Meng Lai42
Mami dow Kora krungchakuüa kowh meng chekhai.
1Naki dow nakham hawriang tui kown mih lainowmma sakkrai reng,aw CHAKRAMANG, nami iawng ang kowh sak paw lainowmma sakkrai en khai.2Thurai kowi, masing Thurai kowi lainowmma ang sakkrai khai;tawng khe chow aia pur kowi aia kowi ang kownowng chupiia kown?3Ang dow ni chut uar prowt hing karta hüah towbowt,ni towng maru lünta ang mih, “Tawng kowi chow en kowh Thurai?” pakhai.4Ang klenta mih chownglawng krawi tuakah hanow lainowmma ang tuak kawm khai.Akat khe dow kiow Thurai miuüa kowi kruila se Thurai chup kim kowi ang cham kowi reng chowdiah,now maru kawmuüa hown piaw se pa se Thurai kowi ang tek awmrawm lai reng chowdiah.5Tawngplawng kowchow khowt pat ang kowh sak tuk nen khai?Tawngplawng kowchow khowt pat ang tuk tuak krat khai?Thurai luk kowi ang naowmsak kown,lawng ang mih kowi ang naplan kiow iawk kown.6Aw ang kowh Thurai, lainowmma ang sak nen khai bowt;naiawng rakowi Jawrdan aw mawr kowi ang cham iowng khe ang ka tuak khai,now Hermawn hungh hai Mizar hungh chut kowi ang cham iowng khe paw ang ka tuak en khai.7Tui lawt khe kowh tui uang hawr dutlut mih iawng,ang luk kowi mih akrat pusara en uang pe tingah khai.8CHAKRAMANG dow aia kowh achur uowi dowi mih sakraura ni towng uang tüng ang reng.Naiawng rakowi iak towng aia vüi kowi ang tek pe kiowri meng reng,pe ang singra mih Thurai tut-e ang awr lü awr leng reng chekhai.9Ang kowh Thurai, ang kowh tatung tanimra Singku Huamang kowi maiawng ang tek pe khai,“Tawngplawng kowchow en tuk tamata ang khai?Tawngplawng kowchow ransu-uüa chang ang nowng hanow tuk towk ang krat khai?” pakhai.10Ang kowh ransu-uüa dow hing prawngrenta ang hüah chekhai,amatni dow, “Tawng kowi chow en kowh Thurai?” pahai tek ang reng.Nakhowk khe ang dow rukrai krang hut ter khai iawng towbowt.11Tawngplawng kowchow khowt pat ang kowh sak tuk nen khai,Tawngplawng kowchow khowt pat ang tuk tuak krat khai?Thurai luk kowi ang naowmsak kown,lawng ang mih kowi ang naplan kiow iawk kown.The Seed Company