हऽ, एहिगुने अपन दूसरा रिश्तेदार सब के लहास के छू के अपने आप के हमर काम लगी अशुद्ध नऽ बनावऽ।5याजक अपन माथा नऽ मुड़ावत, नऽ दाढ़ी के बाल मुड़ावत, आउर नऽ अपन देह के काटतन। 6ऊ अपन परमेश्वर लागी पवित्र रहत, आउर अपन परमेश्वर के नाम के अनादर नऽ करत, काहेकि याजक यहोवा के अन्नबलि मतलब कि अपन परमेश्वर के रोटी चढ़ावऽ हे, येहिसे याजक के पवित्र होवे के चाही।7ऊ कोई वेश्या आउर गलत औरत से विवाह न करतन, आउर न पति के छोड़ल औरत से विवाह करतन, काहेकि ऊ याजक परमेश्वर लागी पवित्र करल गेलन हे। 8तूँ ओकरा अलग कर दिहऽ काहेकि ओही तोर परमेश्वर लागी रोटी चढ़ावऽ हे। ऊ तोरा लागी पवित्र होइ, काहेकि हम यहोवा जौन तोरा पवित्र करऽ ही, पवित्र ही।9आउर कोई याजक के बेटी, जौन वेश्या बन के खुद के अशुद्ध करऽ हे, ऊ अपन पिता के अपमान करऽ हे, ओकरा जला देवे के चाही। 10जौन अपन भाई के बीच में महायाजक हे, ओकर सिर पर अभिषेक के तेल देवल गेल हे, जेकरा महायाजक के खास कपड़ा पेहनावेला पवित्र कईल गेल हे, ऊ अपन बाल खुलल न रखतन, चाहे अपन कपड़ा ना फाड़तन।11ऊ कोई अईसन स्थान पर न जइतन जहाँ कोई लोथ रहे, आउर खुद के अशुद्ध न करतन, हियाँ तक कि अपन माता चाहे पिता के चलते भी अशुद्ध न होतन।12महायाजक के तम्बू के पवित्रस्थान के नऽ छोड़े के चाही आउर नऽ ही अपन परमेश्वर के पवित्रस्थान के अशुद्ध करे के चाही। काहेकि ऊ अपन परमेश्वर के अभिषेक के तेल से महायाजक के रूप मे पवित्र करल गेलन हे। हम यहोवा ही।13महायाजक के एगो कुँवारी से अपन मेहरारू के रूप में वियाह करे के चाही।14ओकरा कोई विधवा, चाहे तलाकसुदा औरत, चाहे वेश्या से वियाह न करतन। ऊ ई तरह के औरतियन से विवाह नऽ करतन। ऊ खाली अपने ही लोग में से कोई कुँवारी से विवाह कर सकलन हे,15येहिसे ऊ अपन लोग के बीच में अपन लईकमन के अशुद्ध, नऽ करतन, काहेकि हम यहोवा ही, जे उनका पवित्र करऽ ही।16फिर यहोवा मूसा से कहलन।17हारून से कहऽ, कि पीढ़ी दर पीढ़ी में से तोर वंश में जे कोई के भी देह के दोष होत, ऊ अपन परमेश्वर लागी भोजन चढ़ावे लागी नऽ जईतन।18जौन आदमी में कोई देह में ऐब लगल हे, ओकरा यहोवा भीर नऽ आवे के चाही, जईसे आंधर, चाहे लांगड़, चाहे कुरूप, चाहे विकलांग रहे। 19चाहे हाथ चाहे गोड़ से अपंग आदमी।20जौन आदमी के पीठ कूबड़ हे चाहे जे एकदम से पतला चाहे नाटा रहे, चाहे जौन आदमी के आँख में ऐब हे, चाहे कोई रोग, घाव, पपड़ी, या जेकर अंडकोश कुचलल गेल हे।21हारून याजक के वंश में से कोई के भी शारीरिक दोष होवे पर यहोवा लागी हव्य चढ़ावे लागी समीप नऽ अईतन, अईसन आदमी जेकरा में शारीरिक दोष होवऽ हे, ऊ अपन परमेश्वर के रोटी चढ़ावे लागी समीप नऽ अईतन।22ऊ अपन परमेश्वर के भोजन खा सकलन हे, चाहे ऊ परमपवित्र वस्तु में से रहे चाहे पवित्र वस्तु में से रहे।23बाकि शारीरिक दोष के कारण ऊ परदा के भीतर नऽ अईतन, आउर नऽ वेदी भीर अईतन, अईसन न होवे कि ऊ हमर पवित्रस्थान के अशुद्ध कर देवे, काहेकि हम यहोवा ही जौन ओकरा पवित्र करऽ ही। 24तऽ मूसा हारून, आउर उनकर बेटा सब, आउर इस्राएल के सभे लोग से ई बतियन कहलन।
Bridge Connectivity Solutions Pvt. Ltd.