Leviticus20
1यहोवा मूसा से कहलन,2इस्राएल के लोग से कहऽ, इस्राएल के लोग में से जौन कोई, चाहे इस्राएल में रहे वाला कोई परदेशी रहे वाला, जौन अपन लईकन में से कोई के मोलेक के दे देतन, ऊ जरुर मार देवल जाइ, देश के लोग ओकरा पर पत्थराव कर के मार देतन।3आउर हम भी ऊ आदमी के खिलाफ होके ओकरा, ओकर समाज के बीच में से नाश कर देम, काहेकि ऊ अपन लईका मोलेक के दे देलक हे, जेकरा से ऊ हमर पवित्रस्थान अशुद्ध कर देतन, आउर हमर पवित्र नाम के अपवित्र कर देतन।4आउर जदि ऊ आदमी अपन कोई लईका के मोलेक के देतन, आउर ऊ देश के लोग ओकरा दने से आँख मुंद लेतन आउर ओकरा मार न देतन।5तऽ हम आउर तूँ ऊ आदमी आउर ओकर कुल के खिलाफ हो जायेम, आउर जौन मोलेक के साथ व्यभिचार करत, ओकरा ओकर सब लोग के हम नाश कर देम।6जे आदमी मरल मुरदा से, चाहे प्रेतात्मा सब से बात करे वाला ओझा के तरप मुड़तन, आउर ओकर से व्यभिचार करतन, तऽ हम ऊ आदमी के खिलाफ हो जायेम, आउर हम ओकरा ओकर सभे लोग के बीच में से नाश कर देम।7येहिगुने खुद के पवित्र करऽ आउर पवित्र बनऽ, काहेकि हम तोर परमेश्वर यहोवा ही। 8तोरा हमर आज्ञा के पालन करे आउर ओकरा माने के चाही। हम तोर यहोवा ही जौन तोरा पवित्र कर के अलग कईली हे।9जौन कोई अपन बाबूजी चाहे अपन माय के श्राप देत ऊ जरुर मार देवल जाय, ऊ अपन माय आउर बाबूजी के श्राप देलन हे, येहिगुने ऊ दोषी हे, आउर मौत के सजा के लायक हे।10जे आदमी पराया मरद के औरत के साथ व्यभिचार करऽ हे, मतलब कि जे कोई अपन पड़ोसी के औरत के साथ व्यभिचार करऽ हे, ऊ व्यभिचारी आउर व्यभिचारिणी दुन्नो के जरुर मार देवल जाइ। 11जदि कोई अपन बाबूजी के मेहरारु के साथ कुकर्म करऽ हे, तऽ ऊ अपन बाबूजी के देह उघारऽ हे। ओकर बेटा आउर ओकर बाबूजी के मेहरारू दूनो के जरुर मार देवे के चाही। ओकर खून ओकरे सिर पर पड़त। 12यदि कोई अपन पुतोह से कुकरम करऽ हे, त ऊ दुन्नो के जरुर मार देवल जाय, ऊ दुन्नो कुकर्म कईलन हे, येहिसे ऊ दोषी हे आउर मरे के लायक हे।13जदि एगो मरद दोसर मरद के साथे सुते, जईसे कोई औरत के साथे सुतऽ हे तऽ दुन्नो घिनामन काम कईलन हे। ओखनी के जरुर मौत के सजा देवे के चाही ऊ दोषी आउर मौत के लायक हे। 14जदि कोई आदमी कोई औरत के साथे वियाह कर के ओकर माय से भी वियाह करत तऽ ई बदमासी हे। ऊ आउर औरतियन के दुन्नो के जला देवल जाय के चाही, जेकरा से कि तोर बीच में कोई बुराई नऽ रहे।15जदि कोई आदमी जानवर के साथ कुकर्म करे तऽ ऊ जरुर मार देवल जाय, आउर तूँ ऊ जनावर के भी मार दिहऽ।16जदि कोई औरत कोई जनावर के भीर जा के ओकरा साथे कुकर्म करे, तऽ ऊ औरत आउर जानवर दूनो के मार देवे के चाही। ओकरा जरुर मौत के सजा देवल जाय के चाही। ऊ दोषी हे, आउर मौत के लायक हे।17जदि कोई अपन बहिन, चाहे अपन पिता के बेटी, चाहे अपन माय के बेटी से वियाह कर लेतन, आउर ओकर देह उघाड़त आउर ऊ ओकर देह देखतन, तऽ ई शरम के बात हे। ओकरा पर अपन लोगवन के बच्चा के सामने खतम कर देवल जाय के चाही। ऊ अपन बहिन के नंगापन के उजागर कईलक हे आउर ओकरा पर तरस न करिहऽ ओकरा अपन पाप के परिणाम माने पड़त।18जदि कोई आदमी कोई औरत के मासिक धर्म के समय ओकर साथे सूत के ओकर देह उघार देवे, तऽ ऊ ओकर खून के सोता उघार देलक हे, आदमी आउर औरत दूनो के ओकर समाज के लोग के बीच में से अलग कर देवल जाय के चाही।19तोरा अपन माइ के बहिन, चाहे बाबू जी के बहिन के तन नऽ उघारे के चाही काहेकि तूँ अपन नजदीकी रिश्तेदार के बेईज्जती करऽ हऽ, तोर अपन पाप के भार खुद उठावे पड़त।20यदि कोई आदमी अपन चाची साथ कुकर्म करऽ हे, तऽ ऊ अपन चाची के बेईज्जती करऽ हे। ऊ अपन पाप लागी जबाबदेह होत, ऊ बेगर बाल-बच्चा के मर जायेत।21यदि कोई आदमी अपन भाई के जिन्दा रहते ओकर मेहरारू से विवाह कर ले हे, तऽ ई शरम के बात हे। ऊ अपन भाई के अशुद्ध अईलक हे आउर हम ओकर बाल-बच्चा से सभे धन-दौलत छीन लेम। जौन ओकरा अपन माय बाप से विरासत में मिलल हे।22येहिसे तूँ हमर सभे विधि-विधान आउर सभे आज्ञा के पालन करिहऽ, तोरा ओकर बात माने पड़त, ताकि जौन देश में हम तोरा बसेला ले जा रहली हे ऊ तोरा उगल नऽ देवे।23जौन जातियन के हम तोरा सामने से निकाल देम, ओकर रीति रिवाज पर तूँ नऽ चलिहऽ, काहेकि ओखनी अईसन बड़ी सा काम कईलन हे, आउर हम ओकरा से घिरना करऽ ही।24हम तोर से कहली, तूँ ऊ देश के अधिकारी बनवऽ, हम तोरा दूध आउर मधु के धारा बहे वाला देश के अधिकारी बना देम। हम तोर परमेश्वर यहोवा ही। जे तोरा दोसर देश के लोग से अलग कर देली हे। 25येहिसे तोरा शुद्ध आउर अशुद्ध जानवर में, आउर शुद्ध आउर अशुद्ध चिरईंयन के बीच फरक करे के चाही। तोरा अशुद्ध जनावर चाहे चिरईंयन चाहे जमीन पर सरके वाला कोई जीव के द्वारा जेकरा हम तोरा ला अशुद्ध कर के अलग कईली हे खुद के अशुद्ध न करिहऽ।26तोरा पवित्र होवे के चाही काहेकि हम यहोवा पवित्र ही। आउर हम तोरा दोसरा लोगवन से अलग कर देली हे, काहेकि तूँ हमर हऽ।27जौन ओझा मरद चाहे औरत मरलकन से चाहे आत्मावन से बात करऽ हे ओकरा जरुर मार देवल जाय। लोगवन के ओकरा पर पथराव करे के चाही ऊ दोषी हे आउर मौत के लायक हे।
Bridge Connectivity Solutions Pvt. Ltd.