Zumbunulo5
1Ndakabona muluboko goludli gwawhoya ugele patjigalo tjebumambo, lukwalo gwakakwaga mukati nekuhhe gwakahhaligwa nezwizwino zwilikutondeka,2kakale ndakabona ntumwa wekuNdzimu unamasimba edanilila newhi gulugulu eti, “Ndiyani wakafanila hhula lukwalo nekwamula zwizwino zwago?”3Akuna nhu kudzimu, kene muhango, kene pasi kwehango wakatubula hhula lukwalo, kene iko linga mukati kwago.4Ndakalila kwazo, ngobe kwakahayika nhu wakafanila hhula lukwalo, kene iko linga mukati kwago.5Ndizo umwe webawhola wakati kundili, “Usilile, Humba yeludzi gwaJuda, eli Ndzi waDavida, wakunda, kuyetila kuti atubule hhula lukwalo nekwamula zwizwino zwago zwilikutondeka.”6Kakale ndakabona Mwizana kunga kunhoyi yakabulawa, ilimile pakati kwetjigalo tjobumambo, yakakombeledzewa nezwipuka zwinotjila zwina nebawhola. Mwizana yaka inanyanga dzilikutondeka, nemeho alikutondeka, kunoba Meya dzilikutondeka dzeNdzimu dzakatumwa muhango yose.7Wakayenda akanotola lukwalo muluboko gweludli gwa iye waka eligele patjigalo tjebumambo.8Wakati atola lukwalo, zwipuka zwinotjila zwina, nebawhola bali makumi mabili nebana bakakotama mbeli kweMwizana, umwe newumwe wabo waka anadende nendigwana dzezeezi dzihhele mhoza, kuli mitembezelo yebakayengemala.9Bakamba lumbo gutshwa beti,“Ndimwi makafanila tola lukwalo,nehhula zwizwino,ngobe makabulawa kakale nemalopa enyu makakatengela Ndzimu banhu.Banhu benjudzi dzose, nebendimi dzose, nebehango dzose,10makabathama kuti babe bumambo nebuphirisiti kuNdzimu wedu,banowhotonga pehhugwi kwehango.”11Ipapo ndakalinga kakale ndikawha whi lebatumwa bekudzimu banjinji, ibo baka bali zwiwulu zwezwiwulu, gumi lezwiwulu lakapamhiwa kagumi lezwiwulu. Baka bakakombeledza tjigalo tjebumambo, nezwipuka zwinotjila nebawhola.12Baka beti newhi gulugulu,“Mwizana yakabulawa yakafanilakuti iwamutjile masimba, nefumwa, nebutjenjebvu, nesimba,nelemekedzewa, nekudziwa, nelumbidziwa!”13Ndakawha tjimwe netjimwe tjipuka tjiikudzimu, netjiimuhango, netjipasi kwehango, netjimukati kwegungwa nezwinotjila imhomo zwiti,“Kuwunli ugele patjigalo tjobumambo nekuMwizana,Ngaalumbidziwe, alemekedziwe, akudziwe, iye nesimba,nekusingapele.”14Zwipuka zwinotjila zwina zwakahandula zwiti, “Akujalo!” Bawhola bakakotama bakanamata.
The Word for the World International