قٲضؠ4
1اہود سٕنٛدِ مرنہٕ پتہٕ لٲگؠ اسرائیل یو بیٚیہِ تِم کار کرٕنؠ یِمن یہُوواہنؔ کۅ کار ووٚن۔2اوے اوٚن تٔمؠ یِمن پٮ۪ٹھ وۅگلٲوِتھ کنعان کہِ علاقہٕ منٛزٕ أکِس بادشاہ یابِین سُنٛد فوج یس حصورکِسؔ شہرس پٮ۪ٹھ راج اوس کران۔ یِمو اسرائیلی تلفس تل أنؠ۔ امسنٛدِ فوجُک سردار اوس سِیسر یُس حروستؔ شہرس منٛز اوس روزان ییٚتہِ واریاہ غٲر اسرائیلی تہِ بسان ٲسؠ۔3سِسیر سنٛدِس لشکرس منٛز ٲسؠ نو شتھ شِسترو رتھ تہِ شٲمل۔ وُہن ؤرین وول أمؠ اسرائیل ین دالہٕ۔ پتہٕ کوٚر یِمو یہُوواہسؔ بیٚیہِ مدتہٕ باپتھ زارٕ پارٕ۔4یپٲرؠ ٲس پانس یہُوواہؔ سنٛز نبی آسنُک دعوا کرن واجِنؠ زنان دبورہؔ لفِیدوتٕنؔؠ آشِنؠ۔ یۅسہ پننہِ وقتہٕ اسرائیلس منٛز اکھ ناو ہٮ۪نس لاین قٲضؠ ٲس۔ 5سۅ ٲس بہان پننس کھزٕر کُلِس تل یتھ تِم دبورِ ہُنٛد کھٔزِر کُل ونان ٲسؠ۔ یہ جاے ٲس رامہؔ تہٕ بیت ایلؔ شہرس درمیان أکِس کوہستٲنؠ علاقس منٛز یتہِ افرائیمؔ سٕنٛدؠ زُرؠ روزان ٲسؠ۔ لوٗکھ ٲسِس اورؠ واتان تہٕ پننٮ۪ن قانونی مسلن ہُنٛد حل ژھاران۔ سۅ ٲس حق تہٕ ناحق انٛزرٲوِتھ دِوان۔6اکہِ دوٚہہ سوز امہِ نامہٕ ابی نوعمؔ سنٛدِس نیٚچوِس برقسؔ پانس نِش یِنہٕ باپتھ۔ سُہ اوس قادس علاقُک یتہِ نفتالیؔ ہنٛدؠ زُرؠ لسان بسان ٲسؠ۔ تمہِ ووٚن أمِس، "یہِ چھےٚ ونان یہُوواہؔ یمِس أسؠ عبادت کران چھِ ژےٚ کرنُک حکم دِوان پانس سٟتؠ تلُکھ کینٛہہ نفتٲلؠ تہٕ کینٛہہ زبولونؠ کُل داہ ساس نفر تہٕ سمیٚو سٲری تبورؔ بالہٕ ٹینگہِ پٮ۪ٹھ۔7یہُوواہؔ بناوِ مےٚ بادشاہ یابین سنٛدِس سپاہ سالار سِیسر یہ مانراو تس لایق زِ سُہ واتہِ کینٛہہ میٖل دوٗر قیسون درؠ یاوس پٮ۪ٹھ پنٕنؠ رتھ تہٕ لشکر ہٮ۪تھ بہ بناوکھ تہنٛدؠ نفر تِمن تٔتی تلفس تل اننس لایق۔8برقنؔ ووٚنُس یورٕ، "بہٕ گژھٕ یوٚدوے ژٕتہِ یِکھ مےٚ سٟتؠ۔ یوٚدوے ژٕ یِکھ نہٕ مےٚ سٟتؠ بٕتہ گژھنہٕ۔"9تٔمہِ ووٚنُس اورٕ، "بہٕ یِمے پٔزی ژےٚ سٟتؠ وۅنؠ گوو یہِ کرنہٕ سٟتؠ یہِ زن چون فٲصلہٕ چُھ، یہُوواہؔ بناوِ زنانن سِیسر شِکس دِنس قٲیل۔ امیُک تر نیرِ تیٚلہِ یہِ زِ ژےٚ کٔری نہٕ کانٛہہ عزت یہِ کرنہٕ سٟتؠ۔ اوے درایہِ دبورؔ برقسؔ سٟتؠ قادِسؔ کُن۔10اتہِ أنؠ أمؠ نفتٲلؠ تہٕ زبولون نفر سمبرٲوِتھ۔ داہ ساس نفر وٲتؠ أمِس نِش تہٕ پتہٕ دراے دبورِؔ سٟتؠ سٲری تبورؔ بالس کُن۔11امہِ وقتہٕ اوس اکھ حِبرؔ ناوُک قینی پنٕنؠ آشِنؠ یاعیلہؔ ہٮ۪تھ قینی ین نِش دوریومُت تہٕ اوسن قادِس نکھے ضعننیم جایہِ أکِس بلوط کس کُلِس تل ڈیر تروومُت حٕبرؔ اوس موسیٰؔ سٕنٛدِس حُبابؔ نٲوؠ ہیہرٕ سُنٛد زُر12کٔمؠ تام ووٚن سِیسرس زِ ابی نوعمؔ سُنٛد نیٚچو برق چُھ پنٕنؠ لشکر ہٮ۪تھ تبورؔ بالس کھوٚتمُت۔13سِیسرین کٔر پنٕنؠ لشکر جمع یتھ منٛز نو شتھ رتھ تہِ ٲسؠ تہٕ دراو حروستؔ یتہِ غٲر اسرائیلی تہِ روزان ٲسؠ قیسون درؠ یاوس کُن۔ 14دبورِؔ ووٚن برقسؔ، "گژھِ کھڑا، یوہے چُھ سُہ دوٚہہ ییٚلہِ یہُوواہؔ چٲنِس لشکرس سِیسر سنٛدِس لشکرس تلفس تل اننس قٲبل بناوِ۔ یہُوواہؔ چھُے پانہٕ ژےٚ برونٛہہ برونٛہہ۔ "اوے تہِ دراو برق پنُن لشکر ہٮ۪تھ تبورؔ بالہٕ بوٚن کُن۔15یوت یوت تِم برونٛہہ پکان رودؠ، یہُوواہنؔ أنؠ سخ تھوٚس سِیسرس امسنٛدٮ۪ن رتھن تہٕ امسنٛدٮ۪ن لشکرن برونٛہہ پکنس منٛز اوے دِژ سِیسرن رتھہٕ پٮ۪ٹھ وۅٹھ تہٕ ژوٚل۔ 16مگر برقؔ تہٕ تسُنٛد لشکر دوریو باقےٕ رتھن تہٕ دشمن فوجس پتے حروستس تام یتہِ غٲر اسرائیلی تہِ روزان ٲسؠ تِمو مٲرؠ سِیسر سٕنٛدِ فوجٕکؠ سٲری نفر۔ اکھ تہِ بچوو نہٕ پتھ کُن۔17وۅنؠ گو سِیسر دوریو یاعیل سٕنٛدِس خٟمس کُن۔ تٔمؠ کوٚر یہِ، یہِ زٲنِتھ زِ سِیسر سُنٛد آغہٕ حصور شہرُک یابین اوس اسنٛدس خاندار حِبرؔ سُنٛد رُت یار۔18یاعیل درایہِ اور سِیسرس خوش آوے کرنہِ۔ تٔمہِ ووٚن أمِس۔ جناب أژیو میٲنِس خٟمس منٛز، کھوٚژِو مہٕ۔ اوے ژاو سُہ خٟمس منٛز تہٕ ترووُن درازٕ پان یاعیلہِؔ ترٲوٕس پٮ۪ٹھ کمل۔19أمؠ ووٚن تس، "بہٕ چُھس ترہشہٕ ہوٚت۔ ژٕ دِکھا مےٚ تریش؟ اوے کھوجؠ امہِ دالو مشق یتھ منٛز دود اوس تہٕ پھیرنس پتہٕ تروونس وۅٚرُن پٮ۪ٹھ۔ 20تٔمؠ ووٚن تس خٟمہٕ اژن باپتھ، "برس پٮ۪ٹھ روز وۅدٕنؠ، یوٚدوے کانٛہہ یی تہٕ پرٕژھی زِ اتہِ چھا کانٛہہ؟ ؤنؠ زٮ۪س نَہ۔"21سِیسؔر اوس تھٔکِتھ پیومُت۔ تس پیٚیہِ ؤلؠ نینٛدر۔ ییٚلہ سُہ شۅنگِتھ اوس، یاعیلہؔ ژایہ لۅتے اوت۔ اکھ پر تہٕ خٟمُک پۅن ہیٚتھ تٔمؠ رۅٹ سُہ پۅن امسنٛزِ کلہٕ کھاپرِ پٮ۪ٹھ تہٕ دیُتنس پرٕ سٟتؠ ٹاس ٹاس یۅتام پۅن کلہٕ کھاپھر ژٔٹِتھ زمینہِ ووٚتھ تہٕ مود۔22ییٚلہِ برقؔ یاعیلہؔ ہنٛدِس خٟمس کُن آو سِیسریہس وُچھنہِ، سۅ درایس یورٕ خوش آوے کرنہِ۔ تمہِ ووٚنُس ولہٕ اژ۔ بہٕ ہاونے سُہ نفر یمس ژٕ ژھاران چھُکھ۔ اوے ژاو سُہ أمِس پتہٕ پتہٕ خٟمس منٛز تہٕ وچُھن سِیسر اتہِ پیومُت تہٕ مودمُت۔ خٟمہٕ پون وُنہِ تہِ کلہٕ کھوپرِ منٛزےٕ۔23امہِ دوٚہہ بنٲوؠ خداین اسرائیلی أکِس کنعٲنؠ بادشاہ یابین سنٛدِس لشکرس تلفس تل اننس لایق۔24اسرائیلی بنیاے ژٔرؠ ژٔرؠ طاقتہٕ وٲلؠ تہٕ تِمو کوٚر یابین تہٕ تسُنٛد لشکر بُرباد۔
Bridge Connectivity Solutions Pvt. Ltd.